لُکَ 18
18
بَلْندٛلْ دٛوْ دٜبّٛ جُرُمْطٛ بٜى کِيتٛووٛ
1عِيسَى وٛلْوَنِ ࢡٜبَلْنْدٛلْ نغَمْ ڢَامْتِنْغٛ ࢡٜ سٜيْ ࢡٜتٛکّٛ تٛرَاغٛ، تَا ࢡٜتَمْݠَ سَمْ؞ 2عٛوِعِ ࢡٜ: «وٛودِنٛ حَا بٜرْنِوٛلْ ڢٜىٰرٜ کِيتٛووٛ مٛ حُلَتَا اَللَّه سَمْ، وَلَا کٛ يَالِمٛ بٜى کٛو مٛيْ ڢُو؞ 3وٛودِ بٛو ندٜرْ بٜرْنِوٛلْ مَنْ دٜبّٛ جُرُمْطٛ مٛ طٛنْ وَرَ تُمْ، وِعَ مٛ: وَطَنَمْ کِيتَ حَکُّندٜ عَمْ عٜ کٛنّٜىٰجٛ عَمْ؞ 4کِيتٛووٛ مَنْ سَلِ، حَا دُورِ؞ عَمَّا ࢡَاوٛطٛنْ عٛنُمِ ندٜرْ ࢡٜرْندٜ مَاکٛ: مِحُلَتَا اَللَّه، وَلَا کٛ يَالِ يَمْ بٜى کٛو مٛيْ بٛو، 5عَمَّا ندٜ نِي جُرُمْطٛ عٛو طٛنْ دَامَمِّ، مِوَطَنَنْ مٛ کِيتَ، نغَمْ تَا عٛتٛکّٛ وَرْغٛ، عٛجِيࢡَ حَکِّيلٛ عَمْ؞» 6جَوْمِرَاوٛ ࢡٜسْدِ وِعُغٛ: «نَنٜ بٛوطُّمْ کٛ کِيتٛووٛ کَلُّطٛ عٛو وِعَتَ؞ 7کَدِ، اَللَّه وَطَنْتَ سُࢡَاࢡٜ مُوطُمْ وٛوکَنَنْࢡٜ مٛ جٜمَّ عٜ نَانغٜ کِيتَ غٛونغْطُکَ بٜى لَوْ نَ؟ 8مِطٛنْ وِعَ عٛنْ، عٛوَطَنَنْ ࢡٜ کِيتَ نغٛونغْطُکَ بٜى لَوْ؞ عَمَّا وَکَّتِ لٛرَاکِ ࢡِي-نٜطّٛ، عٛتَوَنْ مَرْطٛ نُطِّنْکِ دٛوْ لٜسْدِ نَ؟»
بَلْندٛلْ دٛوْ ڢَرِسَاجٛ عٜ جٛمْنٛووٛ
9عِيسَى وٛلْوِ بَلْندٛلْ ڢٜىٰرٜ ڢَحِنْ نغَمْ لَارَنْࢡٜ کٛعٜ مُوطُمْعٜنْ ࢡٜ عَدِلِعٜنْ، ࢡٜطٛنْ نجَوٛ وٛطْࢡٜ: 10«يِمْࢡٜ طِطٛ نجٜحِ حَا حَيْکَلِيرُ نغَمْ وَطُغٛ دٛعَ، غٛوتٛ ڢَرِسَاجٛ، غٛوتٛ بٛو جٛمْنٛووٛ؞ 11ڢَرِسَاجٛ دَرِ، وَطِ دٛعَ ندٜرْ ࢡٜرْندٜ مُمْ بَنَ نِعِ: يَا اَللَّه، مِيٜتِّ مَ نغَمْ مِلَاتَاکِ بَنَ يِمْࢡٜ ڢٜىٰرٜ، لَاتِيࢡٜ وُيْࢡٜ، سٛويْࢡٜ-عَدِلَاکُ، جٜىٰنٛوࢡٜ مَلَّ بَنَ جٛمْنٛووٛ عٛو؞ 12مِطٛنْ سُومٛ عَسَوٜىٰرٜ ڢُو ندٜ طِطِ، مِطٛنْ عِتَّ زَکَّ#18:12 زَکَّ طُمْ يٜࢡْرٜ وٛورٜ ندٜرْ سَݠّٛ کٛ غٛطّٛ حٛکَّتَ اَللَّه؞ ندٜرْ کٛ کٜࢡَنْمِ ڢُو؞ 13جٛمْنٛووٛ دَرِ دَايِيطُمْ، عٛنُمَايْ کٛو ࢡَنغْتُغٛ غِتٜ حَا عَسَمَ، عَمَّا عٛڢِيِ وِࢡّٜرٜ مَاکٛ، عٛوِعِ: يَا اَللَّه عَمْ، يُرْمِنَمْ، مِنْ مِحَکّٜىٰجٛ! 14مِطٛنْ وِعَ عٛنْ، کَنغْکٛ عٛحٜࢡِ يٜرْدُيٜ اَللَّه ندٜ عٛحٛوتِ سَارٜ مَاکٛ، عَمَّا ڢَرِسَاجٛ حٜࢡَايْ؞ نغَمْ کٛو مٛيْ مَوْنِنِ حٛورٜ مُمْ، عٛ لٜىٰسْتِنْتٜىٰطٛ عٜ مٛ لٜىٰسْتِنِ حٛورٜ مُمْ بٛو، عٛ ࢡَنغْتٜتٜىٰطٛ#مَتَّ 23:12؛ لُکَ 14:11؞؞»
