MALAKI 1
1
1OZÓNJI ohó OKLUNỌ tọn tọn hlan Islaeli gbọn lizọnyitọ ṣie dali.
2Yẹn ko yiwanna mì, wẹ OKLUNỌ dọ, Gãnṣo mìwlẹ to didọmọ, Eté mẹ wẹ hiẹ ko yiwanna mí te? Nọ visunnu Jakob tọn ma wẹ Esau? wẹ OKLUNỌ dọ: gãnṣo yẹn ko yiwanna Jakob; 3ṣigba yẹn gbẹwanna Esau, bo sọ hen osé etọn lẹ zùn ojẹvó de, bo sọ yí ogudùnú etọn jó hlan ogbévún zùngbomẹ tọn lẹ. 4Le Edọmi tlẹ dọmọ, Yè hẹn mí jẹhen, gãnṣo mìwlẹ na lẹ́gọ̀ bo sọ do otẹn gbọgbe lẹ; le wẹ OKLUNỌ awhànpa lẹ tọn dọ, Yé na do, ṣigba yẹn na bli liai: gbẹtọ lẹ bo na sọ nọ ylọ yé dọ, Agbègbè kanyinylan tọn, podọ Gbẹtọ mehe go OKLUNỌ tindo homẹgble do kakadoi lẹ. 5Podọ nukun mìtọn lẹ na mọ, mìwlẹ na sọ dọmọ, Kiklo wẹ OKLUNỌ to agbègbè Islaeli tọn ji.
6Visunnu de nọ gbogbéna otọ́ etọn, podọ devi de mẹmẹnu etọn: whenẹnu eyín yẹn yín otọ́ de, fie wẹ gbégbona ṣie te? podọ eyín yẹn yín mẹmẹnu de, fie wẹ budìsi ṣie te? wẹ OKLUNỌ awhànpa lẹ tọn dọ hlan mì, Mì yẹwhenọ he to oyín ṣie vlẹ lẹ emi Podọ mìwlẹ sọ to didọmọ, Etẹ́ mẹ wẹ míwlẹ ko to oyín towe vlẹ te? 7Mìwlẹ to akla sùdego yí do to avọ́ nunina na to agbà ṣie ji Mìwlẹ bo sọ to didọmọ, Etẹ́ mẹ wẹ mìwlẹ to sùdogona we te? To ehe mẹ mìwlẹ dọmọ, Ovlẹnú wẹ tafo OKLUNỌ tọn. 8Podọ whenuena míwlẹ yí nukuntọ́nnọ do na avọ́ nunina na avọ́sánnú, é ma yín oylan de podọ whenuena míwlẹ yí sékúnọ po lànmẹzọ̀nnọ po do na avọ́ nunina, é ma yín oylan de Yí i dinvie hlan otògán towe; ewọ na yín homẹhùnnọ to de we? kavi ewọ na kẹalọyí we di gbẹtọ, wẹ OKLUNỌ awhànpa lẹ tọn dọ. 9Podọ dinvie, yẹn vẹ́ mì, mì vẹ̀vẹ̀na nukundágbe Jiwheyẹwhe tọn, na ewọ nido yín ojọmiọnnọ hlan mi: ehe ko tin sọn alọ mìtọn mẹ: be ewọ na kẹalọyi depope na mìwlẹ tọn wutu? wẹ OKLUNỌ awhànpa lẹ tọn dọ. 10Ṣó dọ omẹ de do tin to mì ṣẹnṣẹn finẹ he do sú ohọn lẹ, na mì ma na do hẹn miyọn ji to agbà ṣie ji to ovọ́ mẹ gba Yẹn ma tindo homẹhùn de to mì mẹ gba, wẹ OKLUNỌ awhànpa lẹ tọn dọ, mọ yẹn ma na sọ kẹalọyí avọ́ nunina de to alọ mìtọn mẹ gba. 11Na sọn zizẹtẹn owhè tọn yèdọ jẹ tejijẹ yì dopolọ tọn wẹ oyín ṣie na yín kiklo to Kosi lẹ ṣẹnṣẹn; podọ to otẹn lẹpo mẹ wẹ yè to nuyọnwan po avósánnú wiwe de po do to avọ́ nunina na te: na oyín ṣie na klo to Kosi lọ ṣẹnṣẹn, wẹ OKLUNỌ awhànpa lẹ tọn dọ. 12Ṣigba mìwlẹ flu i, to ehe mẹ mì dọmọ, Osùnọ wẹ tafo OKLUNỌ tọn, po osinsẹ́n etọn po, yèdọ núdùdù etọn, ovlẹnú wẹ. 13Míwlẹ sọ dọ ga dọ, Dayi e go, agbọ́pénú de tẹ́ é yín mì bo ko sọ yẹnawọnlin do e, wẹ OKLUNỌ awhànpa lẹ tọn dọ; podọ mìwlẹ ko sọ hẹn ene he yè bẹ́ gbọn huhlọnnú dali wá, po sẹ́kúnọ lọ po, po lànmẹzònnọ lọ po; le wẹ míwlẹ hẹn avónúnina lọ wá do: bọ́ yẹn do kẹalọyi ehe son alọ mìtọn mẹ? wẹ OKLUNỌ dọ. 14Ṣigba dèhodonọ wẹ mẹklọtọ lọ ni yín, he tindo asú de to lẹngbọpa etọn mẹ, bo dopagbè, bo sọ yí onú azọ̀ntọ de do sánvọ hlan OKLUNỌ: na ahọlu daho de wẹ yẹn, wẹ OKLUNỌ awhànpa lẹ tọn dọ, podọ osinọ wẹ oyín ṣie to Kosi lẹ mẹ.
Currently Selected:
MALAKI 1: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.