Miqueas 4
4
Tayta Diospa munaychakunanmanta
(Is 2.2-4)
1Tukupay tiempokunapim
Tayta Diospa templonpa kasqan orqo
wakin orqokunapa hawanpi churasqa kanqa,
hatun orqokunamantapas aswan hatunmi kanqa,
hinaptinmi payman llapallan nacionkuna rinqaku.
2Llapallan nacionkunam chayman rispanku ninqaku:
Tayta Diospa akllakusqan orqoman hakuchik,
Jacobpa Diosninpa wasinman risunchik;
paymi yachachiwasun paypaq hina kawsakuyta,
paypa munasqanman hinaña purisunchik, nispanku.
Sión moqomantam kamachikuy lloqsimunqa,
Jerusalenmantañataqmi Tayta Diospa Chuya simin lloqsimunqa.
3 #
Jl 3.10. Tayta Diosmi llapa llaqtakunata juzganqa,
karupi kaq atiyniyuq nacionkunatapas derechonmanmi churanqa.
Paykunañataqmi espadankutapas rejakunamanña tikranqaku,
lanzankutapas rutunakunamanñam tikranqaku.
Manañam nacionpura peleanqakuñachu,
guerrapaqpas manañam mastaqa allichakunqakuñachu.
4 #
Zac 3.10. Sapakamam uvas plantankupa higos sachankupa llantunpi tiyakunqaku,
manañam pipas paykunataqa manchachinqachu.
Tukuy Atiyniyuq Tayta Diosmi chaynata nin.
5Llapa llaqtakunaña diosninkupa
sutinpi hapipasqa kawsaptinkupas,
ñoqanchikqa Tayta Diospa sutinpi hapipakuspam
wiña-wiñaypaq kawsakusun.
Israel huktawan hatarichisqa kananmanta
6Tayta Diosmi kaynata nin:
Chay punchawpim wistu ovejakunata,
chinkasqa ovejakunata,
ñakarichisqay ovejakunata huñumusaq.
7Wistu ovejakunamantam taksa llaqtata hatarichisaq,
llapa chinkasqamantañataqmi kallpasapa nacionta ruwasaq,
hinaspaymi ñoqa Tayta Diosñataq
Sión moqopi wiña-wiñaypaq paykunapi munaychakusaq.
8Ancha kuyasqay Jerusalén llaqtayta waqaychaq Sión moqo,
huktawanmi llaqtaypa capitalnin kanki,
huktawanmi ñawpaqta hina kuyayllapaq kanki.
9Chaynaqa, ¿imanasqataq llumpayta qayaykachakunki?
¿Manachum reyniki kapusunki?
¿Consejasuqnikichu wañukun
wachakuq warmi hina ñakarinaykipaq? nispa.
10 #
Ap 12.2. Sión llaqtapi yachaqkuna,
wachakuq warmi hinayá qewipakuychik,
kunanqa llaqtamanta lloqsispam
purunkunapiña yachankichik.
Babilonia nacionkama chayaruspam
chaypiña librasqa kankichik,
chaypiñam enemigoykikunapa makinmanta
Tayta Dios librasunkichik.
11Kunanqa achkallaña nacionkunam qampa contraykipi
huñunakuruspa ninku:
“Sión llaqta millakuypaq ruwasqa kasqanta qawaspa asikusun”, nispanku.
12Paykunaqa manam yachankuchu
Tayta Diospa imam tanteasqantapas,
nitaqmi entiendenkuchu rimapayasqantapas,
manataqmi yachakunkuchu gavillata hina
Tayta Diospa huñusqan kanankutapas.
13Sión llaqta, hatarispayki trillay,
waqraykikunatapas fierromantam ruwasaq,
silluykikunatapas broncemantam ruwasaq,
achkallaña nacionkunamanta qechusqaykikunatapas
Tayta Diospaqñam sapaqchanki,
kay pachapi munaychakuq Señormanmi ofrecenki.
Currently Selected:
Miqueas 4: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012