Luk 21

Samipfü Puo Mha Khakeshü

(Mark 12:41-44)

1Siro puo tosie ru kenyimiako mha pie kinyibou nu shükeba ngulie; 2tsiu thenu sami mhakejüpfü puo rei priesa kenie khakeshü ngu, 3sitse puo sie, “A nieko ki pu toushütuo, mhakejü sami hapfü kekreimia pete ki rei mha kha krashü ho; 4kekreilamonyü kekreimia we u ketshukelhuo chü keba nunu khashü; derei hapfüha zo we puo kejü donu rei puo vie ketuokoyo pete khashüwata zo.”

Rüsuokiu Kataketuo Pukeshü

(Mat 24:1-2; Mark 13:1-2)

5Süsie huomia ketsie kevi se rüsuokiu ketso kezivi phipie keba mu mha pie Ukepenuopfü ketsü dzeko kepu tha ru puo sie, 6“Nieko ngu kethako la, teisozhako vortuo, sidi ketsie puo bu rei kekrei puo gei ba motatuo; pete ne ketou phrewatuo.”

Mha Kebvükecü mu Kepechü

(Mat 24:3-14; Mark 13:3-13)

7Süki uko sie, “Kepethau, kicükipuo mha hau chütatuo ga? Siro mha süko chütaketuo teiki zasi kikecüpuo chüshütuo ga?” 8Sitse puo sie, “Nieko mia bu nie sewa molieketuo la nie kirei tuoliecie, kekreilamonyü themia kekra a za se, ‘A puo zowe!’#21:8 Gk A we. tsiu ‘Puoteiu sü vorte!’#21:8 Moro u dzieki bate. isi vortuo. Siürei süko medzita hie.

9“Siro nieko terhükegeikecü mu mha kebvükecü dzeko kesi ki michieta hiecie; mha sikecüko chü perie vor morosuo, derei süu puotei thelau chü mhaita lho.” 10Süsie puo uko ki, “Seyie puoe seyie kekrei puo ngumvü mu kedi puoe kedi kekrei puo perhietuo; 11tsiu kiükishü kemerie chü siro lukihaki pekrie mu thepetheruo siertuo; siro teigei nu mha kemeriekecü mu ngupie michie zokecü zasi chü phishütuo.

12“Derei mha hako chüketa mhodzü mia bu nieko telie di nie pechüpenyütuo, mia nieko tepie sinagogko nu tsiu kediekiko nu votuo, tsiu a za la mia bu nieko teze ahngko mu kediko mhodzünu votuo. 13Hau nieko bu zhapu chüshülieketuo tei puo zo. 14Süla nieko mia ki kedipuo putuo shicü pedzüperie le medo ba hie; 15kekreilamonyü ngumvümia bu nie mese chülie kelho morei nie prülilie kelho dieko#21:15 Gk Utie. mu mhasi a thuo pie nie tsü zotuo. 16Siro nie krünuo, nie siezedzüriemia, nie seyiemia mu nie khriethomia thuo nie teshütuo; sidi ukoe nieko huomia dukhrituo. 17A za la mia pete bu nieko ngumecütuo. 18Derei nie tsütha yopuorei pekawalie lho. 19Nieko shügeshühiekelie geinu nie kerheiro kelalietuo.

Jerusalem Pekawaketuo Pukeshü

(Mat 24:15-21; Mark 13:14-19)

20“Siro chüpahimia vor Jerusalem houpfülieketa nieko ngukelie ki, süu pekaperuowaketuo teiu penuotaücü siliecie. 21Süki Judia nu ketuoko bu ta kijüthouko gei votalie; siro nadiu nu kebako bu tatalie, tsiu chazou ketuoko bu la rünau nu le hie. 22Kekreilamonyü sükisü thupie ketuoko chü tseilieketuo khepu teisozhako zocü la. 23Süki nuonipfü ketuoko tsiu u nuonuo nuyakezhako we ce, chülietie! Kekreilamonyü kijüu gei kemezhiepie kemeriekecü mu noupfhüu themia hako gei vortuo. 24Süko huomia zhiecha geinu tetsutatuo, tsiu huomia miadie chü seyieko pete donu votatuo; mu Judakemoko teiko tseita kemochie Judakemoko bu Jerusalem kedewatuo.

Themia Nuou La Vorketuo

(Mat 24:29-31; Mark 13:24-27)

25“Süki niaki, khrü siro themvüko geinu zasi neiüko partuo; tsiu kijüu gei lhouketuo seyie neiüko dzükezha mu süu pfheko la u vapethopfü di kemezhie phitatuo. 26Siro kijüu gei mhachü vorkezhüko la themiako michie di phisiatatuo, kekreilamonyü süki teigei kekuoko shükenieshütuo. 27Siro süki uko ‘Themia Nuou kimhou geinu kekuo mu zapuzayie se di mia mhingu chü ketsur ngutuo.’ 28Mu mha hako chü vorta tse nieko tosie pesogei meho zolie, kekreilamonyü nieko rhalieketuo tei penuoketa la.”

Chiedebo-u Geinu Kepetha Die

(Mat 24:32-35; Mark 13:28-31)

29Süsie puo dievi puo uko ki pu di: “Chiedebo-u mu seibo kekreiko pete mehoshücie, 30süko puo nyü thela kepar ki teiletieta ükecü nie thuo silieya. 31Süsütuoi nie rei mha hako chü parketa ngukeshü ki, nieko Kepenuopfü kedi vortaketuo tieta ükecü siliecie. 32A nieko ki pu toushütuo, mha hako chü thewa kemochie thephou hau jütalie lho. 33Tei mu kijü jütatuo, derei a dieko we jütalie lho zo.

Pfheüla Balie Morokesuo

34“Derei nieko nie nou meyhumezhie mu meze tsiu tsiedo kelhou ki mereiko chü di rüporüvüpfü ba, nieko le kemo kinu teisozha süu bu nie tewa moketuo la nie kirei baliecie; 35kekreilamonyü süu kijü zie gei keba pete gei vor zotuokecü la. 36Derei nieko we mha süko pete chü kevor ki metei tha di süko therhielieketuo tsiu Themia Nuou mhodzü thalieketuo la pfheüla mu cha ba zoliecie.”

37Siro puo teisonhie rüsuoki nunu mia petha ba di thevalie ro vo Oliv Kijüthou üdi kieyakezhau geinu puotei pevovoya. 38Siro themiako pete puo die rünyüketuo la khiserüna sielie di rüsuokiu nu vorürya.

Actualmente seleccionado:

Luk 21: ANBRBSI

Destacar

Copiar