1 Yokana 3
3
1 #
Yok 1:12,13; 16:3; 1 Yok 5:20. Koanyut amin naetia nen nakiinakinit Papa oni, tetere kinyaritai idwe luka Edeke, kirai da. Kanuka ŋun ŋes mam akwapin kijeniata oni, naarai mam apotu kojenut ŋes. 2#1 Yok 2:28; Rom 8:17; 2 Kor 3:18; Pil 3:21; Kol 3:4; Any 34:29. Luminan, kirai kwana idwe luka Edeke, mam ber etakani kwape kiraunor, konye kijeni ebe naetakanunia ŋesi kiputori oni ŋes, naarai kianyuni ŋes kwape ejaar. 3Ŋin kere yenejai amun ŋin, italauna kwape eraar ŋol lokalaunan, 4#Mat 7:23. ŋin kere yeniswamai adiakar, iswamai da epali, adiakar ŋes epali.
5 #
Yok 1:29; Isa 53:4; 1 Pet 2:24. Ijenete da ebe abu ŋesi kotakan tetere elemari adiakanareta, emamei da adiakar kotomakeŋ, 6#Rom 6:14. ŋin kere yenesalit tomakeŋ mam ediakari; ŋin kere yenediakari, mam abu koany ŋes karaida ajenun 7#1 Yok 2:29. Idwe ludidik, kinyek ituŋanan aitapaar yes. Yeniswamai nukadolit erai yenedolit, kwape eraar ŋol loedolit. 8#Yok 8:44. Yeniswamai adiakar erai yenika Satan, naarai ediakit Satan ameun kageunet. Kanuka ŋun ŋes etakanunia Okoku loka Edeke, tetere emudiari aswamisio nuka Satan. 9#1 Yok 5:18. Ŋin kere yeneurio kama ejai Edeke mam iswamai adiakar, naarai esalit ekinyomitike tomakeŋ; ido mam epedori adiakar naarai keurio kama ejai Edeke. 10Kana ŋes etakanuniata idwe luka Edeke ka idwe luka Satan; ŋin kere yenimam iswamai nukadolit mam erai yenika Edeke, karaida yenimam emin onaceke,
11 #
Yok 13:34; 15:12. Naarai na ŋes aitejenunet naipotu kopuput ameun kageunet, ebe, kaminanaros. 12#Age 4:8. Mere kwape Kain, lokerai loka lokaronon, koar da onaceke: Ido kanukinyo kearia ŋes? Naarai keroko akeswamisio, kwabo kedolito nuka onaceke.
13 #
Mat 5:11; Yok 15:18,19. Sirikiwumokis, iinacan, arai kilaete akwapin. 14#Yok 5:24; 1 Yok 2:11. Kijeni oni ebe kipou kanyoutu katwanare alomar aijar, naarai kimina iinacan. Yenimam emin esalit toma atwanare. 15#Mat 5:21,22; Yok 8:44. Ŋin kere yenelai onaceke, erai ikaaran, ijenete da ebe emamei ikaaran kere yenesalit aijar naka ikar kere tomakeŋ. 16#Yok 13:1; 15:13; Gal 2:20. Kana ŋes kijenunia amin, naarai abu ŋol kopal akeijar kanuwok; oni da kiburao aipal aijarawok kanuka iinacan. 17#1 Yok 4:20; Ikis 15:7. Arai ejai yenejaas kiboro luka akwapin, kitei da onaceke iyarorotoi, egolokini da etauke kamakeŋ, ikwaikini ai esalakini amin naka Edeke tomakeŋ? 18#Yak 1:22; 2:15,16. Idwe ludidik, kenyeis aminanara kakirot, karaida kaŋajep, dimarai kaswam ka abeit.
19Kana ŋes kijenunia ebe kirai luka abeit, kesicerededata da iwokotauon kakonyeneke, 20kama kitoroniata kere iwokotauon; naarai epol Edeke adepar iwokotauon, ejeni da kere. 21#Rom 5:1; Bur 4:16. Luminan, arai mam itauonowok kitoronete, kija katitiŋ neejai Edeke; 22#Mk 11:24. ŋin yenikilipi da kidumuni kamakeŋ, naarai kiricit aicorakinetake, kiswamai da nuisiyalamikinete kakonyeneke. 23#Yok 6:29; 13:34; 15:12,17. Na ŋes aicorakineteke, oni aiyuun ekiror loka Okokuke Yesu Kristo, kaminanaros da kwape kiinakinitor oni aicorakinet. 24#1 Yok 4:13; Rom 8:9. Ŋin yenericit aicorakinetake esalit tomakeŋ, ŋes da tomakeŋ. Kana ŋes kijenunia ebe esalit tomawok, kanuka Emoyo lokiinakinit oni.
Currently Selected:
1 Yokana 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.