Zekariya 4
4
Ekitshelu ka Tala la Eweli
1Ondjelo wa Unyashungu wakateketaka la mi akayi ntu, akayumemula uku untu lemulawo uma lu djo. 2Ndi akamumbula ati. Kenaye na? Ku dimi lakûkaluya diui nti: Dimi lakendji, ku lakenyi ekitshelu ka tala tshe paunyi ketu, dikoho la atala ato esambeli ladiku, kame la epundu esambeli weli lu tala la tala dieli ladiku diato. 3Eweli ehendi#4:3 Eny. 11:4. weko lasuki lato: omotshi lu lunya la pami, la ukina lu lunya la lomoso la dikoho. 4Dimi lakambula ondjelo wakateketaka la mi nti: Na kitshimudi ya akambu ane na, khumemi? 5Ku ondjelo wakateketaka la mi akankaluya diui ati: We heyi kitshimudi ya akambu ane? Dimi lakûkaluya diui nti: Kema, khumemi. 6Ku ndi akamvutela ati: Uku eli diui dia Latuyalaka le Zerubabele#4:6 Ez. 5:2. ati Aha uma lu wulu wa ta, kana uma lu khudu, keli uma le Nyuma kami, mbata Latuyalaka Kanga lulimbilimbi. 7Kakona keye, we ukungu a wuki? We ayuyala bamubamu la ntundu ka Zerubabele. Ndi ayukitsha dive dia lʼote wa luudu la waelu wʼongenongeno vati: Ngandji ka mamba, ngandji ka mamba le dio! 8Di li dia Latuyalaka diakayi le mi ntu ati: 9Anya wa Zerubabele mbakahiki etshina ka luudu lone, anya andi mbayulushidiya. Ku nyu nyayeya nyati: Latuyalaka Kanga lulimbilimbi kakantumi le nyu. 10Ne dia untu tshe lakonyola lushi lʼakambu wa tshitshe, ayongenangena, ndu ayena okodi a wedikelu lu lunya la Zerubabele.
Ne dia atala ako esambeli weko ashu wa Latuyalaka, watetetaka lu ahuli tshe wa la kete.#4:10 Eny. 5:6. 11Ku dimi lakawumbula nti: Na kitshimudi ya eweli ehendi#4:11 Eny. 11:4. ene weli: omotshi lu leke la lunya la pami, la ukina lu leke la lunya la lomoso lʼekitshelu ka tala? 12Dimi lakawumbula etena ka hendi nti: Na kitshimudi ya tahi hyena: yʼeweli ku, yeli lasuki la epundu ehendi wa paunyi watokediaka iso ka tilili vame? 13Ndi akamumbula ati: We heyi kitshimudi yawo? Ku dimi lakûkaluya diui nti: Kema, khumemi. 14Ku ndi akamvutela ati: Wane weli akitami wʼiso ehendi, watemalaka lasuki la Latuyalaka kanga kete tshe.
Currently Selected:
Zekariya 4: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991