عِيسَى بَرْکِطِنِ ࢡِکّٛيْ ݠَمَرٛيْ
(مَتَّ 19:13-15؛ مَرْکُسْ 10:13-16)
15ࢡٜنغَدَّنِ عِيسَى ࢡِکّٛيْ ݠَمَرٛيْ نغَمْ عٛمٜىٰمَ کٛيْ، عَمَّا ندٜ ݠُکَرَعٜنْ نغِعِ طُمْ، ࢡٜݠٜلِ وَدُّࢡٜ کٛيْ؞ 16عِيسَى ࢡَدِنِ ࢡِکّٛيْ غٛ کٛمْبِ مُمْ، وِعِ: «عَشّٜ ࢡِکّٛيْ ݠَمَرٛيْ نغَرَ حَا عَمْ؞ تَا کَطٜ کٛيْ، نغَمْ لَامُ اَللَّه وٛودَنِ عِرِنْ مَاکٛيْ؞ 17غٛونغَ مبِعَنْمِ عٛنْ: مٛ جَࢡَايْ لَامُ اَللَّه بَنَ ࢡِنغٜلْ ݠَمَرٜلْ، ڢَکَتْ عٛنَسْتَتَا نغُ سَمْ؞»
غٛرْکٛ دِسْکُطٛ
(مَتَّ 19:16-30؛ مَرْکُسْ 10:17-31)
18يَحُودُوجٛ مَوْطٛ ڢٜىٰرٜ ࢨَمِ عِيسَى: «مٛودِبّٛ بٛوطّٛ، کٛ مبَطَنْمِ حَا مِحٜࢡَ نغٜىٰندَمْ ندُومِيطَمْ؟» 19عِيسَى جَابِمٛ: «نغَمْ طُمٜ عَوِعَتَ يَمْ مِ بٛوطّٛ؟ وَلَا بٛوطّٛ، سٜيْ اَللَّه غٛوتٛ تَنْ وٛنِ بٛوطّٛ! 20عَعَنْدِ عُمْرٛوجٜ: تَا وَطْ نجٜىٰنُ، تَا مبَرْ-حٛورٜ، تَا وُجُّ، تَا سٜىٰدَ ڢٜوْرٜ، تٜدِّنْ بَابَ مَ عٜ دَادَ مَ#غُرْتَاکِ 20:12-16؛ تٛوکْتَاکِ تَوْرٜىٰتَ 5:16-20؞؞» 21غٛرْکٛ غٛ وِعِ: «مِطٛوْتَنِ عُمْرٛوجٜ طٜعٜ ڢُو دِغَ مِ دٜرْکٜىٰجٛ تَوٛنْ؞» 22ندٜ عِيسَى نَنِ طُمْ، عٛوِعِمٛ: «لُتَّنِ مَ حُوندٜ وٛورٜ: سٛورُّ کٛ مَرْطَ ڢُو، حٛکُّ طُمْ تَلَکَعٜنْ، ندٜنْ کَمْ عَحٜࢡٛيَنْ ندٜسَارِ حَا عَسَمَنْجِ؞ ندٜنْ وَرْ، تٛکَّمْ؞» 23ندٜ عٛنَنِ بٛلّٜ طٜعٜ، عٛسُنِ مَسِنْ، نغَمْ عٛ دِسْکُطٛ مَسِنْ؞ 24ندٜ عِيسَى يِعِ عٛ شُنِيطٛ، عٛوِعِ: «طُمْ سَطَنِ رِسْکُࢡٜ نَسْتُغٛ لَامُ اَللَّه؞ 25نغٜىٰلٛوبَ سَالٛ ندٜرْ وُرْدٜرٜ بَاتَلْ ࢡُرِ حٛيُغٛ دٛوْ دِسْکُطٛ نَسْتَ لَامُ اَللَّه؞» 26نَنْࢡٜ مٛ مبِعِ: «تٛ نٛنْ کَمْ، مٛيْ وَاوَتَ حِسُغٛ؟» 27عِيسَى جَابِ: «کٛ وَطَتَاکٛ حَا يِمْࢡٜ، طُمْ وَطٛتٛ حَا اَللَّه؞» 28ندٜنْ ݠِيٜرْ وِعِ: «ندَا، مِنْ عَشِّ مَرْدِ عَمِنْ ڢُو، مِنْ تٛکِّ مَ!» 