Imbombo sya batumigwa 25
25
Ukulongigwa kwa Pauli nkyeni mwa Festi
1Umwene Festi bo ingile mbulindilili bwake, bo gakindile amasiku matatu, popapo alinkufyuka mu-
2Yerusalemu ukufuma mu-Kaisaria. Popapo abaputi abakulumba nabakulumba mbaYuda balinkusitwala nkyeni mmyake
3inongwa sya Pauli, balinkumpyelesya, balinkunsuma ukuti abimilege, ambilikilege Pauli ukuti isege mu-Yerusalemu;
4abene bo bitikene ukunsigila panjila nukungoga. Umwene Festi loli alinkwamula alinkuti: Pauli ikulindililigwa mu-
5Kaisaria, nanine ndi pipi ukubuka. Kangi alinkuti: Lelo aba bapegigwe amaka mmyinu, bo basulukege nanine, ukuti bakandongege imbibi isi ali nasyo umundu yuyuyu.
6Lelo bo agonilemo amasiku aga gakakindilepo lwele pamo kalongo, popapo alinkusuluka ukubuka mu-Kaisaria. Ulwa kilabo, alinkutugasya pakikota kya bulongelo, alinkulagila
7ukuti bantwalege Pauli. Lelo bo isile, popapo abaYuda aba bafumile mu-Yerusalemu balinkunsyungutila, balinkumohela inongwa isito si nyingi, isi bakabagile nukusisisimikisya.
8Umwene Pauli alinkwilongela ilya kuti: Ngatulamo inongwa nayimo kululagilo lwa baYuda, nalinga ko kwa Tempeli,
9nalinga ko kwa Kaisari. Umwene Festi bo ikuti banjobege ubununu abaYuda, alinkumwamula Pauli alinkuti: Bule kulonda ukuti ufyukege mu-Yerusalemu, ukuti mo ngalonge-
10lege inongwa syako sisisi? Umwene Pauli alinkuti: Une nimile nkyeni nkikota kya bulongi bwa Kaisari, po fikuti ndongeligwege papo. Ngabaligamo nasimo abaYuda, bo apa
11nanungwe usimenye fiyo. Apene loli linga ndi ntulanongwa, linga mbombile simo isi simbagile ukufwa, une ndikukana ukufwa; loli linga sikayamo nasimo muli isi bikundonga bababa, po nayumo akabagila ukumbika mmaboko gabo;
12nikusuma ukukinda kwa Kaisari. Popapo Festi bo ayobene naba lukomano, alinkwamula alinkuti: Utile nikukindaga kwa Kaisari, popapo kubukaga ku kwa Kaisari.
Agripa na Bernike
13Lelo bo pagonilepo, po untwa Agripa pamopene na Bernike
14balinkubuka mu-Kaisaria kukumponia Festi. Lelo papo bagonilemo mumo amasiku mingi, popapo Festi alinkumpangila untwa inongwa sya Pauli, alinkumbula alinkuti: Alipo
15umundu yumo uyu Feliki alindekile munnyololo, uyu bo ndi mu-Yerusalemu, abaputi abakulumba nabakulu ba baYuda basitwele inongwa syake, ukuti alongigwege nukufundigwa.
16Abene bo ndinkubamula ndinkuti: Lukaya lwiho abaRoma ukubabulila umundu gwesa ugwa nongwa, bo akali ukwaganila naba nongwa yake, ukuti apage pabwinokesyo munongwa
17yake. Lelo bo babungene papapa, po ndinkusita nukuhabapo; ulwa kilabo ndinkutugasya pakikota kya bulongi,
18ndinkulagila ukuti bantwale umundu yula. Lelo bo bimile aba nongwa yake, balinkusita nukutwala nasimo inongwa
19imbibi bo mumo ninogonelaga; ndinkwaga masyu gamo ga lukani itolo panongwa ya lwitiko #lwitiko: bamo bikuti ikiputo. lwabo, nisya mundu yumo
20Yesu uyu afwile, uyu Pauli ikuti mumi itolo. Lelo bo ndoligwe ukusyagania inongwa sisisi, popapo ndinkundalusya linga alondaga ukubuka mu-Yerusalemu, ukuti mo sikalonge-
21ligwege syosa sisisi. Loli Pauli bo asumile ukuti alindililigwege ukufika papo isakutumulaga inongwa Kaisari, popapo ndinkulagila ukuti alindililigwege ukufika papo nisakuntumaga
22kwa Kaisari. Popapo Agripa alinkumbula Festi alinkuti: Nanine nalondaga ukumpilikisya umundu yuyuyu. Umwene alinkuti: Kumpilikisyaga kilabo.
23Lelo nulubunju, Agripa na Bernike balinkwisa nubusisya ubukulumba, balinkwingila mbulongelo inongwa, pamopene nabalongosi ba basikali, nabakulumba ba kaya. Lelo bo
24Festi alagile, popapo balinkuntwala Pauli. Popapo Festi alinkuyoba alinkuti: Gwe ntwa Agripa, na mwesa mwe banyambala mwe muli nanuswe papapa, mukumbona umundu uyu, yo uyu ikilundilo kyosa kya baYuda kyasumaga kumyangu mu-Yerusalemu na munomuno, kilinkuywega ukuti: Umundu
25yuyuyu akabagila ukuti ayengeko kubumi. Loli une nagile akabombamo nasimo isya kumpelela ukugogigwa; umwene loli bo asumile ukukinda kwa Kaisari, popapo ndinkusitumula
26ukuti nikuntumaga. Lelo une ngaya nasyo nasimo mmundu uyu isya bwanaloli, isya kunsimbila untwa; fyobene nuntwele kumyinu, fiyo kumyako gwe ntwa Agripa, ukuti bo tunda-
27lusisye, nsyage simo isya kusimba. Namanga une nikuti sikuyaga sya bukonyofu itolo ukuntuma umpinyigwa, kisita kusimba inongwa isi ikulongigwa.
Actualmente seleccionado:
Imbombo sya batumigwa 25: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
