 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

عِيسَى وٛلْوَنِ ࢡٜبَلْنْدٛلْ نغَمْ ڢَامْتِنْغٛ ࢡٜ سٜيْ ࢡٜتٛکّٛ تٛرَاغٛ، تَا ࢡٜتَمْݠَ سَمْ؞ عٛوِعِ ࢡٜ‏: «وٛودِنٛ حَا بٜرْنِوٛلْ ڢٜىٰرٜ کِيتٛووٛ مٛ حُلَتَا اَللَّه سَمْ، وَلَا کٛ يَالِمٛ بٜى کٛو مٛيْ ڢُو؞ وٛودِ بٛو ندٜرْ بٜرْنِوٛلْ مَنْ دٜبّٛ جُرُمْطٛ مٛ طٛنْ وَرَ تُمْ، وِعَ مٛ‏: وَطَنَمْ کِيتَ حَکُّندٜ عَمْ عٜ کٛنّٜىٰجٛ عَمْ؞ کِيتٛووٛ مَنْ سَلِ، حَا دُورِ؞ عَمَّا ࢡَاوٛطٛنْ عٛنُمِ ندٜرْ ࢡٜرْندٜ مَاکٛ‏: مِحُلَتَا اَللَّه، وَلَا کٛ يَالِ يَمْ بٜى کٛو مٛيْ بٛو، عَمَّا ندٜ نِي جُرُمْطٛ عٛو طٛنْ دَامَمِّ، مِوَطَنَنْ مٛ کِيتَ، نغَمْ تَا عٛتٛکّٛ وَرْغٛ، عٛجِيࢡَ حَکِّيلٛ عَمْ؞» جَوْمِرَاوٛ ࢡٜسْدِ وِعُغٛ‏: «نَنٜ بٛوطُّمْ کٛ کِيتٛووٛ کَلُّطٛ عٛو وِعَتَ؞ کَدِ، اَللَّه وَطَنْتَ سُࢡَاࢡٜ مُوطُمْ وٛوکَنَنْࢡٜ مٛ جٜمَّ عٜ نَانغٜ کِيتَ غٛونغْطُکَ بٜى لَوْ نَ؟ مِطٛنْ وِعَ عٛنْ، عٛوَطَنَنْ ࢡٜ کِيتَ نغٛونغْطُکَ بٜى لَوْ؞ عَمَّا وَکَّتِ لٛرَاکِ ࢡِي-نٜطّٛ ، عٛتَوَنْ مَرْطٛ نُطِّنْکِ دٛوْ لٜسْدِ نَ؟»

عِيسَى وٛلْوِ بَلْندٛلْ ڢٜىٰرٜ ڢَحِنْ نغَمْ لَارَنْࢡٜ کٛعٜ مُوطُمْعٜنْ ࢡٜ عَدِلِعٜنْ، ࢡٜطٛنْ نجَوٛ وٛطْࢡٜ‏: «يِمْࢡٜ طِطٛ نجٜحِ حَا حَيْکَلِيرُ نغَمْ وَطُغٛ دٛعَ، غٛوتٛ ڢَرِسَاجٛ، غٛوتٛ بٛو جٛمْنٛووٛ؞ ڢَرِسَاجٛ دَرِ، وَطِ دٛعَ ندٜرْ ࢡٜرْندٜ مُمْ بَنَ نِعِ‏: يَا اَللَّه، مِيٜتِّ مَ نغَمْ مِلَاتَاکِ بَنَ يِمْࢡٜ ڢٜىٰرٜ، لَاتِيࢡٜ وُيْࢡٜ، سٛويْࢡٜ-عَدِلَاکُ، جٜىٰنٛوࢡٜ مَلَّ بَنَ جٛمْنٛووٛ عٛو؞ مِطٛنْ سُومٛ عَسَوٜىٰرٜ ڢُو ندٜ طِطِ، مِطٛنْ عِتَّ زَکَّ ندٜرْ کٛ کٜࢡَنْمِ ڢُو؞ جٛمْنٛووٛ دَرِ دَايِيطُمْ، عٛنُمَايْ کٛو ࢡَنغْتُغٛ غِتٜ حَا عَسَمَ، عَمَّا عٛڢِيِ وِࢡّٜرٜ مَاکٛ، عٛوِعِ‏: يَا اَللَّه عَمْ، يُرْمِنَمْ، مِنْ مِحَکّٜىٰجٛ‏! مِطٛنْ وِعَ عٛنْ، کَنغْکٛ عٛحٜࢡِ يٜرْدُيٜ اَللَّه ندٜ عٛحٛوتِ سَارٜ مَاکٛ، عَمَّا ڢَرِسَاجٛ حٜࢡَايْ؞ نغَمْ کٛو مٛيْ مَوْنِنِ حٛورٜ مُمْ، عٛ لٜىٰسْتِنْتٜىٰطٛ عٜ مٛ لٜىٰسْتِنِ حٛورٜ مُمْ بٛو، عٛ ࢡَنغْتٜتٜىٰطٛ؞»


