Miqueas 5
5
Israelpi munaychakuqta Dios hatarichinanmanta
1Jerusalén llaqta,
harkachikunaykipaq muyuriqnikipi perqakunata hatarichiy,
enemigoykikunam muyurirusunki
Israel nacionpa kamachiqninta ñakarichinankupaq.
2 #
Mt 2.6; Jn 7.42. Belén Efrata, Judá ayllukunamanta taksallan llaqta,
qanmantam Israelpi munaychakuq hatarinqa,
payqa paqarimurqa ñawpaqmantaraqmi,
tukuy imapa qallariyninmantapacham.
3Ichaqa wiksayuq warmipa wachakunankamam
runankunata Tayta Dios saqeykunqa,
chaymantañam Israelpa mirayninkuna,
karupi tarikuqkuna,
hinapi kaq wawqenkunaman hukllawakunqaku.
4Hinaptinmi chay rey hatarispan
Tayta Diospa atiyninwan paykunata michinqa,
paykunañataqmi hawka kawsakunqaku,
Tukuy Atiyniyuq Tayta Dios kay pachapa patankama
hatunchasqa kasqanrayku.
5Paymi hawkayayta apamuwasun
Asiria nacionña llaqtanchikman hamuspan
palacionchikkunaman yaykuptinpas,
paykunapa contranpim
qanchis michiqkunatawan ancha reqsisqa pusaq kamachikuqkunata kachaykusun.
6 #
Gn 10.8-11. Paykunam Asiria naciontapas,
Nimrodpa llaqtantapas,
espadawan chinkarachinqaku.
Asiria runakuna hamuspa
allpanchikpa linderonkunata saruptinpas paymi librawasun.
7Jacobpa mirayninkunamanta puchuqkunam,
llapa llaqtakunapa chawpinpi kanqaku,
Diosmanta hamuq sulla hinaraq,
pastokunaman chayaq para hinaraq kanqaku.
Parawan sullaqa chayamun
manam runapa munasqanman hinachu.
8Jacobpa mirayninkunamanta puchuqkunam,
nacionkunapa llaqtakunapa chawpinpi,
purun animalkunapa chawpinpi león hinaraq kanqaku,
ovejakunapa chawpinpi uña león hinaraqmi kanqaku,
payqa hapiruspanmi tisaparun,
paymantaqa manam imapas lluptinmanchu.
9Dios Taytalláy,
enemigoykikunapa contranpi makikita hoqarispaykim,
enemigoykikunata pasaypaqta puchukarachinki.
10Tayta Diosmi kaynata nin:
Chay punchawpim caballoykikunatapas wañurachisaq,
guerrapaq carretaykikunatapas ñutuparusaq.
11Llaqtaykichiktapas tuñichisaqmi,
amparakunaykichik wasikunatapas purmarachisaqmi.
12Layqanakuynikichiktapas chinkarachisaqmi,
qatipaqkunatapas chawpikichikmantam chinkarachisaq.
13Idolokunatapas chawpikichikmantam chinkarachisaq,
manañam makikichikwan ruwasqaykichikpa qayllanpipas qonqorakunkiñachu.
14Asera sutiyuq idoloykichiktapas
chawpikichikmantam wischurusaq,
llaqtaykichikkunatapas pasaypaqtam purmarachisaq.
15Mana kasuwaqniy nacionkunamantam
sinchi piñakuywan vengakusaq.
Currently Selected:
Miqueas 5: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012