BaRoma 7
7
Kristi ikwabula kundagilo
1Mwe bamyitu, (namanga nikuyoba kuli aba balumenye ululagilo), mukasimanya ukuti ululagilo lunyafyale kumu-
2ndu bo akali aliko kubumi? Namanga unkikulu uyu ali nundume, yo apinyigwe nululagilo kundume akabalilo kosa bo undume aliko kubumi; loli linga afwile, po abuligwe
3kululagilo ulu lwalinkungisenie nundume. Popapo lelo linga ikusimila njungi, bo undume akali aliko kubumi, po ikuyobigwa ukuya ndogwe; loli linga undume ikufwa, po ikuya mwabuke itolo kululagilo, atikuya ndogwe napa linga ikwe-
4gigwa nuyungi. Bunobuno lelo mwe bamyitu, nanumwe mufwile kululagilo mu mumbili gwa Kristi, mwipelile ukuya ba yungi itolo, ukuya ba uyu asyusigwe mbafwe; ukuti twesa
5tumpege iseke Kyala. Namanga bo tukali tuli ba mbili, po ifinyonyo fya butulanongwa filinkusumusigwa nululagilo, ukubomba ntumbakasya twa mmibili gyitu ukupa iseke imbe-
6labufwe. Loli lilino po twabuligwe kululagilo, tufwile kuli aka katupinyile; ukuti tubombelege mbumi ubupya ubwa mwa Mbepo, bomma ubukulu ubwa mwa kalata.
Ululagilo nubutulanongwa
7Kali tutigi fiki lelo, kali tutigi ululagilo butulanongwa? Himma, tungasulwa! Loli linga lukaliko ululagilo, po angali ngabumanya ubutulanongwa; buno kope na ku kutotomela angali ngakumanya, linga lukalimbulile ululagilo ukuti:
8Ungatotomelaga. Loli ubutulanongwa bo buyagile injila ndukomelesyo, bulinkusumusya ifinyonyo fyosa munda mmyangu; namanga kisita lulagilo, ubutulanongwa bufwe
9itolo. Lumo nali mumi itolo kisita lulagilo, lelo bo ulukomelesyo lwisile, ubutulanongwa bulinkusyuka kangi, po
10ndinkwenda nukufwa; po ndinkwaga ukuti ulukomelesyo ulu lwali lwa kumba ubumi, lwipelile ukuya lwa kumba
11ubufwe lulo. Namanga ubutulanongwa bo buyagile injila ndukomelesyo, bulinkusyoba nukungogela mu ndukomelesyo.
12Bunobuno lelo ululagilo lo lwikemo; lope nulukomelesyo lwikemo, lugolofu kangi lununu.
Umundu ukuya pabili
13Ngimba lelo akandu aka kali kanunu, ko kalipelile ukuya bufwe kumyangu? Himma bo sikaya! Loli ubutulanongwa ukuti bubonekege ukuya butulanongwa naloli, bulinkumbelela ubufwe nkandu akanunu kakaka; lelo popapo ubutulanongwa bulinkubonekela mu ndukomelesyo ukukindilila itolo ukuya
14butulanongwa naloli. Buno tumenye ukuti ululagilo lo lwa Mbepo, loli une ndi gwa mbili; nulisigwe ukuti njege pasi
15pabutulanongwa. Namanga isi nikubomba ndikwibona, papo ndikubomba isi niganile, loli nikubomba isi nsibengile.
16Apene lelo linga tukusibomba sisyo ngigana ukusibomba, bo
17nikulwitika ululagilo ukuya lununu. Bunobuno lelo ngaya yo yuyune ne nikusibomba sisisi, loli bo bu butulanongwa ubu
18buyengile mmyangu. Namanga menye ukuti nkati mmyangu, ko kuti mumbili gwangu, bukayamo nabumo ubununu; buno ukulonda ukubomba inunu ko nikulonda, loli ukusibomba ko
19kundolile. Namanga ndikubomba inunu isi nikusilonda, loli
20imbibi isi ndikusilonda syo nikubomba. Lelo linga nikubomba isi ndikusilonda, po ngimba ngaya yo une ne nikusi-
21bomba, loli bu butulanongwa ubu buyengile mmyangu. Lelo popapo nikulwaga ululagilo ulwa kuti, apa linga nikulonda ukubomba inunu, nikwaga ukuti ububibi bukuboneka
22mmyangu. Namanga umundu gwangu ugwa nkati yo lunkye-
23lile ululagilo lwa Kyala, loli mu ntumbakasya twa mumbili gwangu, mo nikwaga lulimo ululagilo ulungi, ulu lukulwa nululagilo lwa mmahala gangu; lukumbela nkoligwa ndulagilo lwa butulanongwa, ulu luli ntumbakasya twa mumbili gwangu.
24Ne mundu ne njwelufu une, kali ywani amboke kumbili gwa
25bufwe ugu? Nikugwa ulupi kwa Kyala, mwa Yesu Kristi uNtwa gwitu. Bunobuno lelo, nimwene namahala gangu nikumbombela ululagilo lwa Kyala, loli umbili nikumbombela ululagilo lwa butulanongwa.
Actualmente seleccionado:
BaRoma 7: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
