Imbombo sya batumigwa 19
19
Abafundigwa ba Yohani Umosi mwʼEfesi
1Lelo bo Apolo ali mu-Korinti, popapo Pauli alinkukisania nkisu kya kululu, alinkufika mwʼEfesi; mo
2alinkubaga bamo abafundigwa, alinkubalalusya alinkuti: Kali mwalyambilile Mbepo Mwikemo pala mwitikege? Abene balinkuti: Himma, kope nukupilika tukapilikamo ukuti aliko
3Mbepo Mwikemo. Kangi alinkubalalusya alinkuti: Po mwalyokesigwe mfiki lelo? Abene balinkumwamula bali-
4nkuti: Ndosyo lwa Yohani. Umwene Pauli alinkuti: Yohani yo osyaga ulosyo lwa lupinduko, alinkubabula abandu ukuti bamwitikege uyu ikwisa munyuma mmyake, yu Yesu.
5Lelo bo bapilike sisisi, popapo balinkokesigwa mungamu ya
6Ntwa Yesu. Umwene Pauli bo ababikilepo amaboko, popapo Mbepo Mwikemo alinkubasololokela, balinkwanda ukuyobela
7mundimi imbya, balinkubunguluka. Bosa pamopene baliti bali abanyambala kalongo na babili. Pauli mwʼEfesi
8Popapo alinkwingila mu-Sinagogi, alinkuyoba nubukifu imyesi mitatu, alinkukanikana nabandu nukubatobesya isya
9butwa bwa Kyala. Bamo loli balinkuya bakafu indumbula, balinkusita nukwitika, balinkuyiyoba ububibi injila iyi nkyeni nkilundilo, popapo alinkusokapo alinkubaleka, alinkubapagula abafundigwa, bwila alinkumanyisya nnyumba ya kumanyi-
10kisyamo iya Tirani. Bo silinkubombigwa bunobuno ifyinja fibili. Po apa bosa aba bali mwʼAsia abaYuda nabaGrild balinkulipilika ilisyu lya Ntwa.
11Umwene Kyala alinkupelela ifika ifipata mmaboko ga
12Pauli; po apa bope ababine aba babikigwangapo utwenda nutusepe utu twafumaga mumbili gwake, balinkupona imbungo syabo, syope nimbepo inyali silinkusokamo mmyabo.
13Loli bamo abaYuda abembesi abasosyambepo inyali, balinkugela ukuyiyoba ingamu ya Ntwa Yesu kuli aba bali nimbepo inyali, balinkuti: Nikubayigila mwa Yesu uyu Pauli ikumfu-
14musya. Abene aba babombaga sisisi, bali bana ba Sikeba, umputi unkulumba gwa baYuda, bali bahano na babili!
15Popapo imbepo inyali yilinkubamula yilinkubabula yilinkuti: Yesu yo nummenye naloli, yope na Pauli numwagenie; loli
16umwe mwe bani? Lelo popapo umundu uyu ali nimbepo inyali alinkubanyelela, alinkubatola nukubafunda bosa, balinkubopa kisitakufwala nakamo ukusoka nnyumba yila bo
17bafulele. Syo silinkufumuka kubaYuda nabaGriki bosa aba bali mwʼEfesi; bosa lulinkubaga ulutende lu lwingi; iyene
18ingamu ya Ntwa Yesu yilinkwimikigwa. Popapo bingi aba balitike balinkwisa, balinkwilata nukusiyoba syosa isi babo-
19mbile. Abangi ba bingi aba babombaga isya manjele, balinkubabungania bakalata babo, balinkubakosya mmoto bo bosa bikuketa; lelo bo bikubala untengo gwabo, balinkwaga gufikile pandalama sya fesa baelifu amalongo mahano (50,000).
20Bo lilinkuya bunobuno ilisyu lya Ntwa, lilinkukula nukukaba amaka.
