Danyeli 9
9
Danyeli lwoori Wɛ Isarele tiina ŋwaane
1Pɛ Zeregese bu Darusi déem ye Media tu mo ye o laam di Babilon teo kom maama paare.#Ɛseta 1:1 2O paare dim boboa bene dem wone, amo Danyeli maa wora a zamese twanno telo Wɛ tontoŋena na popone ba tiŋi to. A na zamese to, mo a nɛ Baŋa Wɛ na tage kolo de o sampwora Jeremia se ko vo Jerusalem teo kom chɔgem seeni to. A déem maane we Jerusalem teo kom wó taa tigi di-dwonnu yerane bena fuserepɛ laŋa ne.#Jeremia 25:11-12; 29:10 3Amo ma vo a ware a Teiru Baŋa Wɛ ye a ŋwane o yiga ne. A ta ma vɔ ni, a daare a zo gare-nyenyaaro ye a jei tentwarem wone wo-chechɔgɔ ŋwaane. 4A déem lwoori amo Tu Baŋa Wɛ Isarele tiina bam wɛleera ŋwaane ye a we:#Ezera 9:5-7
“Dé Teiru Wɛ, nmo ye kamunu mo, ye dé tiini dé kɔre‑m. N zege de chega mo n swono kom baŋa ne n swoi balo na swoi‑m ye ba tɔge n nia yam to, ne n na gwoni ni se n ke n pa-ba tei to. 5Se ko ná ye debam, dé yɔɔre dé ke wɛleera mo, ye dé tiini dé tusi. Dé toŋe lwarem ye dé lɔ nmo kwaga ne, ye dé daare dé ve n bera yam de n nia yam.#Nehemia 1:6-7 6Dé nam wo sɛ nmo sampwori selo na ye n ni-jwoŋina to. Ba déem mɛ n yere mo ba ŋɔɔne dedaane debam pwa bam, de dé nakwa bam, de dé nabaara bam, de dé nɔɔna bam maama. Debam ma ve se dé cheigi.
7Dé Teiru Wɛ, nmo wo n chega wone mo. Debam nam ta jege dé chaveera dé di mo de zem maama. Debam Isarele tiina bam maama mo nwoŋi n kwaga ne. Ko ná ye balo na zoore Jerusalem teo wone, de Judah kateiri dem maama ne to, de balo na jage ba wo dwi-gɛ tiina teene dem wone na ye bwola bwola to, dedaane delo na ye yiga yiga to de, dé maama tusi nmo yiga ne. 8Dé Tu Baŋa Wɛ, debam pwa bam, de dé nakwa bam, de dé nabaara bam mo jege dé chaveera dé di, dé na ke wɛleera dé chɔge n yiga to ŋwaane. 9Dé Teiru Baŋa Wɛ, nmo nam ye ŋwaŋa tu mo, ye n kwei nɔɔna wɛleera n ma n chɛ-ba. Debam nam lɔge nmo kwaga ne. 10Debam wo sɛ dé Tu Baŋa Wɛ ni ye dé ywori o chwei sem wone. Dé ve se dé tɔge nia yalo o na tɔge o sampwori sem baŋa ne o ta de debam to mo. 11Isarele tiina bam maama mo ke zwabania, pa se ba tusi nmo yiga ne ye ba ve nmo nia yam.
Ko ná ye chɔgem delo nmo Wɛ na tɔge n tontoŋeno Moses baŋa ne n du duuri we de wó yi debam to, ko laam yɔɔre ko ba debam baŋa ne mo, dé na ke wɛleera dé chɔge nmo yiga to ŋwaane.#Chullu 26:32-33 12Nmo déem na tage we n wó pa kolo yi debam de dé yiga tiina to mo yi debam tento. Tega baŋa maama ne, teo kodwoŋi tera ko na nɛ Jerusalem teo lɛɛro tem dwi. 13Lɛɛro tento maama mo tu dé baŋa, ne ko na popone ko tiŋi Moses nia yam wone tei to. De ko de, dé ta wo jaane boboŋa se dé yage wɛleera keim, se dé daare dé lwoori dé Tu Baŋa Wɛ se o ke debam zaane. Dé maa ta wo sɛ se nmo chega kam pa debam yi-poro. 14Mo kokuri nmo Baŋa Wɛ laam ti n yiga se n pa chɔgem dento yi debam. N yɔɔre n wo n chega wone mo de n na yeini n ke kolo maama to. Ko seene ko maŋe se dé na waarem mo de wɛleera yam ŋwaane. 15Dé Teiru Wɛ, nmo tete mo kwei n dam-fɔrɔ kom n vere n nɔɔna bam n ja n nwoŋi Ejipti teo ne. Ko ma pa se n na yere dedɛ se ko ba ko yi zem. Chega to, debam mo ke wɛleera, ye dé yɔɔre dé toŋe lwarem.
