Versículos más leídos de la Biblia Isaías 41

Compartir

Bahang yamaduwinih, yang man karak yang; yamaduwinih yang laih man Papangmayang. Yang parasma matik ilp matayang, dawak tingki parasni kau madulautayang.

Kat yang man Papangma Dawan yang adika, tingma sutni yakat laihna yang; dawak mayulnayang: ‘Yamaduwinih, yang ilp maki.’ ”

Man yakat dutni makukulwa kidika bitik laih asalnina kalahwarang, dawak sau yakat bubukwarang, man namang yakat kalbabauwa kidika bitik laih dahn kakalna karang.

Yang lawik sau sutni kaupak mayaknayang, kaput bik aiwanam mayulnayang sau bangni naikaupak, dawak mayulnayang: ‘Man laih yang diki yamyang man.’ Yang lawik mayaknayang, bahang madatasyang.

Waihmala balna kidika walma kaunah yaktas awama; man namang yakat war yayamwa dai kidika diskarang, nining disdai kapat.

Dawan yulwi: “Israel, Jacob tawanni kidika, dibin dawak parasni dis karang bik, yamaduwinih; yang ilp matayang. Yang, Israel Papangni maisihni disyang kidika, malaihtik yakyang yang.

“Dakah Israel, Jacob tawanni, diki yamyang, yang lawik waltik yaknayang kidika, tawan as, yang kaltalyang yamni Abraham sulani kidika

Kauhmak wanilang kau asang kidika kaupak kalating kat wasnuh murwi kalahwarang, dawak sau langni balna kaupak kalating kat was burhwi kalahwarang; kaput bik laih kauhmak wanilang kidika bik wasmak balalni kalna karang, yamting kat sau buhlana kidika kaupak was burhwi kalahna karang.

“Muih miniknakunni, di dis balna kidika was wawalwi, kaunah yayakwas ki. Tunina bitik buhlana was dikih diawa kidika yulni; kaunah yang Dawan yang lawik yamki, yang Israel Papangni yang sip ruhmtik datas awaki.

¿Adika warkni wais yamna yah? ¿Wais yaklauwi kaput pakna yah tatuna kaupak yul balna kidika kaput kalahwi kaina atnin? Yang kuduh, Dawan as yang manah kidika, tatuna kaupak witni kat.

Kauhmak wanilang yakat suhun dahki, olib dahki, burimak dahki; kaput bik laih sau buhni yakat kalatingkat ukuswi barakna karang awas panan dawak pan ūk balna bik, kaput laih sau muihni balna bitik tatalwang dawak dakakawang, yamni dakanauh dawak amanglatanauh, yang Dawan yang, bahang paraski kau adika dini balna yamnayang, yang Israel Papangni maisihni disyang kidika yang lawik kalating kalna.”