لُکَ 19
19
عِيسَى عٜ جَکَيُسْ
1عِيسَى نَسْتِ يٜرِکٛ، سَالِ ندٜرْ بٜرْنِوٛلْ؞ 2ندَا، غٛطّٛ بِعٜتٜىٰطٛ جَکَيُسْ، مَوْطٛ جٛمْنٛوࢡٜ طٛنْ تٛنْ عٜ عٛ دِسْکُطٛ؞ 3عٛتٜڢِ يِعُغٛ مٛيْ وٛنِ عِيسَى، عَمَّا عٛوَاوَايْ نغَمْ دَلِيلَ مٛوࢡْرٜ، نغَمْ عٛ دَمُّطٛ؞ 4عٛدٛغِّ حَا يٜىٰسٛ، عٛوَعِّ دُندٜىٰحِ نغَمْ حَا عٛيِعَ مٛ، نغَمْ عِيسَى سَالٛتٛ تٛنْ؞ 5ندٜ عِيسَى يٛتِّ حَا نٛکُّورٜ مَنْ، عٛتِجِّ، عٛوِعِمٛ: «جَکَيُسْ، يَاوْطَ جِݠَّ، نغَمْ حَنْدٜ سٜيْ مِوٜىٰرَ حَا سَارٜ مَاطَ؞» 6جَکَيُسْ يَاوْطِ جِݠِّ، جَࢡِّمٛ بٜى سٜيٛ؞ 7ندٜ يِمْࢡٜ نغِعِ طُمْ، ࢡٜ ڢُو ࢡٜنغُرْنغُرْتِ، ࢡٜمبِعِ: «عٛدِلِّ وٜىٰرُغٛ حَا غٛطّٛ حَکّٜىٰجٛ؞» 8عَمَّا جَکَيُسْ دَرِ يٜىٰسٛ جَوْمِرَاوٛ، وِعِ: «جَوْمِرَاوٛ، مِحٛکَّنْ رٜىٰتَ جَوْدِ عَمْ حَا تَلَکَعٜنْ؞ تٛ وٛودِ مٛ مِحٛوسِنٛ طُمْ حُوندٜ بٜى ڢَاسِکَارٜ، مِلٛرْنَنَنْ مٛ طُمْ شٛوِ نَيِ؞» 9عِيسَى وِعِمٛ: «کِسْندَمْ نَسْتِ ندٜرْ سَارٜ ندٜعٜ حَنْدٜ، نغَمْ کَنغْکٛ بٛو عٛ ࢡِي إِبْرَاهِيمَ؞ 10نغَمْ ࢡِي-نٜطّٛ وَرِ طَࢡِّتِتْغٛ، حِسْنُغٛ کٛ مَجِّ#مَتَّ 18:11؞؞»
بَلْندٛلْ دٛوْ سُلٜيْجٜ کَنغّٜىٰرِ
(مَتَّ 25:14-30)
11يِمْࢡٜ طٛنْ نَنَ بٛلّٜ عِيسَى؞ ندٜ عٛطٛنْ ࢡَدِتٛ عُرُسَلِيمَ، عٛوٛلْوَنِ ࢡٜبَلْنْدٛلْ ڢٜىٰرٜ نغَمْ ࢡٜتَمِّ نٛ لَامُ اَللَّه وَرَنّٛ ندٜرْ وَکَّتِ مَنْ ندٜنْ؞ 12عٛوِعِ: «غٛطّٛ تٜدَّ-عَسْنغٛلْجٛ دِلِّ لٜسْدِ ندَايِيندِ نغَمْ عٛحٜࢡَنَ حٛورٜ مَاکٛ لَامُ، ندٜنْ عٛلٛرٛ؞ 13عٛعٜوْنِ سَݠّٛ ندٜرْ سُکَعٜنْ مَاکٛ، عٛحٛکِّ کٛو مٛيْ مَࢡّٜ سُلٜيْرٜ کَنغّٜىٰرِ طُوطَ-سَمَنْرٜ، عٛوِعِ ࢡٜ: مبَطٜ ڢِلُ بٜى مَاجٜ حَا تٛ مِوَرْتِ؞ 14عَمَّا يِمْࢡٜ لٜسْدِ مَاکٛ نغَࢩِمٛ، ࢡٜنٜلِ نٜلَاࢡٜ ࢡَاوٛ مَاکٛ نغَمْ ࢡٜمبِعَ: مِنْ نغِطَا غٛرْکٛ عٛو لَامَنٛ مِنْ؞
