Matiye 15

Wən narba net ɗiiyen laŋka

(Markus 7.1-13)

1Yaŋ, Farisiyenɗe* dit məsənaŋ zəga na ma henziŋ azoŋguk sə Zerusalem aza Zezu, assohonənka: 2Vi mi gewleɗ nok asbanən wəsən annet diŋgiɗəm ɓa di? Vi aw ɗanən vet dawzəm zəga va wəsba annet diŋgiɗəm məsvan ɓa. 3Zezu azlan sit na: Munokum vimi kədawray gənən ma henziŋ na Maŋgəlva də wəsən nokum di? 4Maŋgəlva amna: Aɓesən affuko dət moko, ko naway dəpel mbrayen aka affəni walla akat mani, say dəbayəni. 5Amma nokum munokum tatərbanən na: An ɗəf anahsənək affəni walla mani: An nəŋgəl nabah suk kəta səra zəga nawa, nəɗiyək vi Maŋgəlva, 6an vaski na kuket an ada ɓesən affən tay ɓa. Vaski kəray gənən wəpel na Maŋgəlva, vi kəsbanən gən an məs kədarbaŋ. 7Məluvuluvuɗe kənanaŋ, gesiŋ Ezay anahə agəɗ kleŋ akokum, amna:

8Maŋgəlva amna: Ɗiiyiŋki tahəŋ wəgakdakawən də met ɗarə,

amma mekret na faraɗay səzawa.

9Wəzuliyəŋ məs adawzuliyaŋ suwənəŋ na ɗari,

yaŋ adarbanən ma henziŋ məs ɗii adaɗɗaŋ,

va ma henziŋ na Maŋgəlva.

Zəga an nawray gən ɗəffa

(Markus 7.14-23)

10Yaŋ Zezu aye ɗiiyi, apsit na: Məpprəma məpprəmani: 11An məs dədawtoŋ ama ɗəf dədawray gən ɓa, amma an dədawgilyen sə mani, ndəni dədawray gəni.

12Gewleɗ na Zezu azaraŋka zani, apsənən na: Kəsənək na wəpel nok assanək mekret Farisiyenɗe* sa? 13Azlan sitik na: Zemve məs məslgan pak an Affən na disiŋ dəslga ɓa, kaptuwənni. 14Məppet deŋgerɗe, məkdahaŋ deŋgerɗeŋ. An daŋgar tayək daah daŋgar, sulegit pak wasbəraŋ adəv vovu. 15Piyer apsən na: Apprəman səm wən məkpaŋgaŋ ɗa. 16Zezu apsit na: Ha kakaŋka'a kapprəmanən ɓa sa? 17Kəsənən lahəŋ ɓa sa? An məs dugul ama ɗəf pak adəvən adawtoŋgo kawgilyen aka pəlwa. 18Amma an digil kəla ma ɗəffa, sə makran ada zani, ndəni dədawray gəni. 19Vi sə makra ɗəffi, wəɗum mbreyit adawgilyoŋ, tahəŋ wəmbəɗanən dəbay gən gəbaya, dəgəɗ gən mana'a ɗarɗarə wəhala, uwa wənna wəpel mbrayen azet ɗiiyi. 20Zemvit ennetiŋ dədawray gənən ɗəffa. Amma wəzəm məzaɗa vet ɓa va wənnasban net diŋgiɗti aray gənna ɗəf ɓa.

Guluk Kananiyak tətafək Zezu

(Markus 7.24-30)

21Yaŋ Zezu asil səkəti nani, ambatka aka dələv na Tirus də Sidon. 22Guluk Kananiyak naka dələv nani, tədek aza Zezu, təkamanka: Aw Ɗəfdaya wətən Davitti*, awəl saha akawa. Wətu məguluŋgət tat də tuya, tay zəm gət saha diiɗa. 23Zezu dəzlan sət ko wən taka ɓa. Gewleɗ nan azoŋko zani, apsənən na: Anah sət təllə vi tatəsbam də giŋgere. 24Zezu azlan sit na: Məslən wi viyit ɗii meɓɓet ɓa, say viyit timeŋgiɗ mizet ɗii na Israyel. 25Amma ɗak nak tukdu sənək takprata təmna: Aw abaah suwa Ɗəfdaya. 26Zezu azlan sətək na: Tay law wəgəm way səbet kirin kapsit kirɗe ɓa. 27Təmna: Vaski gesiŋ aw Ɗəfdaya, amma kirɗə vet bo tahəŋ wəfekeŋ way an dədaw bəta səmba vet migilti. 28Zezu apsət na: Ɗakə, wətaf nok diiɗay dəgəɗ suk va kəŋgələ. Wətət təmbələk pay dəpaska'a ləŋgə.

Zezu ambəl gitik məs gbəgbaɗe diiɗa

29Zezu asilik səkəti nani, ambatək kla maŋgava pe'e na Galile. Apeŋke aka mosorgo, asanka daka. 30Ɗii diiɗa azoŋko zani, akisənənək vədelɗe deŋgerɗe goryomɗe məs zit məmtəni, dit məs gbəgbaɗe meɓɓet diiɗa. Avoŋgitinik amaŋgava Zezu, ambəl gitike. 31Ɗii agətaŋgək diiɗa adan awlenin goryomɗe dawpeleŋ, məs zit məmtəni ambəlaŋka, vədelɗe tahəŋ wədawaŋ də tilti, deŋgerɗe tahəŋ ulaŋgə, agakdakanənək Maŋgəlva net Israyelɗe.

Zezu azəm gitik ɗii uzine poɗo

(Markus 8.1-10)

32Zezu ayek gewleɗ nani, apsit na: Nulak səsahit ɗiiyiŋki, vi tahəŋ də in pay hoku tahəŋ də zəga nawzəm ɓa. Nəɓap na wənahsit na məduwaŋ ɓa, vi dəzəmaŋ ɓa may waddeket aka tive an tahəŋ wəmbataŋ. 33Gewleɗ nan apsənən na: Aŋga mədawrəh zəga nawzəm awraŋ gap napsit ɗiiyiŋ di? 34Zezu assohotike: Dupeŋɗe mbarwaŋ avokum di? Azlansənənək na: Dupeŋɗe buhul gəm kilif suɗike. 35Yaŋ Zezu anah sit ɗii na, məsoŋ a fuŋ. 36Agimik dupeŋɗe buhul dit kilif suɗike neki, agəɗək soko sən Maŋgəlva, arɗetike, apsitik gewleɗ nani, net bo apsitinik ɗiiyi. 37Ndəɗaŋ pak aziminke, abaŋka. Gewleɗ akalanənək dambirgiti aknahək keŋkelɗe buhul. 38Wəŋɗa net ɗii də zimnin dupeŋɗe van aɗɗaŋgək zel uzinere poɗo, məŋɗeti gil dit kirin ɓa. 39Dərɓagani Zezu apsitik tive sit ɗiiyi, atoŋko adəv bəlay, ambatka aka dələv na Magadan.

Zur Zeit ausgewählt:

Matiye 15: GDRNT85

Markierung

Kopieren