Misako 1
1
Misako za Basingua. Musanzi wa Wono Mukanda eli Luka. Ekukengelezia Teofilo Anga Buagusanzile.
1Teofilo, mu mukanda wozo mutangi nagusanzile mu musagu unsania walingile kukita Yesu nu buigisagia, 2aba nu ku busi bubo buekilue kuigulu, nu gasilile kukakizia ku basingua basombuede ku Muuza Wasililila.
Buakitile Gatukile ku Bakuzi.
3Nu idolesizie ku beli buno, eli mulami ku tukengelezio tuingi, gasilile kubabazibua, nu bamumueneko bindi makumi manazi, nu atendile bua bukota bua Kalaga: 4nu, gakundamene nabo, abalagile buno, tabatuke ku Yelusalema, umpanga balindile idagano lia Isi libongule kueli: 5kubuno Yoana abatizizie na mazi; tondo inyue mukabatizibua mu Muuza Wasililila gakuba bindi bingi tabitinga.
6Umpanga, gabakundamene bamubuzizie bune, Mukota, nkungu nkizi ziukasubizia balsalele bukota buabo? 7Ababuide bune, Tabuli bueinyu bua kumenya nkungu nu nkiko, zabikile Tatane ku buangato buage wenyene. 8Tondo mukakasua magala gamuvuile Muuza Wasililila; nuinyue muabe balongeki bane ku Yelusalema, nu ku Yudaya unsania, nu ku Samalia, aba nu kuzinda kua ndenge insania za kisi. 9Nu gasilile kutenda bubo, gababezaga beki balola, kuakuekua; nu kimpa kiamukukide buno tabamumoneko lingo. 10Nubo gabagalaminaga kuigulu gendaga, bantu babili babezaga na nsulu zenga; babezaga bemana buigi nabo, batendile bune, 11Inyue bantu ba Galela, kubuni kumuemana nu mukugalamina kuigulu? wono Yesu ekua kutuka kumuli nu kuenda kuigulu, akavua lingo anga bumuamumona ekuenda muigulu.
Bantu ba Yesu Bekulindila Muuza Wasililila.
12Nu basubizie ku Yelusalema kutuka ku wozo muiduko wamanagua buno, Oleve, wabezaga buigi na Yelusalema anga lugendo lua busi bua sabato. 13Nu gababasile, babakamine ku busio bua nkiko za kuigulu kuikalaga Petelo nu Yoana, nu Yakobo, nu Andele, nu Filipo, nu Toma, Batolomayo, nu Matayo, nu Yakobo, nu Alafayo, nu Simona Zelote, nu Yuda muana wa Yakobo. 14Babo bansania beikokomezizie mu kusega na mutima umozi, nu babo bakikulu, nu Malia nina wa Yesu, nu bato bage.
Bekusombola Matia.
15Nu busi bubo Petelo emene munkatini mua beigisibua (babezaga lukama lumozi nu makumi mabili), atendile bune, 16Bamulume mibuto zane, buatunganana masanzo mazindilizibue, buatendile Muuza Wasililila wakalazi ku kanua ka Davidi ku musagu wa Yudasa, wabezaga musondelezia wa babo bakatile Yesu. 17Kubuno aganzilue neisue, nu amonine ku kindi kia mulimo wono. 18(Umpanga wono akunzile isoa ku bukunza bua bubi buage; nu aguede bukukama, atikile, bia munda biage binsania biabalangene. 19Nu buamenyinue na bantu bansania bekalaga mu Yelusalema; bubuno isoa lilio liamaninue ku mutendezi wabo buno, Akeledama, buisulilua bua bubo, Isoa lia mikila.) 20Kubuno buasanzilue mu mukanda wa Nimbo bune,
Kiziki kiage kibe bulia,
Nu muntu nteikale mukio: #Luimbo 69:25.
Nu, Mulimo wage wabe na ungo.#Luimbo 109:8.
21Umpanga ku bantu bagomezie neisue nkungu insania Mukota Yesu gabasaga kueitu nu kutuka kueitu, 22kutukila kua bubatizio bua Yoana, aba nu ku busi bubo buekilue kutuka kutuli, buatunganana umozi mu babano abe mulongeki wa kuyuka kuage neisue. 23Babikile babili, Yosefu wamanagua Basaba, winikilue Yoseto, nu Matia. 24Nu basegile, nu batendile bune, Uwe Mukota, ukumenyaga mitima za bantu bansania, lolesia umozi uwasombuede mu babano babili, 25buno kindi kia mulimo wono, nu busingua bubuno buatukile ku Yudasa, buno ende ku kiziki kiage. 26Besile mbale; nu Matia alasile; nu aganzilue basingua ikumi nu umozi.
Currently Selected:
Misako 1: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.