Mateo 21
21
Yesu hyɛn Yɛriko nkunimdi mu
(Marko 11.1-10; Luka 19.29-38; Yohane 12.12-19)
1Na wɔbɛn Yerusalem na woduu Betfage, Ngo Bepɔw ho no, Yesu somaa asuafo baanu, 2see wɔn sɛ: Monkɔ akuraa a ɛda mo anim yi ase, na ntɛm ara mubehu afurum a wɔasa no ne ne ba; monsan wɔn mfa wɔn mmrɛ me! 3#Mat 26.18 Na sɛ obi bisa mo a, monka sɛ: Wɔn ho hia Awurade; na ntɛm ara ɔbɛma mode wɔn aba. 4Na eyi nyinaa sii, na nea odiyifo no kae no aba mu sɛ:
5 #
Sak 9.9; Yes 62.11 Monka nkyerɛ Sion babea sɛ:
Hwɛ, wo hene reba wo nkyɛn,
odwo, na ɔte afurum
ne afurum a ɔsoa nnesoa ba so.
Yesu hyɛn Yerusalem
6Na asuafo no kɔe kɔyɛɛ sɛnea Yesu hyɛɛ wɔn no, 7de afurum no ne ne ba no bae, na wɔde ntama guguu wɔn so, na ɔtenaa so. 8#2 Ah 9.13 Na nkurɔfokuw no mu pii de wɔn ntama sesɛw ɔkwan no mu, na ebinom nso twitwaa nnubaa, na wɔde sesɛw ɔkwan no mu. 9#Nnw 118.25-26 Na nkurɔfo akuwakuw a wodi kan ne wɔn a wodi akyiri no teɛɛm sɛ:
Hosiana nka Dawid ba no,
Nhyira ne nea ɔnam Awurade din mu reba no,
Hosiana wɔ ɔsorosoro noho!
10Na oduu Yerusalem no, kurow mu no nyinaa bɔɔ twi bisae sɛ: Ɛhena ni? 11Na nkurɔfo akuwakuw no se: Oyi ne Yesu, odiyifo a ofi Nasaret a ɛwɔ Galilea no.
Yesu pam aguadifo fi asɔrefi
(Marko 11.11-24; Luka 19.45-48)
12 #
Yoh 2.14-16
Na Yesu kɔɔ asɔrefi, na ɔkɔpam wɔn a wɔtɔn ne wɔn a wɔtɔ fii asɔrefi hɔ, na ɔkaa sikasesafo apon ne wɔn a wɔtɔn mmorɔnoma nkongua butuwii. 13#Yes 56.7; Yer 7.11 Na osee wɔn sɛ: Wɔakyerɛw sɛ:
Wɔbɛfrɛ me fi asɔrefi,
na mo de, mode ayɛ adwowtwafo bon.
14Na anifuraefo ne mpakye baa ne nkyɛn asɔrefi hɔ, na ɔsaa wɔn yare. 15Na asɔfo mpanyimfo ne Kyerɛwfo no huu anwonwade a ɔyɛe, ne mmofra a wɔteɛteɛm asɔrefi sɛ: Hosiana Dawid ba no, anyɛ wɔn abodwo, 16#Nnw 8.2 na wobisaa no sɛ: Wote nea eyinom se yi? Na Yesu see wɔn sɛ: Yiw. Monkenkanee pɛn sɛ:
Nkokoaa ne wɔn a wonum nufu ano
na woasiesie ayeyi, anaa?
17Na ogyaw wɔn fii kurow no mu kɔɔ Betania kɔtenaa hɔ.
Ɔdome borɔdɔma dua
18Na anɔpa a ɔresan aba kurow no mu no, ɔkɔm dee no. 19#Luka 13.6 Na ohuu borɔdɔma bi ɔkwan so no, otwiw bɛn ho, na wanhu hwee wɔ so sɛ nhaban nko. Na osee no sɛ: Worensow aba bio ara da! Amonom hɔ ara na borɔdɔma nhaban no poe. 20Na asuafo no hui no, ɛyɛɛ wɔn nwonwa, na wɔkae sɛ: Ɛyɛɛ dɛn na amonom ha yi ara borɔdɔma nhaban yi apo yi? 21#Mat 17.20 Na Yesu bua see wɔn sɛ: Nokware mise mo sɛ, mowɔ gyidi na munnye akyinnye a, ɛnyɛ borɔdɔma de yi nko na mobɛyɛ, na anka mobɛka akyerɛ bepɔw yi sɛ: Tutu na kɔhwe po mu! Na ɛbɛyɛ. 22Na biribiara a mubebisa mpaebɔ mu na mugye di no, mubenya.
