Nm 33
33
Resil li xb'eheb' laj Israel naq ke'elk chaq Ejiipt
1Jo'ka'in naq ke'elk chaq Ejiipt eb' laj Israel ut ke'chalk chi tzol jo'keb' laj puub', k'amol b'eheb' chaq laj Moisés ut laj Aharón. 2Laj Moisés kixtz'iib'a xk'ab'a'eb' li na'ajej b'arwi' ke'numje'k chi tiqil ru, jo' chanru kiyehe'k re xb'aan li Qaawa'. Jo'ka'in naq ke'elk sa' li junjunq chi na'ajej.
3Sa' li o'laju xb'e li xb'een po ke'elk eb' laj Israel sa' li na'ajej Ramsés, eweraq xninq'ehinkil li Paswa. Kaweb' xch'ool naq ke'elk eb' laj Israel chiruheb' chixjunil laj Ejiipt. 4Eb' laj Ejiipt yookeb' chi xmuqb'aleb' li xb'een alalb'ej li ke'kamsiik xb'aan li Qaawa'. Chi jo'kan kiraqmank aatin sa' xb'eeneb' li xyoseb'.
5Eb' laj Israel ke'elk chaq Ramsés ut koxe'hilanq aran Sukot.
6Ke'elk Sukot ut koxe'hilanq sa' li na'ajej Etán, li wank chire li chaqich'och'.
7Ke'elk Etán ut koxe'hilanq aran Pi-Hajirot, li wank sa' xka'yab'aal Bahal-Sepón, ut ke'xk'ojob' li xmuheb'aaleb' aran Mikdol.
8Ke'elk Pi-Hajirot ut koxe'nume'q sa' xyi li palaw toj sa' li chaqich'och'. Oxib' kutan ke'b'eek sa' li chaqich'och' re Etán ut koxe'hilanq sa' li na'ajej Mará.
9Ke'elk Mará ut ke'wulak Elín. Aran wank kab'laju chi yu'amha' ut lajeeb' xkaak'aal toon chi mokooch; ut ke'hilank sa' li na'ajej a'an.
10Ke'elk Elín ut koxe'hilanq chire li nima' Suf.
11Ke'elk chire li nima' Suf ut koxe'hilanq sa' li chaqich'och' re Sin.
12Ke'elk sa' li chaqich'och' re Sin ut koxe'hilanq Dofká.
13Ke'elk Dofká ut koxe'hilanq aran Alús.
14Ke'elk Alús ut koxe'okaq Refidín, ab'an sa' li na'ajej a'an maak'a' ha' re te'ruk' eb' li poyanam.
15Ke'elk Refidín ut koxe'hilanq sa' li chaqich'och' re Sinaí.
16Ke'elk sa' li chaqich'och' re Sinaí ut koxe'hilanq Kibrot-Atabá.
17Ke'elk Kibrot-Atabá ut koxe'hilanq Jaserot.
18Ke'elk Jaserot ut koxe'hilanq Ritmá.
19Ke'elk Ritmá ut koxe'hilanq Rimón-Perés.
20Ke'elk Rimón-Perés ut koxe'hilanq Libná.
21Ke'elk Libná ut koxe'hilanq Risá.
22Ke'elk Risá ut koxe'hilanq Kelatá.
23Ke'elk Kelatá ut koxe'hilanq wan wi' li tzuul Séfer.
24Ke'elk sa' li tzuul Séfer ut koxe'hilanq Jaradá.
25Ke'elk Jaradá ut koxe'hilanq Makelot.
26Ke'elk Makelot ut koxe'hilanq Tájat.
27Ke'elk Tájat ut koxe'hilanq Táraj.
28Ke'elk Táraj ut koxe'hilanq Mitká.
29Ke'elk Mitká ut koxe'hilanq Jasmoná.
30Ke'elk Jasmoná ut koxe'hilanq Moserot.
31Ke'elk Moserot ut koxe'hilanq Bené-Yakán.
32Ke'elk Bené-Yakán ut koxe'hilanq Jor-Akidgad.
33Ke'elk Jor-Akidgad ut koxe'hilanq Yotbá.
