Zekariya 1
1
Leta la Nkalula le Latuyalaka
1Lu ngondo kʼenanei, lʼeleku ka hendi ka diulelu dia Dariyo, diui dia Latuyalaka diakayi le umvutshi Zekariya,#1:1 Ez. 4:24—5:1; 6:14. onʼa Berekiya, onʼa Ido, ati: 2Latuyalaka akuki washenyu yenyi ya wulu. 3Okone utuwateli wati: Latuyalaka Kanga lulimbilimbi kata ati: Nyukaluli le mi, ku dimi layukalula le nyu. 4Tanyuyalaki uku aki washenyu, wako waki amvutshi wa ntundu lu mbatela vati: Latuyalaka Kanga lulimbilimbi kata ati: Nyukaluli kakiane uma lu mbuka yanyu ya kolo, ndu uma lʼetsha anyu wa kolo. Keli vo kununga kuyanga mbukelami, mbata Latuyalaka. 5Ashenyu, lendʼewo? Amvutshi watutshikalaka la lumu pundju? 6Undi, aui ami la adjangu ami wakamatelaka ekambi ami amvutshi, kunkumaka le washenyu? Vo wakakadimo, wakati ati: Uku akakani Latuyalaka Kanga lulimbilimbi dia ntutshela uku mbuka yasu, la uku etsha asu, wunu ako mbakandatutshela.
Enelo ka Falasa
7Lu lushi lʼakumi ahendi lʼanei la ngondo ka dikumi lʼotoi, ketawo vati: Ngondo ka Shebate, lʼeleku ka hendi ka diulelu dia Dariyo, diui dia Latuyalaka diakayi le umvutshi Zekariya, onʼa Berekiya, onʼa ldo, ati: 8Dimi lakendaka lʼutshu, menyi ku untu one ayahemi lu falasa ka tilili.#1:8 6 Eny. 6:4. Ndi akayemala lʼatei wʼetamba wa wema waki lʼukidi. Lʼokongo andi kakemadi falasa ya tilili, yʼengenge, ndu ya wema.#1:8 Eny. 6:2. 9Ku dimi lakambula nti: Na kitshimudi ya falasa ku na, khumemi? Ku ondjelo wakateketaka la mi, akamvutela ati: Dimi layukulimbitshiya kitshimudi yayo. 10Untu lakemadi lʼatei wʼetamba wa wema akahula diui ati: Yo yeli falasa yakatumi Latuyalaka dia nkindula lu ahuli tshe wa la kete. 11Ku yo yakakaluya ondjelo wa Latuyalaka wakemadi lʼatei wʼetamba wa wema diui yati: Shu takakindula lʼahuli tshe wa la kete. Enda, kete tshe yambudjase ki, ndu yeko la mumuya. 12Ku ondjelo wa Latuyalaka akûkaluya diui ati: Latuyalaka li, we Kanga lulimbilimbi, edja ndu kaandi ayuyutuna mbuka Jerusalema la esumba wa Juda ketshi, wakayuki kele deku ne akumi esambeli? 13Latuyalaka akakaluya ondjelo wa Unyashungu, wakateketaka la mi aui wʼololo, aui wʼesambelu. 14Ku ondjelo wakateketaka la mi, akamvutela ati: Uhangohango, uti wati: latuyalaka Kanga lulimbilimbi kata ati Dimi lambuka Jerusalema kandiema, la Siona kandjema ka wulu. 15Dimi lambuka wedja wena olo yenyi efula, ne dia dimi lakuki Juda yenyi paka yema tshitshe tshu, keli wedja ako wakafudia asui awo. 16Diako mbata Latuyalaka ati: Dimi lambukalula la Jerusalema la ketshi. Luudu lani layuhikama leko. La okodi wayusimbwama ladiku dia Jerusalema. 17Uhangohango ntu, uti wati: Latuyalaka Kanga lulimbilimbi kata ati: Esumba ami wayululanela la diango efula. Latuyalaka ayusamba Siona ntu, ndu ayosonola Jerusalema ntu.
Enelo ka Seki la Etshudi a Mbulu
18Dimi lakedia ashu, lakendi menyi ku seki nyei nye 19Dimi lakambula ondjelo wa Unyashungu wakateketaka la mi nti: Na kitshimudi ya seki ku na? Ku ndi akankaluya diui ati: Yo yeli seki yakahandjula Juda, Isariyele la Jerusalema vwa, 20Latuyalaka akamenya etshudi wa mbulu enei. 21Dimi lakawambula nti: Kakona kayawayi dia ndjutsha? Ku ndi akankaluya diui ati: Uku eli seki yakahandjula Juda vwa, wuhu waki untu kumbeya munyiya ote. Keli etshudi wa mbulu eku wakayi dia ndjuyutsha woma, dia ndjokosha seki ya wedja wakeme seki yawo dia ndosha kete ya Juda la ndjuhandjula vwa.
Currently Selected:
Zekariya 1: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991