MATAYO 18
18
Ouli omukhongo mubwami bwa Nyasaye niwiina?
(Mrk. 9:33-37; Luka 9:46-48)
1 #
Luka 22:24
Mubise ebio abeechi betsa khu Yesu nibamureeba bari, “Niwiina omukhongo muno mubwami bwa Nyasaye?” 2Mana nalanga omwana omutiiti namura hakari wabwe, 3#Mrk. 10:15; Luka 18:17nababoolela ari, “Emuboolela toto mbu, nimuba nimulekalukhasia mwaba shinga abaana ta, shimulinjilakhwo mubwami bwa Nyasaye kata nahatuutu tawe. 4Omundu yesi owitutuyia shinga omwana omutiiti uno, omwenoyo nomukhongo muno mubwami bwa Nyasaye.
5“Ne omundu yesi owinjisia omwana mulala shinga uno muliira lianje yanzinjisia isie.
Amateemo akokhukhwinjisia mubwonooni
(Mrk. 9:42-48; Luka 17:1-2)
6“Ne omundu yesi naba nachila mulala khubaana abatiiti bano, yalekha okhuba nobusuubili mwisie, bwakhabeele obulayi omundu oyo yabohwa okuchina okukali mwikosilie mana yasukunwa mulusiba lwomunyanza. 7Abandu bomushialo bali mushilaamo shiobubi khulwa amateemo akachila nibenjila mubwonooni. Okhuba amateemo toto kakhoyile okhubaho, nebutswa ali mushilaamo shiobubi omundu ouchila amateemo ako nibabaho.
8 #
Mat. 5:30
“Ne omukhonokwo noho eshilenjeshio nishiba nishiakhachila wenjila mubwonooni, oshikhalache mana oshisukune! Okhuba nobulayi khwiwe okhwinjila mubulamu bweinziayo, nobula omukhono noho eshilenje, okhushila okhuba namakhono nende ebilenje, ne osukunwe mumulilo okulasimanga tawe. 9#Mat. 5:29Kata imoniyo niyiba niyakhachila wenjila mubwonooni, ochitsomole mana ochisukune! Okhuba nobulayi okhwinjila mubulamu bweinziayo noli neyimoni ndala, okhushila okhuba ninatsio tsiosi mana osukunwe mumulilo okulasimanga tawe.
Oluchelo lwelikondi eliakora
(Luka 15:3-7)
10 #
Tob. 12:15
#
Luka 19:10
“Mube meeso, muleshe okhuchaayakhwo kata mulala khubatiiti bano tawe. Okhuba emuboolela toto mbu, abamalaika babwe bomwikulu shibachweyanga okhuba nende Papa wanje womwikulu tawe.#18:10 Amahandiko kandi kakhale kameetangakhwo olunyaali lwa 11 mbu, Okhuba Omwana womundu yetsa okhuhonia abamala okhukora.
12“Mulola murie? Omundu niyakhaba namakondi eshikhumi (100), ne elala khuko nilikora, shiyakhalekha amakhumi shienda nende ashienda mubikulu ako, ne natsia okhukhaaba elala likorire elo noho? 13Ne niyakhanyoola likondi elo, emuboolela toto mbu, alaliikhoyela muno okhushila amakhumi shienda nashienda akalaakora ta ako. 14Khulweshio, papa wenywe ouli mwikulu shiyekombangakhwo mbu, kata mulala khubatiiti bano akore tawe.
Shinga okhoyile okhumutsiila owashio nakhwonooneele
15 #
Luka 17:3
“Owashio naba nakhwonoonela, tsia omuboolele obubibwe nimuli ninaye mwenyene. Naba nafuchilila, mulaba mukalushe halala. 16#Okhuk. 19:15Ne nalafuchilila ta, bukula omundu mulala noho babili mutsie ninabo, kho mbu babe abaloli khubuli likhuwa liamuboola. 17Ne naba nalafuchilila khandi ta, oboolele abasanji beikanisa, ne naba naloba okhufuchilila kata akabasanji, omuleshe abe shinga oweshibala noho omusololi owobushuru.
Obunyali bwokhuboha nende okhuboholola
18 #
Mat. 16:19; Yoh. 20:23 “Kho emuboolela mwesi mbu, ebindu biosi ebia muboha mushialo, bilabohwa mwikulu, nebindu biosi ebia muboholola mushialo bilaba nibibohololwe mwikulu.
19“Khandi emuboolela mbu, babili khwinywe nibaba nibafuchilisania mushialo khwikhuwa liosi liosi eliabasaba, Papa womwikulu alabakholela shinga olwa benya. 20Okhuba aha babili noho bataru bakhung'anila muliira lianje, embetsangaho ninabo.”
Oluchelo lwomukhalabani owabula obulesheli
21 #
Luka 17:3,4 Mana Petero niyetsa nareeba Yesu ari, “Omwami, omwana wefwe natsiililila okhunzonoonela, ndakhamuleshela okhuula khanga? Okhuula musafu noho?” 22#Obucha. 4:24Yesu namukalusia ari, “Shiekhuboolela mbu, okhuula musafu ta, habula mbu, okhuula amakhumi musafu akhandi musafu.
23“Khulweshio, Obwami bwa Nyasaye buchelasibwa nende omuruchi undi owekoomba okhumanyilisia okhurula khubakhalabanibe obunji bwemianduchie. 24Ne olwa yachaaka okhubala, yareererwa oundi khubo, owali niyehola amapesa akahela ebikhumila ekhumi. 25Ne omukhalabani oyo shiyali nende ebindu ebihela okhurunga likofi elo ta. Kho omuruchi oyo nalaka mbu omukhalabani oyo akusibwe, ye omwene halala nende omukhasiwe, nabaanabe, nemianduchie chiosi, khulwa okhurunga likofi elo. 26Omukhalabani oyo nakwa mumakuluke, nasikama namusaaya ari, ‘Omwami, wisimilisie ndalakhurunga koosi.’ 27Omuruchi oyo, namulolela tsimbabasi, namuleshela likofi elo mana namulekhuula.
28“Mana omusumba oyo narula natsia nanyoola oundi owokhubasumba bashie owali nelikofilie eliamapesa matiiti. Namukwakhwo mwikosi naboola ari, ‘Runga likofi lianje!’ 29Kho omukhalabani washie nakwa hasi, namusaaya, ari, ‘Wisimilisilie, ne ndalakhurunga!’ 30Naye nakhaya, namuyila mumbohe okhuula olwa yarunga likofi elo liosi. 31Ne olwa abasumba bashie balola akali nikekholeshe, babeelela muno, nibatsia nibaboolela omuruchi wabwe koosi akali nikekholeshe. 32Kho omuruchi oyo nalanga omukhalabaniwe oyo namuboolela ari, ‘Iwe omukhalabani omumayanu! Ekhulesheele likofi elo liosi shichila usaayile mbu ekhuleshele. 33Okhoyile okhuba nobeelele omukhalabani washio tsimbabasi; shinga olwa ekhubeelele!’ 34Omuruchi oyo nasinyikha, ne nara omukhalabani oyo mumbohe mbu asandibwe okhuula olwa arunga likofi elo liosi.”
35Yesu namalilisia okhuboola ari, “Nolwa Papa wanje ouli mwikulu alimukholela omundu yesi yesi khwinywe oulabeela owashie obwonooni nomwoyokwe kwosi tawe.”
Currently Selected:
MATAYO 18: OLUPR
Highlight
Share
Copy
Want to have your highlights saved across all your devices? Sign up or sign in