Miqueas 6
6
Israelpa contranpi Dios hatarisqanmanta
1Kunanyá Tayta Diospa nisqanta uyariychik.
Hatarispayki imam pasasusqaykita orqokunaman willakuy,
qayakusqaykita orqokuna uyarichun.
2Orqokuna, kay pachapa cimientonkuna uyariychik,
Tayta Diosmi llaqtanwan quejaman yaykurun,
Israelpa contranpim juiciota kichaykun.
3Tayta Diosmi kaynata nin:
Llaqtalláy ¿imanaruykitaq, imapitaq piñarachiki?
Kunanyá contraypi rimariy.
4 #
Ex 12.50-51. #
Ex 4.10-16. #
Ex 15.20. Egiptomantam qamtaqa hurqomurqayki,
esclavo kasqaykimantam libramurqayki.
Pusamusunaykipaqmi Moisesta, Aaronta hinaspa Mariata kachamurqani.
5 #
Nm 22.2—24.25. #
Jos 3.1—4.19. Llaqtalláy, kunanyá yuyariy
Moab nacionpa reynin Balac consejaptin
Beorpa churin Balaampa imam kutichisqanta.
Yuyariyá Sitim lawmanta Gilgalman risqaykita,
hinaspayá atiyniywan yanapasqayta reqsikuy, nispa.
Tayta Diospa imam mañakusqanmanta
6¿Imawantaq Diospa qayllanman asuykusaq?
¿Imawantaq ancha hatun Diosta yupaychasaq?
¿lliw kañana sacrificiowanchu qayllanman asuykusaq?
¿Huk watayuq torokunawanchu asuykusaq?
7¿Waranqa carnerokunataña otaq
chunka waranqa mayukunata hinaña aceiteta qoptiypas,
yaqachum Tayta Diosqa kusikunman?
¿Piwi churiytachu mana kasukuq kasqaymanta qoykusaq?
¿Qari churiytachu huchaymanta qoykusaq?
8Yaw runa,
Tayta Diosqa nisurqankiñam allin kaqkunamantaqa,
Tayta Diosqa ¿imatataq qanmanta mañasunki?
Allin arreglo ruwanaykitam,
llakipayakuyta kuyanaykitam.
Diosnikipa qayllanpi uchuychakunaykitam.
9Tayta Diosmi llaqtata qayachkan,
payta uyariyqa allin yachayniyuq kaymi.
Llapa runakuna uyariychik,
kamachikuqkuna uyariychik:
10Mana allin ruwaqpa wasinpiqa kachkanraqmi
engañowan qori-qollqe ganaqkunaqa,
mana allin ruwaqpa wasinpiqa kachkanraqmi
millakusqay suwakuq balanzankuna.
11¿Imaynataq pampachayman
suwakuq balanzatawan mana cabal pesota hatalliq runataqa?
12Kay llaqtapi apukunaqa runamasinta ñakarichiqkunam;
llapa runakunapas llullakuspa engañakuqkunam.
13Chayraykum ñoqapas ñakarichispay
huchaykirayku tuñichichkayki.
14Mikuspapas manam saksankichu,
aswanqa hinallam yarqaymanta ñakarinki,
huñukusqaykitapas manam takyachinkichu,
takyachisqaykitapas guerrapim ñoqa tukuchisaq.
15Tarpuspapas manam cosechankichu,
aceitunas sarusqaykipa aceitenwanpas
manam servichikunkichu,
uvas sarusqaykipa vinontapas manam upyankichu.
16 # 1 R 16.23-28. # 1 R 16.29-34; 21.25-26. Rey Omripa kamachikuyninkunatam kasukurqanki,
rey Acabpa ayllunkuna ruwasqankutam ruwarqanki,
paykunapa nisusqaykiman hinam kawsarqanki.
Chayraykum purmachisqa kanki,
runaykikunatañataqmi burlakuspa asipayanqaku,
llaqtaypa penqayninmi hawaykiman chayanqa.
Currently Selected:
Miqueas 6: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012