1 Yokana 4
4
1 #
1 Ses 5:21; Mat 7:15. Luminan, sirikiyuut ŋolimoyo, konye kitemoto imoyon arai eraas luka Edeke; naarai alomasi inabin luipu lukeŋalak toma akwapin. 2#1 Kor 12:3. Kana ŋes ijenuniata Emoyo loka Edeke; ŋolimoyo loelimori ebe abu Yesu Kristo toma akuan, erai loka Edeke. 3#1 Yok 2:18; Yok 8:17. Ŋolimoyo da lomam elimori Yesu, mam erai loka Edeke, ŋol erai lokasurup loka Kristo, loipuput ebe ebunit, kwana da ejai toma akwapin, 4#Mat 12:29. Idwe ludidik, iraas yesi luka Edeke, ipikosi kes, naarai epol ŋol loejai tomakus adepar ŋol loejai toma akwapin. 5#Yok 15:19. Eraas kesi luka akwapin, kanuka ŋun inerasi nuka akwapin, iirarete da akwapin kes, 6#Yok 8:47. Kirai oni luka Edeke. Yenejeni Edeke kiirari oni, yenimam erai yenika Edeke mam kiirari oni. Kana ŋes kijenunia emoyo loka abeit ka emoyo loka apaar, 7#1 Yok 2:29. Luminan, kaminanaros, naarai amin erai naka Edeke, ŋin da kere yenemina eurio kama ejai Edeke, ejeni da Edeke. 8Yenimam emin mam ejeni Edeke, naarai erai Edeke amin. 9#Yok 3:16. Kana ŋes etakanunia amin naka Edeke mamawok, naarai abu Edeke kijuk Okokuke loteluna toma akwapin tetere kijari kanukeŋ. 10#1 Yok 2:2. Kana ŋes ejaar amin, mere ebe kimina oni Edeke, konye abu ŋesi komina oni, kijuk da Okokuke araun alucet naka adiakanaretawok. 11#Mat 18:33. Luminan, arai kimina Edeke oni kwaŋin, kiburao oni da aminanara. 12#Yok 1:18. Emamei cut ituŋanan yeneanyunit Edeke apaarasia kere; arai kiminanara, esalit Edeke tomawok, akemin da apoloor kotomawok.
13 #
1 Yok 3:24; Rom 5:5. Kana ŋes kijenunia ebe kisalit tomakeŋ, ka ŋes da tomawok, naarai abu koinak oni nuka Emoyoke. 14#Yok 3:17. Kianyunit, kitejenuni da ebe abu Papa kijuk Okokuke araun Eketajaran loka akwapin. 15#1 Yok 5:5. Arai elimori ituŋanan ebe Yesu ŋes Okoku loka Edeke, esali Edeke tomakeŋ, ŋes da toma Edeke, 16Kijeni, kipou keyuut da, amin naejai Edeke mamawok. Edeke ŋes amin; ŋin da yenesalit toma amin, esalit toma Edeke, Edeke da esalit tomakeŋ, 17#1 Yok 2:28. Kana ŋes apolooror amin nepepe kaoni, tetere kija katitiŋ kapaaran naka aitub akiro; naarai kwape eraar ŋesi, kirai oni da kwaŋin toma akwapin nu. 18Emamei akurian kotoma amin, naarai amin naapoloor ireŋeari akurian. Naarai ejai akurian aiticanio, yenekuriana da mam epolooro kotoma amin. 19Kimina oni, naarai ŋes kigei amin oni. 20Arai inera ituŋanan ebe, “Amin Edeke,” kolaite da onaceke, erai ikeŋalan. Naarai yenimam emina onaceke loeanyunit, mam epedori amin Edeke lomam eanyunit. 21#Mk 12:29-31. Ejai da oni aicorakinet na kamakeŋ, ebe yenemina Edeke, komina da onaceke.
Currently Selected:
1 Yokana 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.