Versículos más leídos de la Biblia San Lucas 17

Compartir

Ja̧'hua̧nö̧ ja̧'a̧ Jesús pä'inödo ja̧u̧ru̧: —Ä̧rä̧mi̧'ö̧ täi. Pi̧'ä̧ji̧jä̧ cuesetäja'attö.

Rö̧ȩnä̧ ya'ute mo̧ro̧ suronä päöttömä, ja̧'hua̧ta̧nö̧ rö̧ȩnä̧ ucuru pä'ö ichö: “Pä'äji ta'anömä suronä jȩpo̧cö̧sä̧”, päö cunichi'ö'a̧nö̧ hua̧ ja̧u̧mä̧.

Ja̧'hua̧nö̧ ja̧'a̧ ya̧tȩ jahuätöttö, umäricheittö pi̧'ö̧ topäcuäu, ppa̧'ä̧chä̧chi̧nö̧do Diosrö adiu ucuocuä̧ya̧, rö̧ȩnä̧ eseunu huopä̧ya̧. Jesús ä'ca jo̧mȩ ihue'quiyunä kä̧mä̧dö̧, ö'ä rȩjȩ becuächönä ja̧rȩyu̧nu̧ pä'i'inödo, adihua'a päa'attö. Ja̧u̧mä̧ Samaria rȩjȩ ttö̧ja̧ i̧sa̧ pi̧nö̧do.

Ttu̧ȩcuä̧nä̧ tta̧'ä̧rä̧cuä̧huä̧tu̧cui̧. “Cu̧jä̧hua̧ suronä jȩö̧ttö̧mä̧ ucuru, ro̧'ȩpi̧rö̧. Pärocuäcutä amöcuädöttömä, unichi'ätucuirö.

Ja̧'hua̧nö̧ ja̧'a̧ Jesús pä'inödo: —¿To̧mö̧rȩ ruhuämä pȩji̧po̧co̧tö̧ päjätöjä tä̧ji̧? ¿Titö huäjättö korotö ko̧ro̧mö̧ttö̧nö̧ pa̧ja̧cuä̧nö̧ päjätömä?

Ja̧'hua̧nö̧ ja̧'a̧ Tu̧ru̧hua̧ päinä̧u̧do: —Iso päi'önä cuesetinätucu adiu cu̧ju̧nä̧rä̧tu̧cu̧ttu̧mä̧, mostaza jacuä jähuä jä̧'i̧nö̧'a̧nö̧ jö̧ttö̧mä̧, jija dau pä'ajatöjä: “Que'ocuächi juhuorömä, aje rö̧oto kä'coto kä̧mä̧däi cui.” Jä̧'hua̧nö̧ ja̧'a̧ dau eseta̧u̧jä̧.

Ya̧tȩ chutä a̧'cua̧rö̧ repe'ömä, o'ca juiyönä to̧ȩi̧'ä̧cua̧. Ja̧'hua̧ta̧nö̧ ya̧tȩ a̧'cua̧rö̧ toei'öttömä, adiu ö̧jä̧cua̧.

Jesús pä'inödo u̧huo̧juȩtä̧u̧ru̧: —'Cuäopönä kä̧cua̧'a̧to ttö̧ja̧ suronä jȩtta̧ pä'ö jö̧mä̧. Ja̧'hua̧nö̧ ja̧'a̧nä̧ korotörö suronä jȩtta̧ pä'ö huȩ'ä̧rä̧tö̧rö̧ suronä 'cuäopäcua'a. Ya̧tȩ ubo pa̧'a̧nö̧ ji̧'qui̧cha̧hua̧ ta'anö huotörö suronä jȩtta̧ pä'ö huȩ'ä̧rö̧, ja̧u̧ru̧ u̧ru̧pä̧'quȩnä̧ ido'qui ti̧'ä̧dö̧ aje täcuome päte'ö kä'ö tticu'a̧nö̧ hua̧.

Noé ö̧ji̧nö̧ 'cuäopinö ta'anö, 'cuäopäcua'a Ubo I̧tti̧ ichö mo̧ro̧mä̧. Ja̧'a̧tä̧ cuä̧nö̧'i̧nä̧, au'inä, ttirecuarö ȩmö̧'i̧nä̧ tti̧tti̧mö̧ nä̧tö̧rö̧ korotörö iyö'inä jȩpö̧ ka̧cui̧nä̧tö̧do, Noé huoi'canä doächinö mo̧ro̧ päi'önä. Aje suhuädi'omenä, o'ca toi'önä to'ei'inätödo.