16Dé Teiru Wɛ, n yeini n zege n chega wone de n na ke kolo maama to. Konto ŋwaane dé lwoori‑m se n zuri n ban-lom n na jege de n teo Jerusalem na ye n tete peo kolo na ye wose to. Debam tete de dé nabaara bam wɛleera ŋwaane, dwi-gɛ tiina balo na gilimi debam to laam tiini ba gwooni Jerusalem mo, ye ba ta jege n nɔɔna bam ba lwɛa. 17Debam Tu Wɛ, nam cheigi n tontoŋeno wɛ-lworo konto a na jege a ke to. Sɛ a na ŋwane n yiga ne tei to. Dé Teiru, nmo tete yere ŋwaane, pa n yiga jwoori ka taa wo n wara-jei sem ne, se na jigi di-dwonnu to ŋwaane. 18Amo Tu Wɛ, pore n zwa se n cheigi, n daare n puri n yia n nii cham delo na yi debam to. Ko ná ye teo kolo ba na jege n yere ba bwoi-ko to, fɔge n nii ko na nɛ lɛɛro tei to! Ko nam dae debam totoŋ-ŋona ŋwaane mo dé ŋwane n yiga ne, se ko ye n na tiini n jege nɔɔna ŋwaŋa to ŋwaane mo. 19Dé Teiru Wɛ, cheigi debam wɛ-lworo kom, se n kwei dé wɛleera yam n chɛ debam. Dé Teiru Wɛ, cheigi dé wɛ-lworo kom se n toŋe! N tete zula ŋwaane, yé dáane se n ba n woli debam ba na jege n yere ba bwoi teo konto de ko nɔɔna bam to ŋwaane.”
Wɛ maleka Gabireli ŋɔɔne de Danyeli
20Amo maa yɔɔre a tɛ amo tete de a nɔɔna Isarele tiina bam wɛleera a bere Wɛ, ye a ta lwoori‑o ya ŋwaane. A ta maa ŋwana a Tu Baŋa Wɛ yiga ne, se o jwoori o pa o wara-jei sem na wo o tete peo yuu ne to fɔge se kwɛ. 21A ta na wo wɛ-lworo kom wone konto to, mo Gabireli foore de baare o tu o yi amo tei maŋa kalo ba na yeini ba ke dedaan-ni kaanem dem to. A nam ya maŋe a na wonto mo a boboa veera yam wone. 22O ma ta wonnu kuri o bere-ne ye o we,
“Danyeli, a tu se a pa n lɔre kolo na wora to mo, se n ni taane dem kuri chekke. 23Nmo na yɔɔre n bobo se n ŋwane Wɛ yiga ne to, mo o toŋe kwora se o leiri n lworo kom. Amo laam nam tua se a maŋe taane dem kuri a bere‑m mo, nmo na tiini n jege kuri Wɛ tei ne to ŋwaane. Nam cheigi lanyerane se n wane n lɔre veera yam kuri chekke.
24Wɛ boboŋa jaane se o pa nmo nɔɔna Isarele tiina bam, de ba teo kom yaare da yarepɛ yarepɛ kuni fuserepɛ#9:24 da yarepɛ yarepɛ kuni fuserepɛ naa bena fuserepɛ kuni berepɛ mo. Bena yam konto ni ná dia, mo ba zwabania kam wó yage. Ba maa wó yage wɛleera kikia, ye Wɛ yage ba totoŋ-lwanno o chɛ-ba, se nɔɔna taa tɔge chwo-laaro. Wɛ sampwori sem veera yam de maama laam wó ji chega. Ba maa wó jwoori ba pɔɔre Wɛ wara-jei sem ba pa‑o.
25Nam lɔre lanyerane we, ko zege maŋa kalo ba na wó pa ni se nɔɔna jwoori ba fɔge ba lɔ Jerusalem teo to, se ko vo ko yi Wɛ na kuri dam tu wolo to tutuuri dem, da yarepɛ yarepɛ kuni berepɛ mo wó kɛ. Da yarepɛ yarepɛ kuni fuseredo-yalei de wó kɛ ya woli da. Maŋa kam konto ne, ba wó fɔge ba kwɛ Jerusalem chwei sem, ye ba daare ba ko gwoŋo ba kaare teo kom maama. Ko nam lage ko taa ye chanɛɛre maŋa mo. 26Da yarepɛ kuni fuseredo-yalei maŋa kam ná kɛ, ba wó vane Wɛ na kuri wolo to o bora mo, ye ba go‑o ba daare‑o bwori. Pa-dedɛɛro wodwoŋi maa wó ba de o kɔgɔ, pa se ba chɔge teo kom dedaane wara-jei sem maama. Te lage te chɔge te ti lela ne na na chwooli wonnu pa te chɔge tei to mo. Jara de lɛɛro wó taa wora se ko yi kweelim maŋa, ne Wɛ boboŋa na jaane se ko ke tei to. 27Pa-dedɛɛro wom konto wó kwei da yarepɛ#9:27 da yarepɛ naa bena yarepɛ mo se o de nɔɔna dedɛ fɔge ba ke ni-sɛɛm daane. Ko nam ná maŋe de da yarepɛ yam chichworo, o wó che se ba yé ke kaanem de wodiu pɛɛra ba pa Wɛ. Ba laam maa wó kwei wo-zɔɔne delo na chɔge Wɛ yere to ba zo Wɛ wara-jei sem wone ba zege da jaja.#Matiyu 24:15 Ko de maa wó taa wora taa, se ko yi maŋa kalo na maŋe se ba chɔge chɔgeno wom tete to, ne Wɛ boboŋa na jaane se ko ke tei to.”
Currently Selected:
Danyeli 9: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)