Imbombo sya batumigwa 13
13
Ikipanga kya mwʼAntiokia
1Lelo nkipanga iki kyali mwʼAntiokia, mo balimo abakunguluka nabamanyisi, Barnaba na Simeoni uyu batigi Nigeri, na Luki ugwa mu-Kirene, na Manaeni, uyu
2akulile pamopene nuntwa Herodi, na Sauli. Lelo bo bali pakwiputa kuNtwa nukufipika ifindu, Mbepo Mwikemo alinkubabula alinkuti: Amusungulilege Barnaba na Sauli
3kumbombo iyi mbabilikilile. Lelo bo bafipikile ifindu nukwiputa, balinkubabikapo amaboko, balinkubasumusya.
Barnaba na Sauli mu-Saiprasi
4Abene lelo bo batumigwe na Mbepo Mwikemo, balinkusuluka ukubuka mu-Seloikia, ukufuma mumo balinkuloboka
5inyanja ukubuka mu-Saiprasi. Bo bafikile mu-Salami, balinkulumbilila ilisyu lya Kyala mmaSinagogi ga baYuda; yope
6Yohani balinkuya nagwe, alinkuya ntuli gwabo. Lelo bo bapulungenie ulusungo losa bayilekufika mu-Pafu, balinkumwaga umundu yumo umbombamanjele, unkunguluka gwa butungulu, unjuda, uyu ingamu yake ali yo Bar-Yesu;
7yo ali pamopene na Sergi Pauli, undindililakisu, umundu gwa mahala uyu ababilikile ba-Barnaba na Sauli, ukuti apilike
8ilisyu lya Kyala. Umwene Elima ugwa manjele yula (namanga mo muno yikusanukisigwa ingamu yake) alinkubapinga, alinkulonda ukungomola undindililakisu ukuti angalukongaga
9ulwitiko lula. Umwene Sauli uyu iyingi ali yo Pauli, alinkwi-
10sula Mbepo Mwikemo alinkundulalila, alinkuyoba nagwe alinkuti: Gwe nnya mohesi ugwe, gwe gwiswile ubusyobi nubukomu bosa, gwe ndugu gwa bugolofu bosa; ngimba
11utikulekaga ukusiniongasya injila ingolofu sya Ntwa? Lelo keta, ikiboko kya Ntwa kili pamyako, kuyaga mfwamaso, kikukindangapo akabalilo bo utikulibona nisuba. Nakalinga itolo ulufunienie ningisi filinkungwila, alinkupusanika, alinku-
12londa umundu gwa kunkola ikiboko nukundongosya. Lelo bo undindililakisu asibwene isi syabonike, alinkwenda nukwitika, alinkuswiganika nulumanyisyo lwa Ntwa.
MwʼAntiokia nkisu kya Pisidi; ukulumbilila kwa Pauli ku baYuda
13Popapo Pauli nabanine balinkwipaka kangi mwiboti ukufuma mu-Pafu, balinkwakufika mu-Perge nkisu kya Pamfilia. Umwene Yohani alinkubaleka, alinkugomoka ukubuka ku-
14Yerusalemu. Loli abene balinkupulungania mu-Perge, balinkwakufika mwʼAntiokia, nkisu kya Pisidi. Balinkwingila
15mu-Sinagogi pisiku lya Sabati, balinkutugasya. Lelo bo gabaligwe amasyu ga lulagilo naga bakunguluka, popapo abakulumba ba Sinagogi balinkubatumila indumi balinkuti: Mwe bamyitu, linga muli nalyo limo ilisyu ilya kubakasya
16abandu aba, amuyobege. Popapo Pauli alinkwima, alinkubabatamisya nikiboko alinkuti: Mwe banyambala ba Israeli na
17mwe mukuntila Kyala, amupilikisyege. Kyala gwa bandu aba abanyʼIsraeli, abasalile batata, alinkubimika abandu bala bo bali mbuhesya nkisu kya Egipti; kangi alinkubasosya
18mumo nikiboko ikinuligwa. Alinkuti lya mbepa kufyinja
19amalongo mana (40), bo bali ndungalangala. Lelo bo afipyutile ifikolo fihano na fibili nkisu kya Kanani, alinkubapa ikisu ukuya kilingo kyabo kufyinja ifi fyaliti fyali pa bamia bana na
20malongo mahano (450); panyuma alinkubapa abalongi
21ukwisakufika pankunguluka Samweli. Popapo balinkusuma untwa; umwene Kyala alinkubapa Sauli unnya Kisi, umundu gwa nkikolo kya Benyamini, kufyinja amalongo mana (40).
22Lelo bo ansosisyepo, popapo alinkubimikila Davidi ukuya ntwa gwabo; yo alinkunsisimikisya alinkuti: Numwagile Davidi unnya Yese, umundu uyu indumbula yangu yikyelile
23nagwe, yo uyu isakubombaga ubwigane bwangu bosa. Nduyungu lwa mundu yuyuyu, Kyala, ansumukisye Israeli
24umpoki, yu Yesu, bo mumo afingile; uyu bo akali nukwisa, Yohani alinkutala ukulumbilila kubanyʼIsraeli bosa isya losyo
25lwa lupinduko. Umwene Yohani bo ikuya pakumala akabombo kake, alinkubabula alinkuti: Muno mukunyinogonela ukuti mo njilile, mo ngayila. Loli keta, ikwisa munyuma mmyangu yumo, uyu ifilato fyake ngabagila nukufundula.
