Versículos más leídos de la Biblia EPESUS 6

Compartir

Sabap labo manusia si man lawanenta, tapi kuasa pemerentah ras penguasa si la teridah, kuasa doni si gelap enda, ras kesah si jahat i bas ingan si meganjang.

Bahanlah si e kerina alu ertoto, mindo penampat man Dibata. Ertotolah i bas bukuna alu kuasa Kesah. Erkiteken si e erjaga-jaga dingen tutuslah kam i bas ertoto. Ertotolah rusur guna kerina anak-anak Dibata.

Pakekenlah kerina senjata si ibereken Dibata gelah ngasup kam tedis ngelawan akal Iblis si jahat e.

E maka genduari pakekenlah kerina senjata si ibereken Dibata, gelah adi reh pagi paksa si jahat e, ngasup kam ngelawan serangen-serangen musuh, janah kenca erperang seh ku kedungenna, tetap denga kam tedis alu megegeh.

Bahanlah kinitekenndu jadi ampang-ampangndu katawari pe. Alu e banci inimpetindu kerina anak panah si gara si ipanahken si Jahat. Alokenlah keterkelinen jadi topi waja man bandu, janah kata Dibata jadi pedang si ibereken Kesah Dibata man bandu.

E maka tedislah kam! Pakekenlah ketuhu-tuhun jadi bentingndu; pakekenlah kinibujuren jadi baju besi guna erperang. Janah pakekenlah keriahen ukurndu meritaken Berita Si Meriah kerna kemalemen ate jadi sepatundu.

Kedungenna, megegehlah kam erkiteken persadanndu ras Tuhan dingen erkiteken KuasaNa si mbelin.

“Pehagalah nande-bapandu,” e me pedah si pemena ibereken Dibata radu ras padanNa. E me, “gelah mejuah-juah kam, janah ndekah kam nggeluh i doni enda.”

O kam anak-anak! Ikutkenlah ajar orang tuandu, sue ras peraten Tuhan sabap patut idalankenndu.