Zekariya 2
2
Wane Wakatshanyema Wambusanganyema
1Dimi lakedia ashu, lakendi, menyi ku pami kemotshi kene ukimedi okodi wa wedikelu lu lunya landi. 2Dimi lakawumbula nti: Utsha lendi atayatshu? Ku ndi akankaluya diui ati: Dia ntedika Jerusalema, dia ntena uku eli wuki ayo, uku eli utali ayo. 3Menyi ku ondjelo wa Unyashungu ukina ambuya dia ndjuhumana la ndi. 4Ndi akawutela ati: Ulawo, ututeli olongo a pami uku wati: Jerusalema ayuyala la antu uku tungelungelu tana la peli uma lu efula kʼantu la dungalunga dieli loko, 5ne dia Latuyalaka kata ati: Dimi layuyala eheli ka dja lʼutshimba awo tshe, ndu layuyala lutu-mbu lʼatei awo.
6He nyuneli! he nyuneli! Nyulawo uma lu kete ya ngelʼa kushi, ne dia dimi lakayudianganya lu beke nei diʼulungu, mbata Latuyalaka. 7We Siona ludjashi la ona umuntu a Babilona, he uneli! uyashimbeli. 8Lʼokongo wa lutumbu la Latuyalaka Kanga lulimbilimbi, Latuyalaka akantumi le wedja wakanyumbaka diango. Ndi akati ati: One lakanyunanda, akananda onʼa su diandi. 9Nyulungi, dimi layetshetsha lunya lami ladiku diawo. Ku vo wayuyala engo ka dimbu le wane waki lʼokongo awo. Osoku nyayeya nyati: Latuyalaka Kanga lulimbilimbi kakantumi. 10We ona umuntu Siona, imbi esambu, ongenengene. Enda, dimi lambuya, layudjase lʼatei aye, mbata Latuyalaka. 11Wedja efula wayumamema, dimi Latuyalaka, lushi lako. Vo wayuyala wudja ami. Dimi layudjase lʼatei aye, ku we ayeya wati: Latuyalaka Kanga lulimbilimbi kakantumi le ye. 12Latuyalaka ayukita Juda uku etenyi kandi kʼukito lu kete yʼekila, ndu ayosonola Jerusalema ntu.
13Nyu antu tshe, nyolembohali ki la ntundu ka Latuyalaka, ne dia ndi ambunela uma lʼedjaselu kandi kʼekila.
Currently Selected:
Zekariya 2: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991