Versículos más leídos de la Biblia PILIPI 2

Compartir

Ola ibahanndu kai pe erpalasken kerangapen, ntah si erpalasken ukur meganjang. Tapi peteruklah ukurndu sekalak nandangi si debanna. Ola kal iakapndu ulin kam asangken kalak si deban. Ola keperlunndu saja ngenca iperdiatekenndu tapi perdiateken pe keperlun kalak si deban.

Perukurenndu bali min ras perukuren Kristus Jesus

Aminna gia tetap lit i bas IA biak Dibata, erkuasa dingen ermulia IA bali ras Dibata, tapi si enda la ipertahankenNa. Arah ukurna jine itadingkenNa kerina si lit i bas IA. Jadi seri IA ras manusia; nggeluh bagi sekalak juak-juak. Janah teridah bagi sekalak jelma. Meteruk ukurNa, janah erkemalangen IA man Dibata seh matena pe; e me mate i kayu persilang.

Sabap Dibata pe tetap erdahin i bas kam gelah kam nggit dingen ngasup ndalanken si ngena ateNa.

Erkiteken si e ipehaga Dibata kal IA. Ibereken Dibata man baNa kuasa si meganjangna kal. Gelah kerina si enggeluh i Surga, i babo doni ras i teruh doni erjimpuh nembah man baNa. Janah ngakuken maka Jesus Kristus e tuhu-tuhu Tuhan, guna kemulian Dibata Bapa.

Dahikenlah kerina dahin alu la jungut-jungut ntah nimbak. Gelah kam la ersalah dingen la erpandangen selaku anak-anak Dibata si serta si nggeluh i bas doni kalak si jahat dingen erdosa. Ersinalsal min kam i tengah-tengahna bagi bintang-bintang nerangi langit.

E maka, o teman-temanku, bagi tetap ikutkenndu katangku, asum aku ras kam, terlebih pe genduari ikutkenlah katangku asum aku ndauh i bas kam nari. Tetaplah erdahin alu mbiar dingen gentar enggenepi keselamatenndu.