Versículos más leídos de la Biblia Isaías 40

Compartir

Kalsuhlakna yakat witing yaklauwi parasni kalawi, dawak parasni dis yakat witing yakluwi parasni kalawi.

Wawahma bik sipki di suhnin, muih tanit pararasni bik bubukna ki, kaunah Dawan yakat rahm kukulwa balna kidika laih, parasnina kidika watwi wisamni duduwa kidika ban karang, dawak bahlwi yaklaunin sipkarang yakalnuh kapat, kirinin sipki dawak lapaknin sipki kalsuhwas.

¿Amanglatasman katpah? ¿Dakasmahn? Dawan, Papang ban kaput kidika, sau yamna kidika, witing laih kalsuhwaski; dawak sinsni kidika sarandis ki.

Muih dinit as sarahwi: “Kauhmak wanilang yakat, Papang tāni kidika barangni yamtanauh, Papang tāni barangni as yamtanauh sau as dutni kidika yakat.

Dibasta kidika kusulawi dawak dipulu kidika bik, kaunah Papang yulni kidika laih ban kaput ki.”

Kaput laih Dawan alasnina nuhni kidika lāih yakna karang, dawak muih balna bitik tatalna karang. Dawan witing kaput yulna.”

Was wakarhni balna bitik langni yamtanauh, dawak asang balna kidika bitik, dawak pa wakarhni balna asangpas balna kidika bik langni salaini yamtanauh.

Sīp maintalyang kapat kaiwi; sīp binina kidika tingnikau laihwi dulauwi pasni yakat āwi dukiwi, dawak binina yayakna balna kidika laih yamni maintalwi.

Mamaknapa ibis yakat dulauta talnauh: ¿Wais yamnayah kidika dini balna bitik? Sahwi yakwa kidika as as, dawak bitik yakat ayangnina kat kat pakwi yulwa kidika. Witing parasni kidika nuhni palni ki kidika bahang as bik laih dis-awaski dini balna kidika.

Papang laih witing yalahwa pāni kidika duwi sau minitkau ibis kudungni kidika minit yakat, dawak witing muih balna kidika talwi dimuih sisin kapat. Dawak ibis kidika rina ki asna kapat, dawak rina ki sihm ū labanni minit yakat asna riwa kapat.

dalani kaltalinah Jerusalén yakat yulkalbautanauh, dawak kalyultanauh warauni lani kidika dahn kalna, dutni yamna balna dai kidika bitik minitlauna, yang tingni kaupak wah watbu duna dutni yamna balna dai kidika yulni.”

Muih dinit as aput yulwi: “Sarahta”, dawak yang yultik dakayang: “¿Ais yultik sarahkiyah?” “Muih bitik kidika dibasta kapat ki, ¡dipulu as asangpas kau kapat ki! Dibasta kidika kusulawi, dawak dipulu kidika bik, Dawan wingnita kidika witingna minitna munah bayakwakat. Di rahm kidika laih muih balna kidika dibasta kapat ki.

Dawan kaiwi parasni nuhni kau, witing taihwi tingni parasni kau. Tawanni kidika duaiwi laihwi yakna usnit kat.

Manna Papangmana kidika yulwi: “Walaniātanauh, walaniātanauh tawanki kidika

¿Wais kidika kuma nuhni sakkidika tingni kau kulwi talna yah, kidika awaskat tingni bikis kau ibis panuhni kidika kulwi talnayah? ¿Wais kulwi talnayah sau yahamni balna bitik, kidika awaskat paun āwi talnayah asang balna kidika? ¿Wais yaklauwi Dawan yakat barangni kalyaknayah, kidika awaskat sumalnayah? ¿Wais yaklauwi la sumalnayah, dawak di amanglanayah? ¿Wais yaklauwi sumalna kat la barangni kat yamwih? ¿Sins lani kidika wais yaklauwi sumalnayah? ¿Sins lani tuhni kidika wais yaklauwi sumalnayah?