34Ke'elk Yotbá ut koxe'hilanq Abroná.
35Ke'elk Abroná ut koxe'hilanq Esión-Kéber.
36Ke'elk Esión-Kéber at koxe'hilanq sa' li chaqich'och' re Sin, malaj Kadés.
37Ke'elk Kadés ut koxe'hilanq wan wi' li tzuul Hor, sa' xnub'ajlil li tenamit Edom. 38Laj Aharón laj tij kitaqe'k sa' xb'een li tzuul Hor, jo' kiyehe'k re xb'aan li Qaawa', ut aran kikamk,#33,38 Nm 20,22-28; Dt 10,6. akaq ka'k'aal chihab' chaq relikeb' laj Israel sa' li tenamit Ejiipt, sa' li xb'een kutan re li ro' po. 39Oxib' xwuqk'aal (123) chihab' wank re laj Aharón naq kikamk sa' xb'een li tzuul Hor.
40Li awab'ej re Arad li wank aran Nejeb sa' li na'ajej Kanahán, kirab'i resil li xwulajikeb' laj Israel.#33,40 Nm 21,1.
41Ke'elk eb' laj Israel sa' li tzuul Hor ut koxe'hilanq Salmoná.
42Ke'elk Salmoná ut koxe'hilanq Punón.
43Ke'elk Punón ut koxe'hilanq Obot.
44Ke'elk Obot ut koxe'hilanq sa' xpo'lemil Abarín, sa' xnub'ajlil Mohab.
45Ke'elk Abarín ut koxe'hilanq Dibón-Gad.
46Ke'elk Dibón-Gad ut koxe'hilanq Almón-Diblatáhin.
47Ke'elk Almón-Diblatáhin ut koxe'hilanq chiruheb' li tzuul re Abarín, li wank sa' xka'yab'aal Nebo.
48Ke'elk chiruheb' li tzuul re Abarín ut koxe'hilanq sa' xtaq'ahil Mohab, chire li nima' Jordán, sa' xjayal Jerikó. 49Ke'xk'ojob' li xmuheb'aaleb' chire li nima' Jordán, sa' xyanq Bet-Yesimot ut Abel-Sitín, sa' xtaq'ahil Mohab.
Jo'ka'in naq taajek'imanq li na'ajej Kanahán
50Li Qaawa' kiraatina laj Moisés sa' xtaq'ahil Mohab, chire li nima' Jordán, sa' xjayal Jerikó, ut kixye re:
51“Ye reheb' laj Israel: Naq texq'axonq junpak'al li nima' Jordán re xik sa' li tenamit Kanahán, 52teeraanilasiheb' chixjunil li poyanam wankatqeb' aran. Teejuk' chixjunileb' li b'onb'ileb' pek, teeputz'iheb' li xjalam u yiib'anb'ileb' rik'in ha'lesinb'il q'anch'iich' ut teejuk'i chixjunil li x'artaleb'. 53Teereechani li ch'och' ut aran texwanq, xb'aan naq laa'in xink'e chereechani chixjunil li na'ajej a'an. 54Teejek'i li ch'och' chi b'uulinb'il sa' xyanqeb' li junq teep. Li naab'aleb', teeyu' ru li xch'och'eb'; ab'an li ink'a' k'iheb', teek'os ru li xch'och'eb'. B'ar taatz'aq li junq teep, aran wanq li ch'och' taareechani. Teejek'i li ch'och', a' yaal ani li xxe'toonil yuwa'eb'.#33,54 Nm 26,54-56. 55Ab'anan wi' laa'ex ink'a' teeraanilasiheb' li xpoyanamil li tenamit sa' leewulajik, eb' li te'kanaaq sa' eeyanq texrahob'tesiheb' chi junelik sa' li tenamit wanqex wi': chanchanaqeb' li mul sa' leeru ut chanchanaqeb' li k'ix sa' leexuku'y. 56Toja' naq laa'in tinb'aanu eere jo' kink'oxla xb'aanunkil reheb' a'an”, chan li Qaawa'.
Currently Selected:
Nm 33: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.