ࢡٜنغَدَّنِ عِيسَى ࢡِکّٛيْ ݠَمَرٛيْ نغَمْ عٛمٜىٰمَ کٛيْ، عَمَّا ندٜ ݠُکَرَعٜنْ نغِعِ طُمْ، ࢡٜݠٜلِ وَدُّࢡٜ کٛيْ؞ عِيسَى ࢡَدِنِ ࢡِکّٛيْ غٛ کٛمْبِ مُمْ، وِعِ‏: «عَشّٜ ࢡِکّٛيْ ݠَمَرٛيْ نغَرَ حَا عَمْ؞ تَا کَطٜ کٛيْ، نغَمْ لَامُ اَللَّه وٛودَنِ عِرِنْ مَاکٛيْ؞ غٛونغَ مبِعَنْمِ عٛنْ‏: مٛ جَࢡَايْ لَامُ اَللَّه بَنَ ࢡِنغٜلْ ݠَمَرٜلْ، ڢَکَتْ عٛنَسْتَتَا نغُ سَمْ؞»


يَحُودُوجٛ مَوْطٛ ڢٜىٰرٜ ࢨَمِ عِيسَى‏: «مٛودِبّٛ بٛوطّٛ، کٛ مبَطَنْمِ حَا مِحٜࢡَ نغٜىٰندَمْ ندُومِيطَمْ؟» عِيسَى جَابِمٛ‏: «نغَمْ طُمٜ عَوِعَتَ يَمْ مِ بٛوطّٛ؟ وَلَا بٛوطّٛ، سٜيْ اَللَّه غٛوتٛ تَنْ وٛنِ بٛوطّٛ‏! عَعَنْدِ عُمْرٛوجٜ‏: تَا وَطْ نجٜىٰنُ، تَا مبَرْ-حٛورٜ، تَا وُجُّ، تَا سٜىٰدَ ڢٜوْرٜ، تٜدِّنْ بَابَ مَ عٜ دَادَ مَ؞» غٛرْکٛ غٛ وِعِ‏: «مِطٛوْتَنِ عُمْرٛوجٜ طٜعٜ ڢُو دِغَ مِ دٜرْکٜىٰجٛ تَوٛنْ؞» ندٜ عِيسَى نَنِ طُمْ، عٛوِعِمٛ‏: «لُتَّنِ مَ حُوندٜ وٛورٜ‏: سٛورُّ کٛ مَرْطَ ڢُو، حٛکُّ طُمْ تَلَکَعٜنْ، ندٜنْ کَمْ عَحٜࢡٛيَنْ ندٜسَارِ حَا عَسَمَنْجِ؞ ندٜنْ وَرْ، تٛکَّمْ؞» ندٜ عٛنَنِ بٛلّٜ طٜعٜ، عٛسُنِ مَسِنْ، نغَمْ عٛ دِسْکُطٛ مَسِنْ؞ ندٜ عِيسَى يِعِ عٛ شُنِيطٛ، عٛوِعِ‏: «طُمْ سَطَنِ رِسْکُࢡٜ نَسْتُغٛ لَامُ اَللَّه؞ نغٜىٰلٛوبَ سَالٛ ندٜرْ وُرْدٜرٜ بَاتَلْ ࢡُرِ حٛيُغٛ دٛوْ دِسْکُطٛ نَسْتَ لَامُ اَللَّه؞» نَنْࢡٜ مٛ مبِعِ‏: «تٛ نٛنْ کَمْ، مٛيْ وَاوَتَ حِسُغٛ؟» عِيسَى جَابِ‏: «کٛ وَطَتَاکٛ حَا يِمْࢡٜ، طُمْ وَطٛتٛ حَا اَللَّه؞» ندٜنْ ݠِيٜرْ وِعِ‏: «ندَا، مِنْ عَشِّ مَرْدِ عَمِنْ ڢُو، مِنْ تٛکِّ مَ‏!» عِيسَى وِعِ ࢡٜ‏: «غٛونغَ مبِعَنْمِ عٛنْ، کٛو مٛيْ عَشِّ سَارٜ مُمْ، دٜبّٛ مُمْ، دٜىٰرْطُمْعٜنْ، سَارٛعٜنْ مُمْ مَلَّ ࢡِکّٛيْ مُمْ نغَمْ دَلِيلَ لَامُ اَللَّه، حٜࢡَنْ شٛوِ طُوطِّ ندٜرْ زَمَنُورُ جٛنْتَارُ ندُعُ عٜ ندٜرْ وَرَنْدُ بٛو عٛحٜࢡَنْ نغٜىٰندَمْ ندُومِيطَمْ؞»


