1 Kings Nallunairun
Nallunairun
Ciuqliita Kings-aat iqua qanrutkaat ciuqvani avani caurallrat Israelite-at atanirtuumallrat ciuliameng tungliqutaciicetun Kalikainek Samuel-aam ayagnillret. Pingasuirrluteng avgumaciqngatut: 1) Tungliullni aturluku Solomon-aam angayuqaurtellra Israel-aami Judah-mi-llu, tuqullra-llu atiin David-aam. 2) Atanirturillra cat-llu taqutellri Solomon-aam. Arcaqerluku qanrutkenricunaunani nautellra Agayuvigpiim Jerusalem-aami. 3) Avellrat angayuqauvillgutkelriit negeqvalirnermi ungalalirnermi-llu atanruviulutek, qanemcit-llu angayuqanek atanirturillernek qukallra 9th century B.C. tekilluku.
Qanrutkumaut Malrugni kalikaitni Kings-aat atauciugurluteng atanirturilriit cuqcimallruut qaillun pitalriamek piciullratgun Agayutmun, angayuqauvigteggun-llu piluaqerallrat tangvagluku piciuciatgun, agayutngualiulleq niisngainricaraq-llu picurlagmek iqungqerran. Angayuqrin angayuqauviim negeqlilirnermi tamarmeng elluaq aturciigatellruat, igausngallratgun-llu Judah-m angayuqrin maniluku akuyulluteng pillrat.
Mistuut wani kalikaini Ciuqliim Kings-aam prophet-aari Atanrem, alingura'arpek'nateng qanertai Agayutem aarcirturaqluki yuut agayusqevkenaki agayutnguanun narurcesqevkenaku-llu Agayun. Arcaqerluni neq'ayarauguq Elijah qanemcikumallra-llu anagtassiigutellranek agayulirtainek Baal-am (chapter 18-aami).
Kalikam Imaa
Iquklitellra David-aam atanirturillran 1.1–2.12
Solomon-aam angayuqaurtellra 2.13-46
Solomon-aam atanirturillra 3.1–11.43
a. Ciuqliit allrakut 3.1–4.34
b. Agayuvigpiim naucimallra 5.1–8.66
c. Kinguqliit allrakut 9.1–11.43
Avgumalria atanruvik 12.1–22.53
a. Maligtaquinritellrat negeqliit ilakutellriit 12.1–14.20
b. Angayuqri Judah-m Israel-aam-llu 14.21–16.34
c. Prophet-aaq Elijah 17.1–19.21
d. Israel-aam Angayuqra Ahab-aq 20.1–22.40
e. Jehoshaphat-aaq Judah-mek Ahaziah-llu Israel-aamek 22.41-53
Actualmente seleccionado:
1 Kings Nallunairun: YPK
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Yupik Bible © 2012 American Bible Society. All rights reserved.