Logo de YouVersion
Ícono Búsqueda

मलाकि 4

4
यहवे दाङ्‌बे़ल्‍ले़ कुये़न्
1मुक्‍साम्‍दाङ्‌बा यहवे दाङ्‌बे़ल्‍ले़ पाःत्तु, “ओमे़त्ते़म्‍मे़ॽ, खे़न् खासे़न् लोःम्‍मा ये़न्‍निन् मिधुङ् मिराःक् कुइसिक् तार पत्॥ यम्‍बा के़ले़ङ्‌सिङ्‌बा मनाहाॽ नु ताप्‍फे़ःम्‍बा याःम्‍बक् के़जोःक्‍पाहाॽ याॽलाङ् कुइसिक् मे़जोक्‍लो॥ हे़क्‍क्‍याङ् खे़न् ये़न्‍नो खे़ङ्‌हाॽ मिःल्‍ले़ खाप्‍पुथ्‍यःङ् चोगुसिॽ॥ मिःल्‍ले़ सिङ्‌बोराःक्‍के़न् नु कुसाःप्‍पे़न् खाप्‍पुथ्‍यःङ् चोगुबा कुइसिक् खे़ल्‍ले़ खे़ङ्‌हाॽरे़ खुन्‍छिॽ मुॽइदाङ्‌साहाॽ खाप्‍पुथ्‍यःङ् चोगुसिॽ॥ 2कर आङ्‌गाॽनु के़गिबा हे़क्‍क्‍याङ् आमिङ्‌ङे़न् मिङ्‌सो इङ्‌धाङ् के़बिबा सम्‍धाङ्‌ग नाम्‍मिन् फिरिरिना लिङ्‌बा कुइसिक् साम्‌योनिमाल्‍ले़ तुक्‍मा लाःक्‍मालाम् वेःप्‍मा नु नुॽमादामे़न् तारुआङ् ताःॽ॥ हे़क्‍क्‍याङ् पित्‍थाःङ्‌ङो के़ये़प्‍पा पित्‍साःत्ते़न् ले़प्‍मे़ल्‍ले़ चाराम्‍मादे़न्‍नो पित्‍चाक् पित्‍चाक् पिन्‍ल लाःक्‍कात् पेःक्‍पा कुइसिक् खे़निॽआङ् लाःक्‍कात् के़लःन्‍दिरो॥ 3खम्‍भ्‍याङ् फे़न्‌याःम्‍बक् के़जोःक्‍पाहाॽ खे़निॽ लाङ्‌ङिल्‍ले़ के़दोॽरुम्‍सिम्‌ॽ॥ आङ्‌गाॽ खे़न् याःम्‍बक्‍किन् चोगुङ्‌बा ये़न्‍नो, खे़ङ्‌हाॽ खे़निॽ लाङ्‌दाप्‍पेॽ सिगाङ् खाप्‍पुथ्‍यःङ् मे़बोङ्‌लो,” मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ॥
4“आङ्‌गाॽ आसे़वारोबा मोसाःल्‍ले़ कुसाम्‌यो थिम्‍मे़न् इःप्‍मा नाःप्‍मारे़ लागि निङ्‌वाॽ इःत्ते़म्‍मे़ॽ, खे़न् साम्‌यो खासे़न्‍हाॽ नु साम्‌योथिम् इङ्‌जाङ्‌हाॽ के़रे़क् इस्राइलि सुवाङ्‌हाॽरे़ खुन्‍छिॽ लागि आङ्‌गाॽ होरेब कोःक्‍माओ मोसान् पिरुङ्‌ङाङ् वये़॥
5“ओमे़त्ते़म्‍मे़ॽ, यहवे दाङ्‌बे़ल्‍ले़ खे़न् यम्‍बा नु किप्‍मा के़घुबा कुये़न्‍निन् तामानुःल्‍ले़ तगि माङ्‌निङ्‌वाॽपान् के़बाःप्‍पा एलियान् आङ्‌गाॽ पाङ्‌घुङ् युसुङ्‌लो॥ 6खे़ल्‍ले़ पाहाॽरे़ खुन्‍छिॽ निङ्‌वान् साहाॽ ले़प्‍माङ् हे़क्‍क्‍याङ् साहाॽरे़ खुन्‍छिॽ निङ्‌वान् खे़ङ्‌हाॽरे़ खुन्‍छिॽ पाहाॽ ले़प्‍माङ् हिसु पिरुसि, मेःन्‍ने़भग्र आङ्‌गाॽ युआआङ् लाजेन् लत्‍छा माङ्‌दे साङ्‌ग्रा मे़त्तुङ्‌ङाङ् मे़क्‍खुङ्‌लो॥”   

Actualmente seleccionado:

मलाकि 4: LIF

Destacar

Compartir

Copiar

None

¿Quieres guardar tus resaltados en todos tus dispositivos? Regístrate o Inicia sesión

Video for मलाकि 4