15«ندٜ ࢡٜلَامِنِمٛ، عٛوَرْتِ لٜسْدِ مَاکٛ، عٛعٜوْنِ سُکَعٜنْ ࢡٜ عٛ حٛکُّنٛ شٜىٰدٜ غٛ نغَمْ عَنْدُغٛ رِبَ کَ کٛو مٛيْ مَࢡّٜ حٜࢡِ؞ 16عَرَنٛ وَرِ، وِعِ: جَاغٛرْطٛ، سُلٜيْرٜ مَاطَ وَدِّ سُلٜيْجٜ غٛطّٜ سَݠّٛ؞ 17جَاغٛرْطٛ وِعِمٛ: بٛوطُّمْ، عَ سُکَ بٛوطّٛ! عَحُووِ کُوغَلْ ݠَمَرَلْ بٜى حٛولَارٜ، نغَمْ مَاجُمْ لَامَنَ بٜرْنِيجِ سَݠّٛ! 18طِطَࢡٛ وَرِ، وِعِ: جَاغٛرْطٛ، سُلٜيْرٜ مَاطَ وَدِّ سُلٜيْجٜ غٛطّٜ جٛوِ؞ 19عٛوِعِمٛ: عَنْ بٛو لَامَنَ بٜرْنِيجِ جٛوِ! 20غٛطّٛ بٛو وَرِ، وِعِ: جَاغٛرْطٛ، ندَا سُلٜيْرٜ مَاطَ، مِسِغِ ندٜ ندٜرْ لٜݠّٛلْ، 21نغَمْ مِحُلِ مَ، نغَمْ عَ غٛطّٛ شَاتُطٛ، عَحٛوسَنْ کٛ عَجٛعِّنَايْ، عَسٛدَنْ کٛ عَعَاوَايْ؞ 22جَاغٛرْطٛ وِعِمٛ: مِحِيتٜتٜ دٛوْ بٛلّٜ مَ، سُکَ کَلُّطٛ! عَعَنْدِ مِنْ مِ غٛطّٛ شَاتُطٛ، مِحٛوسَنْ کٛ مِجٛعِّنَايْ، مِسٛدَنْ کٛ مِعَاوَايْ؞ 23نغَمْ طُمٜ عَجٛعِّنَايْ شٜىٰدٜ عَمْ حَا سِغٛرْدُ شٜىٰدٜ، تٛ مِوَرْتِ مِحٜࢡْتَنّٛ طٜ بٜى رِبَ؟ 24عٛوٛلْوَنِ وٛنْࢡٜ تٛنْ: نجَࢡْتٜ مٛ سُلٜيْرٜ مَنْ، ندٛکّٜ ندٜ مَرْطٛ سُلٜيْجٜ سَݠّٛ غٛ! [ 25ࢡٜمبِعِمٛ: جَاغٛرْطٛ، عٛوٛودِ سُلٜيْجٜ سَݠّٛ تِمِّ؞] 26مِطٛنْ وِعَ عٛنْ، نغَمْ مَرْطٛ حُوندٜ، ࢡٜࢡٜسْدَنَنْ مٛ، عَمَّا مٛ وَلَا کٛو طُمٜ، ࢡٜکٛوشَنْ کٛو ݠٜىٰتُمْ مَاکٛ#مَتَّ 13:12؛ مَرْکُسْ 4:25؛ لُکَ 8:18؞؞ 27کٛنّٜعٜنْ عَمْ ࢡٜعٜ، ࢡٜنغِطَانٛ مِلَامٛ دٛوْ مَࢡّٜ غٛ، نغَدّٜ ࢡٜ، مبَرٜ ࢡٜ يٜىٰسٛ عَمْ#مَتَّ 25:14-30؞!»
عِيسَى نَسْتِ عُرُسَلِيمَ
(مَتَّ 21:1-11؛ مَرْکُسْ 11:1-11؛ يُحَنَّ 12:12-19)
28ࢡَاوٛ بٛلّٜ طٜعٜ، عِيسَى عَرْدِ يِمْࢡٜ، دِلِّ عُرُسَلِيمَ؞ 29ندٜ عٛࢡَدَکٜ بَيْتِڢَاجِ عٜ بَيْتَنِيَ، کٛمْبِ حٛوسٜىٰرٜ وِعٜتٜىٰندٜ حٛوسٜىٰرٜ جَيْتُنْجٜ، عِيسَى نٜلِ ݠُکَرَعٜنْ مُوطُمْ طِطٛ، 30وِعِ ࢡٜ: «نجٜحٜ حَا وُرٛ يٜىٰسٛ تٛو؞ تٛ عٛنْ نَسْتِ نغٛ، عٛنْ تَوَنْ وَمْندٜ مٛلْدٜ حَࢡَّاندٜ، ندٜ غٛطّٛ مٜىٰطَايْ وَعَّاغٛ؞ ݠِيسْتٜ ندٜ، نغَدَّنٜىٰطَمْ؞ 31تٛ غٛطّٛ ࢨَمِ عٛنْ کٛنِ ݠِيسْتٛتٛنْ ندٜ؟ نجَابٜ مٛ: جَوْمِرَاوٛ وٛودِ حَاجٜ مَارٜ؞» 32نٜلَاࢡٜ نجٜحِ، تَوِ کُوجٜ مَنْ ڢُو بَنَ عِيسَى وِعْنٛ ࢡٜ؞ 33ندٜ ࢡٜطٛنْ ݠِيسْتَ وَمْندٜ، جَوْمِيرٜ وِعِ ࢡٜ: «نغَمْ طُمٜ ݠِيسْتٛتٛنْ وَمْندٜ؟» 