Mpanyimfo no animguase
(Marko 11.27-33; Luka 20.1-8)
23 #
Yoh 2.18
Na oduu asɔrefi na ɔrekyerɛkyerɛ no, asɔfo mpanyimfo ne ɔman no mpanyimfo baa ne nkyɛn bɛkae sɛ: Tumi bɛn na wode yɛ nneɛma yi, na hena na ɔmaa wo tumi yi? 24Na Yesu bua see wɔn sɛ: Me nso mebisa mo asɛm biako na sɛ moka kyerɛ me a, me nso mɛka tumi ko a mede meyɛ nneɛma yi makyerɛ mo: 25Yohane asubɔ no, efi he? Efi soro anaasɛ efi nnipa? Na wosusuwii wɔn mu sɛ: Sɛ yɛka sɛ efi soro a, obese yɛn sɛ: Adɛn nti na moannye no anni? 26#Mat 14.5 Na sɛ yɛka sɛ efi nnipa a, yesuro nkurɔfokuw no; efisɛ wɔn nyinaa bu Yohane sɛ odiyifo. 27Na wobuaa Yesu sɛ: Yennim. Na ɔno nso ka kyerɛɛ wɔn sɛ: Me nso merenka tumi ko a mede meyɛ eyinom menkyerɛ mo.
Osetie ne asoɔden
28 Na mudwen ho dɛn? Ɔbarima bi wɔ mma baanu; na ɔkɔɔ nea odi kan no nkyɛn sɛ: Ɔba, nnɛ kɔyɛ me bobe turom adwuma! 29Na ɔba no buae sɛ: Merenkɔ! Na akyiri yi, ɔsesaa n'adwene na ɔkɔe. 30#Mat 7.21 Na ɔkɔɔ nea ɔka ho no nkyɛn kɔkaa saa ara kyerɛɛ no. Na obuae sɛ: Owura mɛkɔ, nanso wankɔ. 31#Luka 18.14 Wɔn baanu yi mu hena na ɔyɛɛ nea n’agya pɛ? Na wose: Nea odi kan no. Yesu see wɔn sɛ: Nokware mise mo sɛ, towgyefo ne nguamanfo redi mo anim akɔ Onyankopɔn ahenni mu. 32#Luka 7.29 Na Yohane nam trenee kwan mu baa mo nkyɛn, na moannye no anni; na towgyefo ne nguamanfo na egyee no dii, na mo nso muhui no, moannu mo ho akyiri yi annye no anni.
Akuafo bɔne no
(Marko 12.1-12; Luka 20.9-19)
33 #
Yes 5.1-2; Mat 25.14 Muntie bɛ foforo! Ofiwura bi wɔ hɔ a ɔyɛɛ bobe turo, na ogyee ho ban hyiae, na otuu mu nsa-kyi-amoa, na ɔtoo abantenten, na ɔde hyɛɛ ahwɛsofo bi nsa, na ogyaw hɔ kɔɔ baabi. 34Na aduaba bere dui no, ɔsomaa ne nkoa kɔɔ ahwɛsofo no nkyɛn sɛ wonkogye n’aduaba mmra. 35Na ahwɛsofo no faa ne nkoa no, na wɔhwee bi, na wokum bi, na wosiw bi abo. 36Bio ɔsomaa nkoa foforo a wɔdɔɔso sen kan de no; nanso wɔyɛɛ wɔn saa ara. 37Na akyiri no, ɔsomaa ne ba kɔɔ wɔn nkyɛn se: Wɔbɛfɛre me ba. 38#Mat 27.18 Nanso ahwɛsofo no huu ɔba no, wɔkekae wɔn mu sɛ: Oyi ne ɔdedifo no; mommra mma yenkum no, na n'agyapade no nyɛ yɛn de! 39Na wɔfaa no twee no fii bobe turom hɔ kokum no. 40Enti da a bobe turo wura no bɛba no, ɛdɛn na ɔbɛyɛ ahwɛsofo no? 41Wɔka kyerɛɛ no sɛ: Ɔbɛsɛe nnipa bɔne no pasaa, na ɔde bobe turo no ama ahwɛsofo foforo a wɔde aduaba bɛbrɛ no ne bere mu.
42 #
Nnw 118.22-23; Aso 4.11; Rom 9.33; 1 Pe 2.6-8 Yesu see wɔn sɛ: Monkenkan kyerɛw nsɛm no mu pɛn sɛ:
Ɔbo a abantofo apo no,
ɛno ara na abɛyɛ twea tibo;
eyi fi Awurade,
na ɛyɛ nwonwa yɛn ani so?
43 Eyi nti mise mo sɛ: Wobegye Onyankopɔn ahenni no afi mo nsam de akɔma ɔman a wɔde mu aduaba bɛba. 44#Dan 2.34-35; 2.44-45 Na nea ɔbɛhwe ɔbo yi so no, bebubu, na nea ɛbɛhwe no so no, ɛbɛpɛtɛw no. 45Na asɔfo mpanyimfo ne Farisifo tee ne mmɛbu no, wohui sɛ wɔn ho asɛm na ɔreka. 46Na wɔhwehwɛe sɛ wɔkyere no nanso, wosuroo nkurɔfo akuwakuw no, efisɛ wobuu no sɛ odiyifo.
Επιλέχθηκαν προς το παρόν:
Mateo 21: ATWDB
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Revised Akuapem Twi DC Bible © Bible Society of Ghana, 2017.