BaRoma 8

Ubumi bwa mwa Mbepo

1Popapo lelo nakumo ukulongigwa aba bali mwa Kristi

2Yesu. Buno ululagilo lwa Mbepo umpelabumi, ulu luli mwa Kristi Yesu, lo lunyabwile kululagilo lwa butulanongwa

3nulwa bufwe. Namanga isi ululagilo lwatoligwe ukusibomba, panongwa ya bonywa bwa mbili, syo Kyala abombile apa antumaga uMwanake nkifwani kya mbili gwa butulanongwa; nisya butulanongwa abutobekisye ubutulanongwa mumbili,

4ukuti isi lukomelisye ululagilo simalikilege mmyitu, twe mukwendela ulwa mbili, loli tukwendela ulwa mwa Mbepo.

5Namanga abanya-mbili bikwinogona si sya mbili, loli abanya-

6mbepo bikwinogona si sya Mbepo. Buno ukwinogona isya mbili bo bu bufwe, loli ukwinogona isya Mbepo bo bu bumi

7nulutengano. Namanga isi gukwinogona umbili sili kilugu na Kyala; buno sitikwilamba kululagilo lwa Kyala, papo sikaku-

8manya ukwilamba. Abene loli abanya-mbili bo bakamanya

9ukunkyela Kyala. Umwe loli mukaya banya-mbili, himma, loli muli banya Mbepo, linga naloli Mbepo gwa Kyala ayengile itolo mmyinu. Loli uyu linga akaya nagwe Mbepo

10gwa Kristi, bo akaya mundu gwake. Apene loli linga Kristi ali mmyinu, po ugwene umbili gukuya mfwe panongwa ya butulanongwa, loli isyene imbepo sikuya nyumi panongwa ya

11bugolofu. Loli linga Mbepo uyu ansyusyaga Yesu mbafwe ikutugala mmyinu, po umwene uyu ansyusyaga Kristi Yesu mbafwe, isakugipaga ubumi gyope imibili gyinu imifwe mu mwa Mbepo gwake, uyu ikutugala mmyinu.

Abana ba Kyala

12Popapo lelo mwe bamyitu uswe tuli ba kumeleligwa, tukaya

13ba kumeleligwa numbili, ukuti tusikonge isya mbili. Namanga linga mukusikonga isya mbili, po mwisakufwaga, loli linga mukusigoga imbombo sya mibili na Mbepo, po mwisakuyaga

14bumi. Buno bosa aba ikubalongosya Mbepo gwa Kyala,

15bo bana ba Kyala itolo. Namanga mukamwambilila Mbepo gwa butumwa, uyu ikubalabikisya kangi kulutende, himma, loli mwambilile Mbepo gwa bwana, yo uyu tukukutilamo

16tukuti Abba, ko kuti Tata! Yo yu Mbepo uyu ikusisimikisya

17pamopene nimbepo syitu ukuti tuli bana ba Kyala, lelo linga tuli bana, po tuli benekilingo; bo tuli bingilapo pakilingo kya Kyala, bo tuli bingilanisi na Kristi, linga naloli tukukubilwa nagwe, ukuti nuswe twisetwimikigwege lumo nagwe.

Ubukulumba ubu bukuyangako

18Namanga apa nikwinogona une po nikuti, syosa isi tukukubilwa nkabalilo kakaka, syo tukabagila ukusifwanikisya nubu-

19kulumba ubu bukuya pakutubonekela. Buno fyope nifipeligwa fyosa fikusyukwa fiyo, fikugulila ukuboneka kwa bana ba

20Kyala. Namanga ifyene ifipeligwa fyo filambile kububuguyufu, fikaliganile fyene itolo, himma, loli filambile muli uyu

21afilambikaga, ndusubilo ulwa kuti fyope na fi fipeligwa fisakwabuligwaga ukufuma mbutumwa bwa kubola, ukwaku-

22fika kubwabuke ubwa bukulumba bwa bana ba Kyala. Namanga tumenye ukuti ifipeligwa fyosa fikwikema pamopene

23nukwigonja ukwisakufika kulilino kuno. Fikaya fyo fifyo fyene, himma, loli na yuyuswe twe tulubukile Mbepo, na yuyuswe tukwikema munda mmyitu, tukugulila nubusyukwe

24ukwambilila ubwana, nukubangigwa umbili gwitu. Namanga twapokigwe ndusubilo lululu, loli ulusubilo ulu lukuboneka, lukaya lusubilo lwene; kali ywani ikusisubila isi ikusiketa

25mmaso? Loli linga tukusisubila isi tukasiketa mmaso, po tukusigulila itolo nubufisalyoyo.

26Bunobuno yope na yu Mbepo ikututula ubonywa bwitu; namanga kope na ku kwiputa tukamanya bo apa fikuti twiputege, loli yuyo yu Mbepo ikutupyelekesya nkwikema namasyu

27aga mapala nukugayoba. Umwene loli uyu ikusipima indumbula, yo asimenye isi Mbepo ikusinogona, namanga Mbepo ikubapyelekesya abikemo ukufwana nubwigane bwa Kyala.

28Loli uswe tumenye ukuti bosa aba banganile Kyala, bo ikubapelela utundu tosa ukulabila kubununu, nikubala aba

29ababilikile, bo papo alinogonile ngani umwene. Buno aba abamanyile ngani liyolo umwene, bope abasungulile ngani ukuti bafwanege nikifwani kya Mwanake; ko kuti ayege gwa

30kipanda mbamyabo ba bingi. Abene loli aba abasungulile ngani, bo alinkubabilikila; aba ababilikile bo alinkubayoba ubugolofu, naba abayobile ubugolofu, bo alinkubapa ubukulumba.

Ulugano lwa Kyala

31Kali tutigi fiki pali sisisi? Apene apa linga Kyala ali

32kulubafu lwitu, po ywani atʼakindanege nanuswe? Umwene uyu na yu Mwanake akalimpakisye, loli alinkumbika mbufwe panongwa yitu twesa, yo atʼasite ukutupela lumo nagwe fyosa

33itolo? Po ywani atʼabasitakege abasunguligwa ba Kyala?

34Kyala yo uyu ikubayoba ubugolofu. Ywani atʼabayobege ububibi? Yo yu Kristi Yesu uyu afwile; ena, pamwanya pali isi asyusigwe mbafwe, yo uyu ali kukiboko ikililo kya Kyala,

35kangi yo uyu ikutupyelekesya. Ywani atʼatupagulege kulugano lwa Kristi? Kali ubutolwe, kali ubukamandanigwa, kali ukufwimigwa, kali injala, kali ukusitakuya nifya kufwala,

36kali ubulugu, kali ulubo? Bo lilyo lisimbigwe ilya kuti:

Panongwa yako tukugogigwa ilisiku lyosa;

Tukubaligwa ukuya bo si ngʼosi isya kuboligwa.

37Loli muli syosa sisisi, lukukindilila itolo ukusitolela muli yuyo

38atuganile. Buno singolile isya kuti, nalinga buye bufwe pamo bumi, nalinga bandumi pamo bulagili, nalinga tundu

39twa lilino pamo twa linga siku, nalinga ba maka, nalinga bwinufu pamo busolofu, nalinga ko kandu kamo akangi akapeligwa, fyosa itolo likabagila ukutupagula kulugano lwa Kyala, ulu luli mwa Kristi Yesu uNtwa gwitu.

Actualmente seleccionado:

BaRoma 8: NYY

Destacar

Copiar