Beliebte Verse in Luk 13

Teilen

“Yufala mas traehad fo go insaet long disfala doa wea hemi smolfala tumas. Bikos mi talem long yufala, bae plande pipol tumas nao olketa traehad fo go insaet, bat bae olketa no save fo go insaet.

Long taem ya, wanfala woman hemi stap wea wanfala devol hemi stap long hem, an hemi bin mekem hem fo sik fo eitinfala yia nao. An baeksaet blong woman ya hemi ben fogud wea hemi nating save stanap stret. Taem Jisas hemi lukim woman ya nomoa, hemi kolem hem kam, an hemi sei long hem, “Woman, yu fri nao from siknis wea hemi spoelem yu.”

An hemi putum tufala han blong hem antap long woman ya an semtaem nomoa woman ya hemi stanap stret nao an hemi gohed fo mekhae long God.

Mi talem long yufala, samfala pipol hu olketa las long distaem, bae olketa kamap nambawan moa. An samfala pipol hu olketa nambawan long distaem, bae olketa kamap las moa.”

Taem man hu hemi onam haos ya hemi go an satem doa, bae yufala stanap aotsaet an gohed fo noknok an askem hem olsem nao, ‘Plis masta. ?Yu save openem doa fo mifala?’ Bat bae hemi ansarem yufala olsem, ‘!Mi nating save long yufala ya!’

!Nomoa ya! Bat mi talem long yufala, sapos yufala no lusim olketa ravis wei blong yufala, bae yufala evriwan i dae olsem olketa tu ya.”

Bat bae man ya hemi tok olsem moa, ‘Mi nating save long yufala ya. !Yufala giraot from ples ya, bikos wei blong yufala hemi ravis tumas ya!’

Nao Jisas hemi askem olketa pipol olsem, “?Kingdom blong God, hemi olsem wanem ya? ?Watkaen samting nao mi save yusim fo somaot klia? Hemi olsem wanfala sid blong mastad tri wea wanfala man hemi tekem an plantem insaet long gaden blong hem. Nao taem sid hemi grouap kam an hemi bikfala olsem tri, olketa bed olketa kam an mekem haos blong olketa long olketa brans blong hem.”