عِيسَى عٜوْنِ ݠُکَرَعٜنْ سَݠّٛ عٜ طِطٛ حَا مُوطُمْ، عٛوِعِ ࢡٜ‏: «ندَا، عٜنْ طٛنْ نجَحَ عُرُسَلِيمَ، کٛ اَلنَّبِعٜنْ مبِنْدُنٛ دٛوْ ࢡِي-نٜطّٛ ڢُو لَاتٛتٛ تٛنْ؞ نغَمْ ࢡٜندٛکَّنْ مٛ حَا جُوطٜ حٜىٰڢٜىٰرْࢡٜ، ࢡٜنجَنْشَنْ مٛ، ࢡٜتٛرَّنْ مٛ، ࢡٜتُوتَنْ تُوطٜ دٛوْ مَاکٛ، ࢡٜࢡٛشَّنْ مٛ؞ ࢡَاوٛطٛنْ ࢡٜمبَرَنْ مٛ، ࢩَلَادٜ تَتَࢡْرٜ عٛعُمِّتِتّٛ؞» عَمَّا ࢡٜݠَامَايْ کٛو طُمٜ ندٜرْ کٛ عٛوِعِ؞ حَالَ کَعَ لَاتِ شُوطِيکَ حَا مَࢡّٜ، ࢡٜعَنْدَا کٛ عٛيِطِ وِعْغٛ؞


ندٜ عِيسَى ࢡَدِ يٜرِکٛ، بُمْطٛ ڢٜىٰرٜ طٛنْ جٛوطِ کٛمْبِ لَاوٛلْ، عٛطٛنْ رٛوکٛ؞ ندٜ عٛنَنِ مٛوࢡْرٜ طٛنْ سَالٛ، عٛࢨَمِ کٛ وَطِ؞ ࢡٜعَنْدِنِمٛ‏: «طُمْ عِيسَى نَسَرَتُوجٛ سَالٛتٛ؞» عٛحٛولِ‏: «عِيسَى، ࢡِي دَاوُدَ ، عٜنْطَمْ‏!» عَرْدِيࢡٜ يٜىٰسٛ ݠٜلِمٛ، نغَمْ حَا عٛجٜىٰطٛ؞ عَمَّا عٛࢡُرْتِ حٛولُغٛ‏: «ࢡِي دَاوُدَ، عٜنْطَمْ‏!» عِيسَى دَرِ، عُمْرِ‏: نغَدّٜ مٛ حَا کٛمْبِ عَمْ؞ ندٜ بُمْطٛ ࢡَدِتِ، عِيسَى ࢨَمِمٛ‏: «طُمٜ نغِطَّ مِوَطَنٜ؟» عٛجَابِ‏: «جَوْمِرَاوٛ، وُمْتِنَمْ؞» عِيسَى وِعِمٛ‏: «وُمْتُ، نُطِّنْکِ مَ حِسْنِ مَ‏!» وَکَّتِ مَنْ ندٜنْ عٛوُمْتِ، عٛتٛکِّ عِيسَى، عٛطٛنْ تٜدِّنَ اَللَّه؞ يِمْࢡٜ يِعْࢡٜ طُمْ ڢُو مَنغْتِ اَللَّه؞

Ακρόαση لُکَ 18