34ࢡٜنجَابِ: «جَوْمِرَاوٛ وٛودِ حَاجٜ مَارٜ؞» 35ࢡٜنغَدِّ وَمْندٜ غٛ حَا عِيسَى، ࢡٜ شَࢡِّ لِمْشٜ مَࢡّٜ دٛوْ مَارٜ، ࢡٜمبَعِّنِ عِيسَى؞ 36ندٜ عٛڢُطِّ يَحُغٛ، يِمْࢡٜ مبٜعِّتِ لِمْشٜ مُوطُمْعٜنْ دٛوْ لَاوٛلْ؞ 37ندٜ عٛطٛنْ ࢡَدِتٛ عُرُسَلِيمَ حٜىٰدِ دِيرْتٛرْدٜ حٛوسٜىٰرٜ جَيْتُنْجٜ، مٛوࢡْغَلْ ݠُکَرَعٜنْ ڢُو شٜيِ، ࢡٜݠُطِّ مَنغْتُغٛ اَللَّه بٜى سَوْتُ، نغَمْ کَايٜىٰڢِيجِ طِ ࢡٜنغِعِ ڢُو؞ 38ࢡٜمبِعِ: «بَرْکَ لَاتَنٛ لَامِيطٛ غَرَنْطٛ بٜى عِنْدٜ جَوْمِرَاوٛ! سَلَامَنْ حَا عَسَمَ، تٜدُّنغَلْ حَا اَللَّه ࢡَنغِيطٛ#جَبُورَ 118:26؞!»
39ڢَرِسَعٜنْ وٛطْࢡٜ دِغَ شَکَ يِمْࢡٜ مبٛلْوَنِ عِيسَى: «مٛودِبّٛ، تٜلْࢡَنْ ݠُکَرَعٜنْ مَاطَ نجٜىٰطٛ!» 40عِيسَى جَابِ: «مِطٛنْ وِعَ عٛنْ، تٛ کَمْࢡٜ ࢡٜنجٜىٰطَکٜ، کَاعٜ نغٛوکَنْ!»
عِيسَى وٛيِ عُرُسَلِيمَ
41ندٜ عِيسَى ࢡَدِتِ بٜرْنِوٛلْ، عٛيِعِ نغٛلْ، عٛوٛيِ دَلِيلَ مَاغٛلْ، 42عٛوِعِ: «مِيِطِ عَعَنْدَنٛ عَنْ بٛو کٛ وٛنِ سَلَامَنْ مَاطَ حَنْدٜىٰرٜ ندٜعٜ! عَمَّا جٛنْتَ طُمْ سُوطَامَ حَا غِتٜ مَاطَ؞ 43ࢩَلْطٜ نغَرَنْتٜ، حَا کٛنّٜعٜنْ مَ تَارٛ مَ بٜى بَلْمِ، ࢡٜکِݠّٜتٜ، ࢡٜࢡِطّٜتٜ بَکٜىٰجٜ ڢُو؞ 44ࢡٜندٛعّٜتٜ، عَنْ بٜى ࢡِکّٛيْ مَاطَ؞ ࢡٜعَشَّتَا حَيْرٜ دٛوْ حَيْرٜ حَا مَاطَ، نغَمْ عَعَنْدِتَايْ سَاعِيرٜ ندٜ اَللَّه وَرِ وَلُّغٛ مَ!»
عِيسَى ندٜرْ حَيْکَلِيرُ
(مَتَّ 21:12-17؛ مَرْکُسْ 11:15-19؛ يُحَنَّ 2:13-22)
45ندٜنْ عِيسَى نَسْتِ حَيْکَلِيرُ، عٛڢُطِّ ڢَارْتُغٛ سٛرّٛوࢡٜ، 46عٛوِعِ ࢡٜ: «ندَا کٛ وِنْدَ حَا دٜڢْتٜرٜ: سُودُ عَمْ لَاتٛتٛ سُودُ وَطُغٛ دٛعَ، عَمَّا عٛنٛنْ عٛنْ لَاتِنِ ندُ لٛوٛلْ ڢَسٛوࢡٜ#عٜسَايَ 56:7؛ يٜرٜمِيَ 7:11؞؞»
47عٛطٛنْ عٜکِّتِنَ ندٜرْ حَيْکَلِيرُ ࢩَلَادٜ ڢُو؞ مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ عٜ عَرْدِيࢡٜ يِمْࢡٜ طٛنّٛ تٜڢَ مبَرُغٛ مٛ#لُکَ 21:37؞؞ 48عَمَّا ࢡٜعَنْدَا طُمٜ ࢡٜمبَطَتَ، نغَمْ يِمْࢡٜ ڢُو طٛنْ شُکْلَنِ نَنُغٛ مٛ؞
Επιλέχθηκαν προς το παρόν:
لُکَ 19: داَ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Fulfulde Bible Ajamiya © Bible Society of Cameroon, 2016.