MATAYO 17
17
Okhukalulwa khwelikoondo lia Yesu
(Mrk. 9:2-13; Luka 9:28-36)
1Olunyuma lwetsinyanga tsisasaba, Yesu yabukula Petero, Yakobo nende Yohana omusiani wabwe, nabemilila okhutikulukha mushikulu eshiraambi ewa bali bonyene. 2Olwa bali nibahenganga, likondolie liakalukhasibwa; obwenibwe nibwakha shinga eliuba, nebifwalobie nibing'inang'ina muno. 3Ne lola, Musa nende Eliya nibalolekha nibaboolanga nende Yesu. 4Mana Petero naboolela Yesu ari, “Omwami, nobulayi khube hano; nochama lekha enzumbashe hano amatili kataru, elala elilio, elindi elia Musa, nelindi elia Eliya.” .
5 #
Obucha. 22:2; Tsits. 2:7; Isa. 42:1; Mat. 3:17; 12:18; Mrk. 1:11; Luka 3:22
Okhuk. 18:15
#
2 Pet. 1:17,18 Olwa yali nashiboolanga, lileesi ling'inang'inu liabafunikha, omwoyo nikurula mwileesi nikuboola kuri, “Uno niye Omwana wanje omuheelwa, owa enjamisibungwa ninaye; mumuhulilenje!” 6Olwa abeechi bahulila omwoyo okwo batiilwa noburi muno, ne nibakwa hasi mafumama. 7Nebutswa Yesu yetsa nabatiilakhwo naboola ari, “Buushe, mularie ta.” 8Olwa bachinguula tsimoni tsiabwe, shibaalola omundu undi ta, habula Yesu yenyene.
9Ne olwa bali nibakholomokhanga okhurula khushikulu, Yesu yabakania obutinyu naboola ari, “Shimulaboolelakhwo omundu yesi yesi lilolelo eliamuluutsi elo ta, okhuula olwa Omwana womundu alaba nalamuushe okhurula mubafu.”
10 #
Mal. 4:5
Mana abeechi abo nibareeba Yesu bari, “Mbushiina abeechesia bamalako nibaboola mbu, Eliya akhoyile okhuranjilila okhwitsa?” 11#Sira 48:10Yesu nabakalusia ari, “Eliya toto alaranjilila okhwitsa, ne alarechekha ebindu biosi. 12#Mat. 11:14Nebutswa emuboolela mbu, Eliya yamala okhwitsa khale, ne abandu shibamumanya ta, bamukholela koosi shinga olwa benya. Kho khandi Omwana womundu alasandibwa mumakhono kabwe. 13Kho abeechi nibamanyilisia mbu ababoolelanga aka Yohana Omubatiisi.”
Yesu ahonia omusiani owali neshishieno
(Mrk. 9:14-29; Luka 9:37-43a)
14Olwa bachelela ewomukanda kwali, omusaatsa undi niyetsa khu Yesu namusikamila naboola ari, 15“Omwami, beelakhwo omwana wanje tsimbabasi, okhuba noweindulume, ne anyakhananga muno; okhuba akwitsanga mumulilo noho mumaatsi akhandi akhanji. 16Emureerire khubeechibo, ne nibalanyala okhumuhonia ta.”
17Yesu nakalusia naboola ari, “Inywe olwibulo olulasuubilanga khandi olumayanu, ndalabetsanga ninenywe okhuula liina? Ndalamwisumilisia okhuula liina? Ndeerere omwana tsana oyo.” 18Yesu nakondoshela eshishieno eshio, mana nishimurulamwo, ne khushise shieneshio omwana oyo nahona.
19Mana abeechi nibetsa khuye mumasilisi nibamureeba bari, “Mbushiina nikhulanyalilwe okhuyinia eshishieno eshio?” 20#Mat. 21:21; Mrk. 11:23; 1 Abakor. 13:2Naye nabakalusia ari, “Khulwa obuleemu bwobusuubili bwenywe. Emuboolela toto mbu, nimwakhaba nobusuubili kata obuhela shinga olufwa lwomutarakwe, munyala okhuboolela, eshikulu shino mbu, ‘Rula hano, otsie halia,’ nashio shilatsia, ne eshindu shiosi shiosi shishilamukhayakhwo inywe tawe.”#17:20 Amahandiko kandi kakhale kameetangakhwo olunyaali lwa 21 mbu, “Ne eshishieno shieyimbia yino shishirulanga halali khulwa amasaayo nende okhwiyima ebiokhulia khulwa okhusaaya ta.”
Yesu aboola khandi khukokhufwakhwe
(Mrk. 9:30-32; Luka 9:43b-45)
22Olwa Abeechi bali nibekhung'asiye halala Galilaya; Yesu yababoolela ari, “Omwana womundu alahaanwa khubandu, 23abalamwiira, ne khunyanga yakhataru alalamusibwa.”
Abeechi abo nibabeelela muno.
Obushuru obwarungungwa muhekalu
24 #
Okhur. 30:13; 38:26 Olwa Yesu nabeechibe boola Kaperinaumu, abasololi abobushuru obwarungungwa muhekalu betsa khu Petero nibamureeba bari, “Omwechesia wenywe arunganga obushuru obwa Ihekalu?” 25Petero nakalusia ari, “Arunganga.” Ne olwa Petero yenjila munzu, Yesu yaranjilila okhumureeba ari, “Simoni, olola orie? Abaruchi bokhushialo khuno basololanga obushuru okhurula khu wina? Okhurula khubandu abebule belihanga liabwe noho okhurula khubarende?” 26Ne olwa Petero yakalusia mbu, “Khubarende,” Yesu yamuboolela ari, “Khulweshio, abebule belihanga elo shibakhoyile okhurunga obushuru tawe. 27Nebutswa shikhwenya okhusinyisia abandu bano tawe. Kho tsia munyanza ofubemwo olulobo. Ne inyeeni yoranjilila okhuloba, ohenje mumunwa kwayo, ne olanyoolamwo yirupia eyihela obushuru oburungungwa muhekalu, obwanje nende obubwo. Obukule yirupia eyo, mana orunje obushuru bwanje nende obubwo.”
Currently Selected:
MATAYO 17: OLUPR
Highlight
Share
Copy
Want to have your highlights saved across all your devices? Sign up or sign in