Versículos más leídos de la Biblia San Lucas 18

Compartir

Jesús koro juäi jä̧'i̧nö̧'a̧nö̧ jö̧ huȩnȩ ji'äu huo̧juȩti̧nö̧do, 'cuäopönä Diosrö ucuocuäcuähuä 'cuächi'äcuähuä juiyönä pä'ö.

Diosmä ȩmi̧nä̧u̧ru̧, yodo'inä, mo̧ro̧'i̧nä̧ jä'epätörö, ¿ppä'ädocö paji tä̧ji̧? ¿Ppäda pä'ömä recuo tta̧'ä̧ra̧ji̧ tä̧ji̧? Pä'ösä ucuturu, jättepomenä yotäcu ppä̧dä̧cua̧. Ja̧'hua̧nö̧ ja̧'a̧nä̧ Ubo I̧tti̧ ichomenä, ¿pi̧jä̧nä̧mä̧ ttö̧ja̧ Diosrö esetätörö ji̧nä̧ ö̧'o̧cui̧'ä̧cua̧ tä̧ji̧?

Jesús pä'inödo jahuätörö: —Pi̧jä̧ ttö̧ja̧ ja̧'hua̧nö̧ jȩpo̧co̧tö̧. Ya̧tȩtä̧ Diostä ja̧'hua̧nö̧ jȩpö̧, o'ca juiyönä jȩa̧'a̧ttö̧.

Recuo ja̧'a̧nä̧ ja̧u̧ ru̧hua̧ yoröiso ppädococua pi̧nä̧ju̧do. Ju̧huȩnȩ o'comenä, amöcuädinödo: “Diosrö'inä, ttö̧ja̧rö̧'i̧nä̧ chucuotoca'anä, paju recua yabonö suronä jäjepa'attö ppädädaju, yabonö kichö juiyäcua'a̧nö̧, 'cuädächi'önä jä̧jȩpä̧rö̧ juiyäcua'a̧nö̧.”

Iso päi'önä pä'ösä ucuturu, ya̧tȩ ji̧'qui̧cha̧hua̧ Dios Chu̧ru̧hua̧ päi'önä kö̧ päö'a̧nö̧ pä'ocotömä, Dios ö̧jo̧mȩ do'ächocotö ttäcuotö.

Ja̧'hua̧nö̧ ja̧'a̧ Jesús huopo'ö päinä̧u̧do: —Huäinä ichätö ttörö. Ja̧'a̧tä̧ topätucui. Dios Tu̧ru̧hua̧ päi'önä kö̧ pä'ätömä, ppo̧'ä̧tö̧ jä̧'i̧nö̧'a̧nö̧ huotö.

Jesús pä'inödo: —Topittö. Ucu cueseta'attö, aditö chicuäjäcujä.

Jesús ja̧u̧ru̧ ädätinödo: —¿Dä̧bö̧ päcuhuäjättö ttörö adihuä i̧sa̧ pä'ö? Ka̧ra̧ adihuä i̧sa̧ toa'a. Ya̧tȩtä̧ Diostä adihuä i̧sa̧mä̧.