Yoana 21
21
Yesu Amonekako Lingo na Beigisibua Bage ku Kiziba kia Tibelia.
1Kusila kua bubo Yesu eidolesezie lingo ku beigisibua bage ku kiziba kia Tibelia; nu eidolesezie anga bubo. 2Simona Petelo, nu Toma wamanagua Didumu, nu Natanaele wa Kana wa Galela, nu bana ba Zebedayo, nu bango babili ba ku beigisibua bage, babezaga gamozi. 3Simona Petelo ababuide bune, Nenda kuzuba biena. Nubo bamubuide bune, Nuisue tukuenda nobe. Bendile, nu beingide mu buato; tondo mu kindi kikio tabeitile kena. 4Nu gakeide busi nindunindu, Yesu emanine geisokelo: tondo beigisibua tabamenyine buno u Yesu. 5Yesu ababuide bune, Bana bane, ndi muli neidia? bamubuide bune, Kilo. 6Nu ababuide bune, Isazi kakila ku mukukumo wa kuseidume kua buato, nu muite. Nu bakesile, tondo tabavuamine kukabuluta kubuno kabezaga na biena bingi. 7Tondo wozo muigisibua watundagua na Yesu abuide Petelo bune, U Mukota. Gongule Petelo buno, Mukota, avualile nsulu zage (kubuno abezaga mundulu) nu eiyisile mu kiziba. 8Tondo bango beigisibua bavule na buato bukeke (kubuno tababezaga bulazi na mutili, tugu kuabezaga bulazi bua metele nkama ibili), nu babulutile kako kakila kabezaga mu biena. 9Gabeikile ku mutili, bamonine ku makangania ma keiya, nu gantata gamo gabezaga gatalikua kiena nu kampampa. 10Yesu ababuide bune, Vuazi na biena bimuitaga. 11Tondo Simona Petelo eingide mu buato, nu abulutile kakila ku mutili, keiyala na biena binene, lukama nu makumi matano nu bisatu: nu biena biabezaga bingi nunse, tondo kakila takatikile. 12Yesu ababuide bune, Vuazi tanga mulie. Nu takuli muigisibua wage umozi wagelekile kumubuzia bune, Uwe u nazi? bamenyine buno, u Mukota. 13Yesu atolile kampampa, nu abakasile, nu biena lingo. 14Lilio ulia masatu Yesu ekumonekako na beigisibua bage kusila kua kuyuka kuage ku bakuzi.
Yesu Ekutenda na Petelo.
15Nu gabasilile kulia, Yesu abuide Simona Petelo bune, Simona, muana wa Yona, ndi wantunda kutinga bibino? amubuide bune, Mukota uwe wizi buno nakuelama. Yesu amubuide bune, Lisia biana biane bia mikoko. 16Amubuzizie lingo bune, Simona muana wa Yona, ndi wantunda? E Mukota; uwe wizi buno nakuelama. Amubuide bune, Langa mikoko zane. 17Amubuzizie lia masatu bune, Simona, muana wa Yona, ndi wanelama? Petelo abeide na kabebe kubuno, amubuzizie lia masatu buno, ndi wanelama? Amubuide bune, Mukota wizi binsania nu ukumenyinina buno, nakuelama. Yesu amubuide bune, Lisia mikoko zane. 18Lebelebe, lebelebe, nkukubula bune, Gawabezaga musikila, wabezaga ukuikanda uwenyene, nu kuenda kukutunda: tondo gokaba use mukungu, ukalambia maboko, nu ungo akakukanda nu kukuikia kutakutunda. 19Amubuide bubo kumukengelezia bukaba lukita lua kukua kuage, buakaganuna Kalaga. Nu gasilile kutenda bubo, amubuide bune, Nyange.
Yesu Ekusambala bua Yoana.
20Petelo agalukile nu amonine ku wozo muigisibua watundagua na Yesu ekumuyanga; uwozo wegaminaga ku bukuba buage mu nkungu zeidia lia muigolo, wozo wamubuzizie bune, Mukota nazi wakugabule? 21Gamonine Petelo ku wozo muigisibua abuide Yesu bune, Mukota wono akakita kikizi nuwe? 22Yesu amubuide bune, Ndi natunda wono alame aba gankavua, nti uli nabo buni? tondo nyange tugu. 23Nu bubo buakukile ku beigisibua bansania buno wozo muigisibua ntakakua: tondo Yesu ntamubuide buno, ntakakua; tondo amubuide tugu buno ndi natunda wono alame aba gankavua, nti uli nabo buni?
Yoana Asanzile Bunsania Buligo.
24Muigisibua wozo uwalongekile bubo, nu uwasanzile bubo: nuisue tuamenya buno bulongeki buage buli bulili.
25N u kuli bungo buingi buakitile Yesu, nu songo buasanzilue bumozi bumozi, nkukengela buno kisi kinsania takinakosezie mikanda insania zinasanzilue.
Currently Selected:
Yoana 21: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.