Zekariya 3
3
Enelo ka Jashua, Olombedi a Ladiku
1Ndi akamenya Jashua, olombedi a ladiku,#3:1 Ez. 5:2. lakemadi la ntundu ka ondjelo wa Latuyalaka, la Satana emadi lu lunya landi la pami dia mbulunda.#3:1 Eny. 12:10. 2Latuyalaka akatela Satana ati: Satana, Latuyalaka akuhangweli!#3:2 Jud. 9. Latuyalaka, lakasonola Jerusalema, akuhangweli: Undi, untu one aha efuki kakatumbi uma lu dja kendi? 3Laso ku Jashua emadi la ntundu ka ondjelo, olotshi ahondo wa mindu. 4Ondjelo akahula diui, akatela wane wakemadi la ntundu kandi ati: Nyukululi ahondo aku wa mindu. Ku ndi akatela Jashua ati: Ulungi, dimi lambukunyia kolo kaye. Dimi layukolotsha eloto wʼushinga a wulu. 5Dimi lakati nti: Wulimbe; lufula la pudipudi lʼolombedi lʼote andi Osoku vo wakulimbe lufula la pudipudi lʼolombedi lʼote andi, wakolotsha ahondo. Ondjelo wa Latuyalaka akemadi leko.
6Ondjelo wa Latuyalaka akakokomiya Jashua ati: 7Latuyalaka Kanga lulimbilimbi kata ati: Naka we ayokendakendaka lu mbuka yami, ndu naka we ayulama okende ami, ku we ayulumbuya wa lu luudu lami, ndu we ayuyala la okende am Dimi layukusha wulu wa we memala lʼatei a wane wemadi leko. 8Kakiane we Jashua, olombedi a ladiku, ulungi we la engenyi aye wudjashi la ntundu kaye, ne dia vo weko djimbitelu yʼololo. Ulungi, dimi layela ukambi ami Lukuno.#3:8 Jer. 23:5; 33:15; Zek. 6:12. 9Nyendi dive diʼushinga a wulu, diakamakitsha la ntundu ka Jashua, ashu esambeli weko lu dive diako diame. Dimi layufunda efundelu kadio, ndu dimi layunya kolo ka kete nye lushi lame, mbata Latuyalaka Kanga lulimbilimbi. 10Lushi lako, nyu nyayetama untu lʼuntu la unyandi la tshina dia okodi wa vinyo, ndu la tshina diʼutamba wa fingu,#3:10 Mik. 4:4. mbata Latuyalaka Kanga lulimbilimbi.
Currently Selected:
Zekariya 3: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991