1 Yokana 2
2
1 #
Rom 8:34; Bur 7:25; Yok 14:16. Ikadwe ludidik, kewadikakini yes nu kinyeis adiakar. Arai kediaka ituŋanan ejai oni Ekapuron neejai Papa, Yesu Kristo ekadoliton. 2#Kol 1:20; Yok 11:51. Erai ŋesi alucet naka adiakanaretawok, kwabo mere kanuwok bonik, konye kanuka akwapin kere da. 3Kana da ŋes kijenunia ebe kijeni ŋes, arai kiricit aicorakinetake. 4#1 Yok 1:8. Yeninera ebe, “Ajeni ŋes,” komam ericit aicorakinetake erai ikeŋalan, emamei da abeit kotomakeŋ. 5#Yok 14:21,23; 1 Yok 5:3. Konye ŋin yenericit akekirot abeit apoloo amin naka Edeke kotomakeŋ. Kana ŋes kijenunia ebe kija tomakeŋ. 6#Yok 13:15. Ŋin yeninera ebe esalenenei tomakeŋ, iburao ŋin alosenen kwape alosenenoo ŋesi.
7 #
Yok 13:34; Mat 5:17. Luminan, mam kewadikakini yes aicorakinet nakitetet, dimarai aicorakinet namojoŋ naidumut ameun kageunet; aicorakinet namojoŋ ŋes akirot naipotu kopuput. 8#Rom 13:12; Yok 13:34; 15:10,12. Kewadikakini yes bobo aicorakinet nakitetet, naerai nakabeit tomakeŋ, tomakus da, naarai edaun amuton, ecai da kwana aica nakabeit. 9#1 Yok 4:20. Yeninera ebe ejai toma aica, kolaite da onaceke, ejai toma amuton kiton kwana. 10#Rom 14:13,15; Yok 11:9. Yenemina onaceke esalit toma aica, emamei da aiguikinet kotomakeŋ, 11#Yok 11:10; 12:35. Konye yenelai onaceke ejai toma amuton, elosenenei da kotoma amuton, komam ejeŋi neelosi, naarai etumudak amuton akekonye,
12 #
1 Kor 6:11. Kewadikakini yes, idwe ludidik, naarai esionii yes adiakanaretakus, kanuka ekekiror. 13#1 Yok 1:1. Kewadikakini yes, lukapapa, naarai ijenete ŋol loejai ameun kageunet. Kewadikakini yes, ikatumunak, naarai ipikos lokaronon. Kewadikakini yes, idwe, naarai ijenete Papa. 14#Pes 6:10. Kewadikakini yes, lukapapa, naarai ijenete ŋol Ioejai ameun kageunet. Kewadikakini yes, ikatumunak, naarai igogoŋ, esalit da akirot naka Edeke tomakus, ipikos da lokaronon.
15 #
Yak 4:4. Siriminas akwapin, karaida iboro luejaas toma akwapin. Arai emina ituŋanan akwapin, emamei amin naka Papa kotomakeŋ, 16#Awa 27:20; Yak 4:16; Tit 2:12. Naarai ibore kere yenejai toma akwapin, aiŋobel naka akuan, aiŋobel naka akonye, ka eitur da loka aijar kana, mam elomunete kaneejai Papa, dimarai elomunete kakwapin. 17#Mat 7:21; 1 Pet 4:2. Edaunos da akwapin, ka aiŋobelekec; konye yeniswamai nuekot Edeke esalenenei kiton ikar kere,
18 #
Mat 24:5,24; 1 Pet 4:7; 1 Kor 10:11. Idwe, adolu esawa lokawasia, ido kwape ipotu kopupunioto ebe ebuni lokasurup loka Kristo, adolut kwana lukasurup luipu luka Kristo; ŋes kijenunia ebe adolu esawa lokawasia. 19#Asw 20:30; 1 Kor 11:19. Apotu konyout kamawok, konye mam keraas luwok; naarai arai keraas luwok, tikesalata kaoni, konye konyout tetere itakanunio ebe mam keraas kere luwok. 20#1 Kor 2:15. Konye yes abu Lokalaunan kinyonyoik akinyet, ido ijenete kere. 21Mam kewadikakini yes naarai mam ijenete abeit, konye naarai ijenete ŋin, ido naarai emamei aiŋal kere naelomuni kotoma abeit. 22Iŋai bo erai ikeŋalan dimarai yeneŋeri ebe Yesu mere Kristo? Lo ŋes lokasurup loka Kristo, loeneri Papa ka Okoku da. 23#1 Yok 4:15; Yok 5:23; 15:23. Ŋin kere yeneŋeri Okoku, emamei ŋin Papa. Ŋin yenelimori Okoku ejai ŋes Papa da. 24Kosal tomakus naipuput ameun kageunet. Arai kesal tomakus naipuput ameun kageunet, isalete da toma Okoku ido toma Papa, 25Na ŋes aisumunet naisumunit ŋesi oni, aijar naka ikar kere.
26Kewadikakini yes nu nuka ŋul lukitapaarete. 27#Yok 14:26; 16:13; Yer 31:34. Yes da, esalit tomakus ainyonyoikinio akinyet naidumut kamakeŋ, komam ipudasi ituŋanan aisisianakin yes; konye kwape kisisianakinia yes ainyonyoikinike akinyet akiro kere, erai da nakabeit, kwabo mam erai aiŋal, ido kwape kisisianakinitor yes, kosalata tomakeŋ, 28#1 Yok 3:2; 4:17. Kwana da, idwe ludidik, kosalata tomakeŋ, tetere naetakanunia ŋesi kajaas katitiŋ, kinyeis ileic airum oni kakonyeneke naebunio ŋesi. 29#1 Yok 3:7,10. Arai ijenete ebe edolit ŋesi, kojenut ebe ŋin kere yeniswamai nukadolit ŋes eurit,
Currently Selected:
1 Yokana 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.