Versículos más leídos de la Biblia PILIPI 1

Compartir

Bage pe tek aku maka iterusken Dibata nge dahin si mehuli si enggo ibenakenNa i bas kam seh ku warina Kristus reh mulihken.

Pertotonku kerna kam e me: Ertoto aku man Dibata gelah ertambahna min keleng atendu janah rikut ras pemeteh si tuhu-tuhu ras pengangkan si serta, gelah ietehndu milihsa apai si mehulina. Alu bage bersih kam pagi dingen la erpandangen i bas warina Kristus reh pedua kaliken guna ngadili kerina manusia.

Sabap kai kin ertina nggeluh! Man bangku, nggeluh e me Kristus, janah mate reh untungna.

Kuinget kenca kam, kukataken bujur man Dibatangku erkiteken kam.

Saja ngenca, sue min lagu-langkahndu bagi si iaturken Berita Si Meriah kerna Kristus e, gelah subuk aku reh ndahi kam ntah lang, tetap kubegi ersada ukurndu dingen ersada arihndu i bas mpertahanken kiniteken si turah erkiteken Berita Si Meriah.

Sura-surangku dingen si kuarapken kal e me maka ola kal min sia-sia aku i bas dahinku, tapi maka tetap min ergiah-giah ukurku alu la biar-biaren, terlebih-lebih genduari, gelah i bas kerina percibalku tama pujin man Kristus, subuk aku nggeluh ntah mate gia.

Dibata enggo mereken kesempaten man bandu guna erdahin man Kristus, labo saja gelah kam tek man Kristus, tapi pe gelah kam ngenanami kiniseran guna IA.