Imbombo sya batumigwa 20

Pauli mMakedonia nkisu kya baGriki na mu-Troa

1Lelo bo unjwego gumalike, popapo Pauli alinkubabilikila abafundigwa, alinkubakasya nukulagana nabo,

2popapo alinkusumuka ukubuka mMakedonia. Umwene alinkupulungania mfisu fyosa, alinkubakasya namasyu ga

3mingi, alinkwakufika nkisu kya baGriki; mo alinkugona imyesi mitatu. Lelo bo ikuti nipake mungalaba ukubuka mu-Siria, abaYuda balinkwitikana ukuntegelela; umwene alinkwino-

4gona ukugomokela iya mMakedonia. Abene aba bali nagwe bali bo ba-Sopateri ugwa mu Beroya unnya Piri, naba-Aristarki na Sekundi aba mu-Tesalonike, na Gayi ugwa mu-Derbe, na Timoti; na Tikika na Trofimo aba mwʼAsia.

5Bo balinkulongola nkyeni, balinkwakutugulila mu-Troa.

6Loli uswe tulinkwipaka mungalaba ukufuma mu-Filipi, bo gakindile amasiku ga fisyesye ifisitankese; tulinkwakubaga mu-Troa bo gakindile amasiku mahano, mo tulinkugonamo amasiku mahano na mabili.

Yutika

7Pisiku ilitasi ilya ndungu, bo tubungene pakumenyania ikisyesye, popapo Pauli uyu atigi nikulabilaga kilabo, alinkuyoba nabo, alinkukabisya fiyo ukuyoba ukufika pakilo pakati.

8Lelo nnyumba ya kwiyulu muno twakomene, mo syalimo

9inyale si nyingi. Undumyana yumo uyu ali yo Yutika ingamu, atugele pibwindo.#pibwindo: bamo bikuti pidirisha. Popapo tulinkunkola utulo utusito bo Pauli ikwendelela ukuyoba, lelo bo atoligwe nutulo, popapo alinkutunyuka ukufuma kwiyulu lya butatu; balinku-

10mwinula umfwe itolo. Popapo Pauli alinkwika, alinkungwilila alinkumpagatila, alinkuti: Mungaywegaga, ubumi bwake

11bukali bulimo. Lelo bo afyukile kangi, alinkumenya ikisyesye, alinkulya. Umwene alinkubabula si nyingi inongwa, alinku-

12fika nabo kubukye, popapo alinkusumuka alinkubuka. Popapo balinkuntwala undumyana yula umumi itolo; balinkuhoboka fiyo.

Injila iyi yilabile ku-Mileti

13Popapo tulinkutalapo ukubuka kungalaba, tulinkwipaka ukubuka mwʼAso, mo twatigi tukwakumpakilaga Pauli, namanga mo mumo alagilile, papo umwene alondaga ukwenda

14iya pisilya. Lelo bo aganile nanuswe mwʼAso, tulinkumpa-

15kila, tulinkwakufika mu-Mitilene. Popapo tulinkusumuka papo, ulwa kilabo tulinkuningana nikya mu-Kiu; ulwa kilabo ikingi tulinkufika mu-Samu, pisiku ikongesi tulinkwakufika

16mu-Mileti. Namanga Pauli atile tukukindaga itolo pa Efesi, papo akaliganile ukukabila mwʼAsia; akuyaga ukuti linga sibagile, akayege mu-Yerusalemu pisiku lya Pentekosti.

Ukukigana kwa Pauli nabakulu ba kipanga kya mwʼEfesi

17Ukufuma mu-Mileti, alinkutuma indumi mwʼEfesi iya

18kubabilikila abakulu ba kipanga. Lelo bo bisile kumyake, popapo alinkubabula alinkuti: Umwe musimenye muno nayilile nanumwe akabalilo kosa, ukufuma pisiku lya kwanda

19ili mfikilege mwʼAsia; nambombelaga uNtwa nulwiyisyo losa, namasosi, ningelo isi syalinyagile bo bikundegelela aba-

20Yuda; ndinkusita nukwepukapo pakubafumukisya isi syali sya kubatula, ndinkubamanyisya pabwelu itolo, mope na

21nnyumba syinu; ndinkusisimikisya kubaYuda na kubaGriki isya kupindukila kwa Kyala, nisya kumwitika uNtwa gwitu

22Yesu Kristi. Keta lelo, nikubuka ku-Yerusalemu ne mpinyigwa itolo mumbepo; ngasimanya nisi sikwakunyisilaga

23mumo; loli syene si sya kuti Mbepo Mwikemo ikusisimikisya kumyangu ntwaya tosa, ukuti iminyololo nubutolwe fikungu-

24lila une. Loli ndikububikilako umoyo ubumi bwangu, ukuti kandu ka ntengo, kwene ku kumalisya injila yangu, nububombeli ubu nalyambilile kuNtwa Yesu, ukusisimikisya

25inongwa inunu sya ipyana lya Kyala. Keta, lilino menye ukuti mwesa mwe nendilemo mmyinu bo ngufumusya isya

26butwa, mutisakwandisyamo ukumbona mmaso. Fyobene nikusisimikisya kumyinu gu musyugu, ukuti ndi mwelu

27itolo kwilopa lya bosa. Buno ngalyepwikepo pakubafumu-

28kisya syosa isi Kyala alinogwine. Mwandege lelo, mwiketege bununu, muguketege gope nuntimo gosa ugu Mbepo Mwikemo ababikile ukuya mwe balindilili, ba kukitima ikipanga

29kya Kyala, iki akikabile nilopa lyake yuyo. Une menye ukuti bo mbukile, bakamutu#bakamutu: bamo bikuti imbumbi. abakali bisakubisilaga, bo

30batisakugupakisyaga untimo. Mope na mu mmyinu yuyumwe bisakutupukaga abandu aba bisakuyobaga iniongafu,

31bisakubakwabaga abafundigwa ukuti babakongege babo. Ko kuno nikuti amuyege maso, bo mukukumbuka ukuti kufyinja fitatu, pamusi na pakilo, ngalekilemo siku ukubamanyisya

32mwesa namasosi. Lilino lelo nikubabika mmaboko ga Kyala, na mwisyu lya ipyana lyake, ili libagile ukubayenga nukubapa

33ikilingo mbikemo bosa. Nganyonywamo siku fesa, pamo

34sahabu, pamo imyenda gya yumo. Umwe mumenye ukuti ifi nalondaga une, naba nali nabo, gakabaga ga maboko gangu

35gagaga. Syosa sisisi mbanangisye ukuti, fikuti bo mwiyulege bunobuno ukubatula abonywa, bo mukukumbuka amasyu ga Ntwa Yesu, apa atigi: Nukupa nukwambilila, kusangalufu ku kupa.

36Lelo bo ayobile sisisi, popapo alinkufugama pasi pamopene

37nabo bosa, alinkwiputa. Popapo bosa itolo balinkulila fiyo,

38balinkungwilila Pauli mmakosi, balinkumfipa. Balinkukindilila ukusulumania panongwa ya isyu ili ayobaga atigi: Mutisakwandisyamo ukumbona mmaso. Popapo balinkwakunsindikila kungalaba.

Actualmente seleccionado:

Imbombo sya batumigwa 20: NYY

Destacar

Copiar