29عِيسَى وِعِ ࢡٜ: «غٛونغَ مبِعَنْمِ عٛنْ، کٛو مٛيْ عَشِّ سَارٜ مُمْ، دٜبّٛ مُمْ، دٜىٰرْطُمْعٜنْ، سَارٛعٜنْ مُمْ مَلَّ ࢡِکّٛيْ مُمْ نغَمْ دَلِيلَ لَامُ اَللَّه، 30حٜࢡَنْ شٛوِ طُوطِّ ندٜرْ زَمَنُورُ جٛنْتَارُ ندُعُ عٜ ندٜرْ وَرَنْدُ بٛو عٛحٜࢡَنْ نغٜىٰندَمْ ندُومِيطَمْ؞»
عِيسَى وَنغِنِ حَالَ مَايْدٜ مُوطُمْ عٜ عُمِّتِنٜىٰکِ مُوطُمْ تَتَࢡْرٜ
(مَتَّ 20:17-19؛ مَرْکُسْ 10:32-34)
31عِيسَى عٜوْنِ ݠُکَرَعٜنْ سَݠّٛ عٜ طِطٛ حَا مُوطُمْ، عٛوِعِ ࢡٜ: «ندَا، عٜنْ طٛنْ نجَحَ عُرُسَلِيمَ، کٛ اَلنَّبِعٜنْ مبِنْدُنٛ دٛوْ ࢡِي-نٜطّٛ ڢُو لَاتٛتٛ تٛنْ؞ 32نغَمْ ࢡٜندٛکَّنْ مٛ حَا جُوطٜ حٜىٰڢٜىٰرْࢡٜ، ࢡٜنجَنْشَنْ مٛ، ࢡٜتٛرَّنْ مٛ، ࢡٜتُوتَنْ تُوطٜ دٛوْ مَاکٛ، 33ࢡٜࢡٛشَّنْ مٛ؞ ࢡَاوٛطٛنْ ࢡٜمبَرَنْ مٛ، ࢩَلَادٜ تَتَࢡْرٜ عٛعُمِّتِتّٛ؞» 34عَمَّا ࢡٜݠَامَايْ کٛو طُمٜ ندٜرْ کٛ عٛوِعِ؞ حَالَ کَعَ لَاتِ شُوطِيکَ حَا مَࢡّٜ، ࢡٜعَنْدَا کٛ عٛيِطِ وِعْغٛ؞
عِيسَى وُمْتِنِ بُمْطٛ
(مَتَّ 20:29-34؛ مَرْکُسْ 10:46-52)
35ندٜ عِيسَى ࢡَدِ يٜرِکٛ، بُمْطٛ ڢٜىٰرٜ طٛنْ جٛوطِ کٛمْبِ لَاوٛلْ، عٛطٛنْ رٛوکٛ؞ 36ندٜ عٛنَنِ مٛوࢡْرٜ طٛنْ سَالٛ، عٛࢨَمِ کٛ وَطِ؞ 37ࢡٜعَنْدِنِمٛ: «طُمْ عِيسَى نَسَرَتُوجٛ سَالٛتٛ؞» 38عٛحٛولِ: «عِيسَى، ࢡِي دَاوُدَ، عٜنْطَمْ!» 39عَرْدِيࢡٜ يٜىٰسٛ ݠٜلِمٛ، نغَمْ حَا عٛجٜىٰطٛ؞ عَمَّا عٛࢡُرْتِ حٛولُغٛ: «ࢡِي دَاوُدَ، عٜنْطَمْ!» 40عِيسَى دَرِ، عُمْرِ: نغَدّٜ مٛ حَا کٛمْبِ عَمْ؞ ندٜ بُمْطٛ ࢡَدِتِ، عِيسَى ࢨَمِمٛ: 41«طُمٜ نغِطَّ مِوَطَنٜ؟» عٛجَابِ: «جَوْمِرَاوٛ، وُمْتِنَمْ؞» 42عِيسَى وِعِمٛ: «وُمْتُ، نُطِّنْکِ مَ حِسْنِ مَ!» 43وَکَّتِ مَنْ ندٜنْ عٛوُمْتِ، عٛتٛکِّ عِيسَى، عٛطٛنْ تٜدِّنَ اَللَّه؞ يِمْࢡٜ يِعْࢡٜ طُمْ ڢُو مَنغْتِ اَللَّه؞
Επιλέχθηκαν προς το παρόν:
لُکَ 18: داَ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Fulfulde Bible Ajamiya © Bible Society of Cameroon, 2016.