Beliebte Verse in Luk 12

Teilen

So yufala tu yufala mas redi olowe, bikos mi San Blong Man bae mi kambaek long taem wea yufala i nating save long hem.”

So yufala mas tingting oltaem long kingdom blong God. An evrisamting wea yufala laekem ya bae God nao hemi givim kam long yufala.”

An Jisas hemi gohed fo tok olsem long olketa, “Yufala mas lukaot gudfala, nogud yufala garem diskaen tingting fo tekem enikaen samting fo yufala seleva nomoa. Bikos tru laef blong man hemi no stap long olketa samting wea hemi garem, nomata hemi garem plande samting tumas.”

Bikos ples wea olketa risis blong yufala hemi stap long hem, long ples ya nao tingting blong yufala hemi stap long hem tu.”

An nomata yufala wari tumas long laef blong yufala, yufala no save mekem laef blong yufala fo stap lelebet longtaem moa.

Jisas hemi tok olsem long olketa disaepol blong hem, “Dastawe nao mi talem long yufala, yufala mas no wari abaotem wanem nao bae yufala kaikaim, mekem yufala stap laef. An yufala mas no wari tu abaotem wanem nao bae yufala save werem long bodi.

Yufala save, nomata olketa hea long hed blong yufala, God hemi save long evriwan. So yufala mas no fraetem enisamting, bikos yufala nao bikfala winim go moa plande bed ya.”

An Jisas hemi sei moa, “Yufala no fraet, nomata yufala smolfala seksin nomoa, bikos Dadi blong yufala hemi hapi tumas fo letem yufala stap insaet long kingdom blong hem.

Yufala tingting fastaem long olketa bed ya. Olketa nating wari fo wakem eni gaden o fo tekem kaikai kam long gaden, an olketa no garem eni haos tu fo kipim kaikai long hem. Bat nomata olsem, God nao hemi fidim olketa. Bat yufala ya, yufala nao bikfala samting long ae blong God winim olketa bed ya.

“An yufala no wari tumas, an yufala no tingting olowe long wanem nao bae yufala kaikaim an wanem nao bae yufala dringim.

Olketa flaoa olobaot ya, olketa save stap fo lelebet taem nomoa, an bihaen ya, olketa pipol save torowem olketa go long faea nomoa. Bat nomata olketa olsem, God hemi givim samting wea hemi lukgud tumas fo olketa werem. ?Bat yufala tingse bae God hemi no save givim kaleko long yufala? Biliv blong yufala hemi smolfala tumas ya.

Evrisamting wea man hemi haedem, bae evriwan save luksave long hem nomoa. Ya, evrisamting wea hemi staphaed distaem, bae evriwan save long hem nomoa.