Beliebte Verse in Luk 14

Teilen

“Eniwan hu hemi kam long mi wea hemi laek fo kamap disaepol blong mi, hemi mas lavem mi moa winim hao hemi save lavem mami an dadi blong hem an waef blong hem an olketa pikinini blong hem an olketa brata an sista blong hem, an nomata laef blong hem seleva tu.

An eniwan hu hemi no wiling fo karim kros blong hem an falom mi, disfala man ya hemi no save kamap wanfala disaepol blong mi.

So hemi olsem tu, sapos eniwan hemi mekem hem seleva fo hae, bae God hemi mekem hem fo lou, bat eniwan hu hemi mekem hem seleva fo lou, bae God hemi mekem hem fo hae moa.”

So yufala tu mas tingting gud fastaem olsem, bikos man hu hemi no wiling fo lusim evrisamting wea hemi garem, hemi no save kamap wanfala disaepol blong mi ya.”

“Sapos wanfala long yufala hemi wande fo wakem wanfala haos, hemi mas sidaon fastaem fo faendemaot haomas seleni nao hemi fitim fo wakem haos ya. Long wei ya, hemi save luksave sapos hemi garem naf seleni fo finisim disfala haos o nomoa. Nao sapos hemi no duim olsem, nomata hemi finisim faondesin blong haos ya, bae hemi no save fo finisim haos ya. An bae olketa pipol i lukim nomoa an bae olketa tokspoelem hem olsem, ‘!Maewat! Man ya, hemi stat fo wakem haos ya, bat go-go hemi no save finisim.’

Bat taem yu mekem fist, yu mas askem olketa pua pipol, an olketa hu lek blong olketa i dae, an olketa hu ae blong olketa hemi blaen, an olketa nara pipol wea bodi blong olketa hemi nogud. Olketa ya nao i no save sensimbaek disfala fist wea yu mekem fo olketa. So sapos yu duim olsem, yu save hapi nao ya, bikos God nao bae hemi sensimbaek long yu long taem wea bae olketa stretfala pipol olketa laefbaek moa.”

An Jisas hemi sei moa, “Solt hemi wanfala gud samting ya, bat sapos hemi lusim strong blong hem, bae yu no save mekem hem fo gudbaek moa. Bae hemi nating fit fo yusim fo enisamting moa, nomata fo miksim wetem graon long gaden, o fo putum wetem olketa ravis wea hemi save roten fo mekem graon gudfala moa. Hemi fitim nomoa fo torowem. So eniwan hu hemi garem ia, hemi mas heremgud toktok ya nao.”