Imbombo sya batumigwa 26
26
Pauli ikuyoba nkyeni mwa Agripa
1Popapo Agripa alinkumbula Pauli alinkuti: Gwitikisigwe ukwiyobela gwimwene. Popapo Pauli alinku-
2golosya ikiboko, alinkwilongela alinkuti: Nikwibona ukuya nsangalufu, gwe ntwa Agripa, papo umusyugu nikuya pakwilongela nkyeni mmyako, syosa isi bikundonga abaYuda;
3namanga likindilile ukwisibisania ninyiho ningani syosa sya baYuda, po apa nikusuma kumyako ukuti umbilikisyege,
4singakutingaga. Bosa abaYuda bakamenye akayilo kangu ukufuma mu mbukeke, papo ukufuma pabwandilo, ngulile mu
5nkikolo kyangu mu-Yerusalemu; bamenye fiyo ukufuma liyolo linga biganile ukusisimikisya ukuti nali gwa nkapanga ka aba bakindilile itolo ukwiyumika, bo mumo luyilile ulwitiko
6lwitu, nali mFarisai. Loli lilino nimile papapa nikulongigwa panongwa ya lusubilo lwa lufingo, ulu Kyala afingene nabatata;
7ulu ifikolo fyitu kalongo na fibili fikusubila ukulwaga, bo fikwiyula ukumbombela Kyala pamusi na pakilo; lo lusubilo
8ulu bikundonga abaYuda, gwe ntwa. Fiki mukwinogona ukuti sikaya sya kushika, isya kuti Kyala ikubasyusya abafwe?
9Nanine ninogonaga ukuti fikuti mbombege si nyingi isi
10sikindene ningamu ya Yesu gwa mu-Nazareti; syo isi nasibombile mu-Yerusalemu, nabigalilaga abikemo ba bingi munnyololo, bo abaputi abakulumba bambele amaka, kangi
11bo bikugogigwa ndinkwitikila itolo. Na mmaSinagogi gabo ndinkubafunda kabili kabili, ndinkubafimbilisya ukutuka amahelu; ndinkufwana mbakimbilile itolo ikigili ukubafwima, ndinkwakufika na ntwaya twa bapanja.
12Popapo lelo bo nikubomba sisisi, ndinkubuka mu-Damaska
13mmaka na mundagilo sya baputi abakulumba. Popapo lelo gwe ntwa, pamusi bo lili pantu, bo ngwenda munjila, ndinkulubona ulumuli lufumile kumwanya, lukumulika ukulikinda nisuba, lulinkumulika ikusyungutila une pamopene naba nali
14nabo. Bo twesa tugwile pasi, popapo ndinkupilika ilisyu likuyoba nanine nkiHiburi likuti: Gwe Sauli, gwe Sauli, kufwima fiki? Kupalapala ugwe ukugubaya undunda.
15Loli une ndinkulalusya ndinkuti: Gwe ani gwe Ntwa? Umwene uNtwa alinkuti: Yo une Yesu ne kufwima.
16Loli sumukaga gwimege namalundi gako, namanga yo nongwa iyi ngusetukile, ukukwimika ukuya mbombi kangi nketi gwa syosa isi usibwene, na isi nisakwibonekesyangamo
17mmyako. Nisakukupokaga kubandu bababa, na kubapanja
18kuno nikukutuma lilino, ukuti ukabigulege amaso, ko kuti bagomokeko kungisi, bisege ndumuli; bagomokeko kumaka ga Setano, bisege kwa Kyala; nukuti bambililege ubuswe bwa nongwa, nikilingo nkati muli aba bipelile bikemo ndwitiko
19ulu luli mmyangu. Po apa lelo gwe ntwa Agripa, ndinkusita
20nukukila ikisetuka kya kumwanya kikiki. Loli ndinkutala ukulumbilila ku ba mu-Damaska na mu-Yerusalemu, na nkisu kyosa ikya mu-Yudai, kangi na kubapanja bosa ukuti bapindukege nukugomokela kwa Kyala, babombege imbombo
21isi sibagisenie nulupinduko. Panongwa yiyiyi, abaYuda balinkungola mwa Tempeli, balinkugela ukuti bangoge.
22Lelo papo Kyala anyimile une ukwisakufika kulilino kuno, po apa nimile nikusisisimikisya kubapimba na kubakulumba; ndkuyoba nasimo isingi, loli syene isi bayobaga abakunguluka
23na Mose, ukuti sisakubonekaga, isya kuti Kristi fikuti akubilwege, nukuti papo ikuyaga ntasi ukusyuka mbafwe, ikulufumusyaga ulumuli kukikolo iki na kubapanja.
24Lelo bo ikwinokesya sisisi, Festi alinkwinula ilisyu alinkuyoba alinkuti: Gwe Pauli, ukimbile ikigili; ubumanyi ubu
25umanyile fiyo bukukimbisye ikigili. Umwene Pauli alinkuti: Ngakimbila ikigili gwe mwimikigwa Festi; loli amasyu aga
26nguyoba ga naloli kangi ga mahala. Buno untwa uyu asimenye syosa sisisi, kangi nkuyoba kumyake kisita kutila, namanga menye ukuti sikayako nasimo isi sindegenie; buno sisisi sikali-
27pelile mbutitu. Bule gwe ntwa Agripa, kubitika abakungu-
28luka? Mmenye ukuti kubitika. Popapo Agripa alinkumwamula Pauli alinkuti: Nkabalilo kapimba itolo kulonda uku-
29mbela ukuya nKristi! Umwene Pauli alinkuti: Nalinga kabalilo kapimba, nalinga katali, nansumaga Kyala ukuti, gwemma gwimwene, loli na bosa aba bambilike umusyugu, ukuti bayege bo yuyune; loli kwene ku kupinyigwa ko bangafwanaga nanine.
30Popapo untwa alinkusumuka pamopene nundindililakisu na
31Bernike na bosa aba batugasenie nabo; lelo bo bikwabilepo, popapo balinkuyobesania balinkuti: Umundu yuyuyu atiku-bomba nasimo isi simbagile ukugogigwa pamo ukupinyigwa.
32Umwene Agripa alinkumbula Festi alinkuti: Umundu yuyuyu angali abuligwe, linga akayobile ukuti ikukinda kwa Kaisari.
Actualmente seleccionado:
Imbombo sya batumigwa 26: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