26Mwe bamyitu, mwe bana ba kikolo kya Abrahamu na mwe mukuntila Kyala, ilisyu lya bupoki ubu, litumigwe kumyitu.
27Namanga aba bayengile mu-Yerusalemu nabakulumba babo, papo bakalimmenye yuyo, kangi bakagamenye amasyu ga bakunguluka aga gabaligwaga bwila pa-Sabati, balinkusima-
28lisya bo bikundonga. Napa bakayagile nayimo inongwa ya
29kungogelamo, balinkunsuma Pilati ukuti agogigwe. Lelo bo basimalisisye syosa isi sinkunjoba mwa kalata, balinkunsulusya
30pampiki, balinkumbika mwipumba. Loli Kyala alinkun-
31syusya mbafwe; alinkubasetukila amasiku ga mingi aba bafyukile nagwe mu-Yerusalemu ukufuma mu-Galilai, aba
32lilino bo baketi bake kubandu. Nanuswe tukubafumukisya
33inongwa inunu isya lufingo ulu bapegigwe batata, ukuti Kyala asimalikisye muli uswe twe banabo, apa ansyusyaga Yesu, bo lilyo lisimbigwe ndwimbo lwa Israeli ulwa bubili ili
34likuti: Ugwe uli Mwanangu, ngupapile umusyugu. Loli isya kuti ansyusisye mbafwe, unsitakugomokelako kububofu, syo asiyobile atile: Nisakubapaga ulusayo ulwikemo, ulwa naloli,
35ulu nafingene na Davidi. Fyobene ikuyoba pabusimbe ubungi ikuti: Utisakundeka uMwikemo gwako ukuti aku-
36manye ukubola. Buno Davidi bo ayibombile ingulilo yake ukufwana nulubatiko lwa Kyala alinkufwa; alinkubikigwa
37pamopene nabagwise, alinkukumanya ukubola. Loli umwene uyu Kyala alinsyusisye, yo akakumanyamo ukubola.
38Mwe bamyitu, amusimanyege ukuti muli yuyuyu, mo muno ubuswe bwa mbibi bukufumusigwa kumyinu, kangi muli syosa isi mukabagile ukubwagilamo ubugolofu ndulagilo
39lwa Mose, muli yuyuyu mo ikubwagilaga ubugolofu gwesa uyu
40linga ikumwitika. Mwandege lelo ukuti singabisilaga isi syayobigwe mbakunguluka ukuti:
41Amuketege mwe basyokeli, muswigege, kangi muyongege;
Buno nikubomba imbombo mmasiku ginu,
Imbombo iyi mutisakuyitikamo siku, linga yumo ikubabula.
42Lelo bo bikusoka panja, popapo balinkubapyelesya, ukuti bisebababulege kangi amasyu gagaga pa-Sabati uyungi.
43Lelo bo babalanile ukufuma mu-Sinagogi, po abaYuda ba bingi nabingisigwa mbuYuda, abatila-Kyala, balinkunkonga Pauli na Barnaba, aba bo bikuyoba nabo, balinkubakasya ukuti bumililege mwipyana lya Kyala.
Abatumigwa bikulabila kubapanja
44Lelo pa-Sabati ugwa bubili, abandu ba bingi, ko kuya akaya
45kosa, balinkubungana kukulipilikisya ilisyu lya Kyala. Loli bo abaYuda balibwene ifilundilo, popapo kalinkubaga akabini, balinkusipinga syosa isi Pauli ayobaga, balinkunhelula.
46Popapo Pauli na Barnaba balinkuyoba itolo nubukifu balinkuti: Kwabagile ukuti ilisyu lya Kyala Uyobigwege tasi kumyinu; lelo papo mukulikana, kangi mukwibona mwibene ukuti mukabagila kubumi bwa bwila, keta, lilino po tukusanu-
47kilaga kubapanja. Buno mo mumo atulagile uNtwa ukuti:
Ngubikile ugwe ukuya lumuli lwa bapanja,
Ukuti uyege gwa kutwala ubupoki, ukufika kuno kimalikile ikisu.
48Lelo bo abapanja basipilike sisisi, balinkusekela balinkulitufya ilisyu lya Ntwa. Popapo bosa aba balyimikiligwe kubumi
49bwa bwila balinkwitika. Ilyene ilisyu lya Ntwa lilinkubalanila
50nkisu kyosa. Loli abaYuda balinkubasambulania abakikulu abafumuke abatila-Kyala, nabakulumba ba kaya, balinkubasonga abandu ukubafwima ba-Pauli na Barnaba, balinkubaka-
51gamo nkisu kyabo. Loli abene balinkubakungʼundila ulu-
52fumbi lwa kumalundi gabo, balinkubuka mwʼIkoni. Abene abafundigwa balinkwisula nulusekelo na Mbepo Mwikemo.
Actualmente seleccionado:
Imbombo sya batumigwa 13: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