Ulubatiko lwa mbombo ya Pauli
21Lelo bo simalike sisisi, popapo Pauli alinkwinogonela mwa Mbepo ukuti ikwendaga iya mMakedonia na mwʼAkaya ukubuka mu-Yerusalemu; alinkuti: Bo ngonilemo mumo, po
22fikuti ngamanyemo na mu-Roma. Lelo bo abatumile mMakedonia ababombi bake babili, Timoti na Erasti, alinkugonamo panandi mwʼAsia. Unjwego mwʼEfesi
23Lelo pakabalilo kako, po gulinkuboneka unjwego panongwa
24ya njila yiyiyi; namanga umundu yumo umposi gwa fesa, uyu ali yo Demetrio ingamu, uyu apondaga utwa batempeli twa fesa twa Artemi, abatwalilaga ubukabi bu bwingi abafundi
25bake, alinkubabungania bababa pamopene nabangi bosa aba mbombo yiyiyi, alinkubabula alinkuti: Mwe binangu, nanumwe mumenye ukuti ubukabi bwitu bukufuma mumbombo
26yitu iyi, kangi musibwene nukupilika ukuti, mukaya mo mwʼEfesi mwene, loli nkisu kyosa kya Asia, umundu uyu Pauli abasongile nukubasyutula abandu ba bingi ikuti:
27Bakaya bo bakyala aba bikutendekesigwa namaboko. Mungatigi ubupalapala bububu ubwa kusyokeligwa imbombo yitu buli ku kumyitu kwene, himma, loli buliko na ku kwa tempeli gwa kyala gwitu unkikulu unkulumba Artemi, uyu isakwipela gwa itolo, yope isakwisigwa ubukulumba bwake, uyu bosa
28aba mwʼAsia na nkisu kyosa bikwiputa kumyake. Lelo bo bapilike sisisi, popapo balinkukalala fiyo, balinkuywega
29balinkuti: Nkulumba yu Artemi gwa bʼEfesi! Popapo akaya kosa kalinkwisula nunjwego, balinkwaluka pamopene, balinkubuka kunyumba ya tusumo, balinkubakola ba-Gayi
30na Aristarki aba mMakedonia, aba bendaga na Pauli. Umwene Pauli bo ikuti mbuke nkilundilo, abafundigwa bake balinkusita
31nukumwitikisya. Bope nabakulumba bamo aba mwʼAsia aba bamanyene nagwe, balinkuntumila indumi nukunsuma
32ukuti, angasulwa ukwitupika nnyumba ya tusumo. Loli bamo balinkuywega isingi, bope abangi isingi; namanga ulukomano lula lwafulunganike, ba bingi balinkusita nuku-
33simanya isi babunganile. Popapo balinkunsumusya Aliksandara ukufuma nkilundilo, uyu abaYuda balimbikile nkyeni. Umwene Aliksandara alinkubabatamisya nikiboko bo ikuti
34nikanilege nkyeni mbandu bala. Loli bo basyagenie ukuti nJuda, popapo balinkuywega bosa pamopene ilisyu limolyene, balinkukolela utubalilo tubili balinkuti: Nkulumba yu Artemi gwa bʼEfesi.
35Popapo unsimbi gwa kaya kako alinkukibatamisya ikilundilo, alinkuti: Mwe bandu ba mwʼEfesi, ywani uyu akasyagania ukuti akaya ka Efesi ko aka kikundindilila tempeli gwa Artemi unkulumba, nikifwani iki kyatunywike ukufuma
36kumwanya? Buno sisisi syo nayumo atikusikana, po fikuti
37muyege yonjolo itolo, mungakuyaga ukubomba simo. Namanga mubatwele abandu aba, aba bakahiyamo ifya mwa tempeli, kangi bakanhelulamo siku kyala gwitu unkikulu.
38Lelo linga Demetrio nabafundi aba bali nagwe bali nongwa numundu, pabulongelo palipo, nabalindililakaya balipo, po
39balitwalanaga aba nongwa. Loli linga muli nasyo isingi isi mukulonda, syo sisakulongigwaga ndukomano ulwimikigwa.
40Buno tuli mbupalapala bwa kulongigwa kunongwa ya kulundukana kwa musyugu; namanga sikayako nasimo isya kwinokesya panongwa ya njwego gugugu.
Lelo bo ayobile sisisi, popapo alinkulubalania ulukomano.
Actualmente seleccionado:
Imbombo sya batumigwa 19: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
