GENESIS 2

1Maka tampan langit tuntang petak tuntang kare taloh awang huange jari hapus. 2#Ibr. 4:4, 10 #Eks. 20:11 Balalu hong andau kaujue Hatalla jari mahapus kare gawin Aie manjadian taloh handiai, tinai Ie malayan intu andau kauju. 3Maka Hatalla mamberkat andau kauju te tuntang manyewut andau te barasih, basa andau te Hatalla malayan bara kare taloh gawin Aie limbah Ie jari manjadian kare taloh japan Ayue. 4Kalote ampin saritan gawin Hatalla manjapa langit tuntang petak tuntang kare taloh awang huange.

Kabon Eden

Katika Hatalla manjapa langit, petak tuntang kare taloh huange, 5maka metoh te hindai aton tumbo kare kayu atawa kare ramon petak ije beken, basa Hatalla hindai mampalawo ujan, tuntang hindai aton olon je akan nguan petak te. 6Tapi danum manampara lembut bara petak tuntang mambisa hapus petak.

7 # 1 Kor. 15:45 Limbah te Hatalla manduan petak isut tuntang manampae manjadi ije biti olon, #2:7: petak … olon Kotak “olon” tuntang “petak” huang basa Ibrani sama auh sewute. balalu mahimon tahaseng pambelom akan lowang uronge, maka olon te belom.

8Limbah te Hatalla manampa kabon Eden intu hila timor tuntang mingkes intu hete olon je jari inampa Awie. 9#Pang. 2:7, 22:2, 14 Tinai Hatalla mampalembut bara petak sepsimpan ampin kare kayu je bahalap tuntang kare buae mangat indu kinan. Intu bentok kabon te tumbo ije batang kayu je hapa mangasene taloh je bahalap tuntang taloh je papa. #2:9: mangasene taloh je bahalap tuntang taloh je papa atawa pangatawan tahiu kakare taloh handiai.

10Aton ije sungei je mahasor bara kabon Eden; mambisa kabon te, tuntang intu luar Eden sungei te hambilang manjadi epat sampang sungei. 11Je nomor ije bagare Pison; sungei te mahasor mangaliling tanah Hawila. 12Hete aton amas tulen tuntang taloh je mangat ewaue je bahali gaue, tuntang kare batu permata. 13Je nomor due bagare Gihon; danume mahasor mangaliling tanah Kus. #2:13: Kus (intu Mesopotamia); atawa Sudan. 14Je nomor telo bagare Tigris tuntang mahasor hong hila timor Asur. Je nomor epate bagare Euprat.

15Limbah te Hatalla mina olon te hong kabon Eden mangat manguan tuntang mahaga kabon te. 16Hatalla hamauh dengan olon te, “Ikau tau kuman bua bara kare batang hong kabon toh, 17baya bua bara batang je manenga pangatawan tahiu taloh je bahalap tuntang taloh je papa ela ikau kumae; amon ikau kumae, ikau pasti matei andau te kea.”

18Palus Hatalla hamauh, “Dia bahalap olon belom kabuate. Aku handak manampa sobate je cocok akan mandohop ie.” 19Limbah te Hatalla manduan petak isut tuntang manampa kare macam meto hong petak tuntang meto hong langit. Kakare meto te uras iimbit Hatalla manalih olon te mangat manampayah narai aran je handak inengae akan kare meto te. Kalote tamparan meto hunjun petak tuntang penda langit mandino arae mije-mije. 20Kalote olon te manggare kare meto hunjun petak tuntang penda langit. Tapi jaton ije bara kare meto te je tau jadi kawale je cocok akan mandohop ie.

21Palus Hatalla mawi olon te batiroh tujah, tuntang metoh ie batiroh, Hatalla mampalua ije tulang barawar bara bitin olon te, palus manutup awae hapan isi. 22Bara balawar te Hatalla manampa ije oloh bawi, palus mimbite manalih olon te. 23Maka olon te hamauh,

“Toh ie, oloh je sama dengangku –

tulang bara tulangku tuntang isi bara isingku.

Inggareku ie oloh bawi, awi ie induan bara oloh hatue.” #2:23: Huang basa Ibrani auh sewut akan oloh hatue iete ISH, tuntang akan oloh bawi ISHA.

24 # Mat. 19:5; Mrk. 10:7-8; 1 Kor. 6:16; Ep. 5:31 Jete sababe oloh hatue malihi bapae tuntang indue, tuntang hinje dengan sawae, balalu kadaduee te manjadi ije.

25Oloh hatue tuntang oloh bawi te halowai, tapi ewen dia mahamen.

Actualmente seleccionado:

GENESIS 2: NIJ

Destacar

Copiar