MALAKHI 1
1
1 Topa in, Malakhi lakah Israel miphunte hilh tukin thupia hi.
Topa In Israel It
2 Topa in, a mihing tei lakah “Nohte cu it leleng ing,” ti hi.
Mahnaven amuh ten, “Na itnak cu iti bangin langtik nge cim?” tin ti haw hi.
Topa in, “Esau le Jakob cu unau hi haw naven Jakob le a casuante cu it ing a,#Rom 9:13;#Isa 34:5-17; 63:1-6; Jer 49:7-22; Ezk 25:12-14; 35:1-15; Amos 1:11-12; Oba 1-14; 3Esau le a casuante cu hua ing. Esau i mualhum ngam siatsuah ing a, a lei ngam cu cingne tei ca in zam ing,” ti hi.
4Esau casuan Edom miten, “A khuapi uhte siatsuah khawng haw zo naven dinleh tuk ung hi,” a ti haw tale Topa in, “A nuam haw tale dinleh haw hen; siatsuahleh khawng leng tung. Miten ngam ‘siasuak,’ tin le ‘Topa i thinuknak kumkhua in, a tawktu miphun,’ tin sam haw tuk hi.”
5Israel miten a mit loli in mu haw tuk a, “Topa cu Israel ngam pualeu ah hei in thawmngengzet thong ti haw tuk hi.”
Topa In Thiampite Liat
6Ihempoh tithei Topa in, thiampi tei lakah, “Capa in, a pa cu upatin, sila vangin, a bawi upat hi. Keimah cu na pa uh hi naveng, itakaw na upat uh ngawl? Keimah cu na Topa uh hi leng naveng, ita maizah ma uh nge cim? Mi zawnsak uh ci a, ‘Iti bangin kaw ka zotsak uh?’ tin dongta laih uh ci. 7Ka biaklandawh humah an thiangtho ngawl koih uh ci a, mahten ‘Iti bangin kaw ka maizah ngawl uh?’ tin dong uh ci. Hilh nang ngei: Ka biaklandawh cu imah na simsial uh ngawlnak le na upat uh ngawlnak muh theih hi. 8Biaklandawhah nganhing a mitcaw mi, a nami le a kebaite tuah biakpiaknak na bawl uhten, poi ngawlin ngaisung uh cim maw? Mahti bang ngante cu ngamuktu lakah na pia uh ahin! A lungdam ni maw? Nangmuh pak tukin le mitmai pha ngah tukin ngaisung uh cim?”#Daan 15:21;
9Atu-in, noh thiampite, Pathian in, ohtei humah phatnak bawl tukin ngen teh hem un. Na thunget uh a ngai kha viang ngawl ahi tale nangmu khelhnak tuk hi. 10Ihempoh tithei Topa in, “Ka biaklandawh humah a nemcuam ngawlmi meivak kha tuk ngawlin, nangmu lak pen pa khatin biakinn kongka khak unna, awi ing. Na hum uhah lungdam mang; na cawi uhmi biakpiaknakte cu sang tuk mang. 11Leihum miphun hempoh ten keimah upat haw hi. Mun hempoh ah namtui haal haw a, co a takmi biakpiaknak pia in, keimah upat khawng haw hi. 12Mahnaven noh ten upat ma uh ci; na biaklandawh uhte cu a nawngkaimi biaklandawh tidun uh ci a, na nautat uhmi an cu a humah koihin keimah zawnsak uh ci. 13Noh ten, ‘Mahti bang cu ciat leita zo ing,’ ti uh ci a, napnit san zam uh ci. Ka nelah biakpiaknak tukin ngukcop ngante, ahimata, a kebai mi le a nami cawi uh ci. Mah bangte cu sang tung tin ngaisung uh cim? 14Piak tukin na tepsa zo uhmi ngan phazet cu ka tuuhon lakah um leng haw naven, ka nelah a sonbangmi ngan biakpiaknakin, a piatu cu a humah siatnak heng hen! Itahim titale keimah cu a ngeng zetmi kumpi, miphun hempoh ten kihca haw,” ti hi.
Currently Selected:
MALAKHI 1: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.