MALAKI 4
4
Deelór AAKOÓ MUNGÚ naa tseewuúr
1AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo. 2Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'. 3Kuungá' mukdá' tlákw kuri adaratá', asma inooín tay adór da/ara baraá tsa/aá ya'aahunge, baalaadá' án gadiyér'eé' bar tleéhh.
4«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.
5«Ga/aawaak, baalaadá' ur ar dae tlaaq ar AAKOÓ MUNGÚ nira hardatká, aníng aarusmo Eliya ngu ya/aáw geerií alé. 6Nee inós xwayliité nee na/ii'ín gin dinkwaárií ki/is. Bar adooriheeká, án geera naa qaroó hardáh as kuungá' nuwa qwaarees, nee yaamuuhunge.»
Currently Selected:
MALAKI 4: IRQW
Highlight
Share
Copy
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.