Svun Lucas 19
19
Ja' li' yaloj ti ilecubtasbat yo'on ti Zaqueoe
1Ti Jesuse, i'och ta Jericó istuch' jelavel li jteclume. 2Tey nacal jun jc'ulej, Zaqueo sbi, ja' totil yu'unic li jc'an-loc'-c'usiticuque. 3Tsc'an chojtiquin ti Jesuse, pero mu sta ta ilel, yu'un toj ep tajmec ti crixchanoetique, xchi'uc c'usuc, yu'un toj comcom ti Zaqueoe. 4Yech'o un ijelav ech'el ta anil, ba muyuc ta jtec' sicómoro yo' sta o ta ilel ti Jesuse, yu'un sna'oj ti tey ta x'ech'e. 5Ti c'alal tey i'ech' ti Jesuse, isq'uel muyel, ja' yech iyalbe chac li'i:
—Zaqueo, yalan tal ta ora yu'un tsots sc'oplal ti tey chibat ta anae. ―Xut.
6Ti Zaqueoe ora iyal, xmuyubaj xa iyic' ech'el ta sna ti Jesuse. 7Ti c'alal iyilique, xvulajetic xa liquel ta stojol ti Jesuse, i'och ech'el ta sna li jmulavile. ―Xiic.
8Ti Zaqueoe isva'an sba, xi iyalbe ti Cajvaltique:
―Q'uelavil Cajval, ta xcac'be j'o'loluc c'usuc cu'un li me'onetique; ti mi oy much'u oy c'usi quelc'anojbee, ta jsutesbe chanibuc belta más. ―Xut ti Jesuse.
9Ti Jesuse ja' yech iyalbe chac li'i:
—Lavie iyul xa tal li coltael li' ta jp'ej nae, yu'un li vinic li'i ja' smom ti Abraham uque. 10Vo'on ti Xch'amal crixchano li c'ote, ja' tal jcolta, ja' tal jsa' ti muc'u ch'ayemique. ―X'utat yu'un ti Jesuse.
Lo'il scuenta lajunvo' j'abtel ti i'ac'bat sliquebic yu'un li yajvalique
(Mt 25.14-30)
11Ti c'alal tey cha'iic c'usi chal Jesús li crixchanoetique, tey lic yal jun lo'il ti c'alal po'ot xa ox xc'otic ta Jerusalene, li crixchanoetique isnopic ti ja' xa sc'ac'alil ch-och ta reyal ti much'u st'ujoj ti Rioxe.
12Ti Jesuse ja' yech iyal chac li'i: «Oy jun vinic lec ichbil ta muc', ibat ta nom ta yan balamil, yu'un ba yich' tal yabtel ta reyal, ts'acal to tsutal. 13Ti c'alal mu to'ox chloc' ech'ele, iyic'tal lajunvo' yaj'abteltac. Iyac'be comel sliquebic, ja' yech iyalbe chac li'i: “Abtejanic o li taq'uin li'i, ja' to xavac'becon mi li sutale.” —X'utatic comel. 14Pero mu xc'ane yu'un li crixchanoetic ta slumale, istaquic ech'el mantal yo' bu batem yich' tal yabtele, ti ja' yech ch-cot yalic chac li'i: “Mu jc'anticotic ti ja' ch-och ta reyal li vinic li'i.” —Xiic c'otel.
15»Pero iyich' onox yabtel ta reyal, isut tal ta slumal. Ti c'alal iyule, istac ta iq'uel li yaj'abteltac yac'ojbe comel taq'uine, yu'un cha'i c'u yepal ijolin yu'unic jujun li staq'uine. 16Li jun ba'yi itale ja' yech iyal chac li'i: “Cajval, lataq'uin avac'bon comele, ijolin cu'un lajun'ech'el más.” —Xut li Yajvale. 17Li reye itac'av: “Li vo'ote lequil j'abtelot; jutuc ti lacac'bee pero sjunul avo'on la'abtej o, lavie chacac'be acuentain lajuneb (10) jteclum.” —X'utat. 18Ital noxtoc li june. “Cajval, lataq'uin avac'bon comele ijolin cu'un vo'ech'el más.” —Xut li Yajvale. 19Ja' no'ox yech istac'be li jun uque: “Li vo'ot uque chacac'be acuentain vo'ob (5) jteclum.” X'utat.
20»Ital noxtoc li june ja' yech iyal chac li'i: “Cajval, ilo lataq'uine. Ijsut' lec ta paño, ijnac'; 21yu'un lixi' ta atojol, jna'oj ti toj tsots avo'one ti jp'el xavale, ti chavich' sutel ti bu muc' bu avac'oj o avocole, xchi'uc ti chac'aj ti bu muc'bu ats'unoje.” —Xi. 22Ti reye ja' yech iyalbe chac li'i: Li vo'ote chopol j'abtelot, ti c'usitic iloc' ta a vee ja' cha jchapanot o. Ti mi ana'oj ti toj tsots co'one ti jp'el xcale, ti ta jtsob ti bu muc'bu cac'oj jvocole, ti ta jc'aj ti bu muc'bu jts'unoje, 23¿c'u yu'un ti muc' xavac' jolinuc ta bancoe, ti c'alal liyule, yul quich'be xchi'uc sjol ti yechuque?” —X'utat. 24Xi iyalbe ti much'utic teyic uque: “Pojbeic li taq'uine, ja' ac'beic li much'u isjolintas lajun'ech'el mase.” —X'utatic. 25Itac'avic: “Cajval, ¡pero yich'oj xa lajuneb belta más!” —Xutic. 26“Itac'av li reye: “Chacalbe ava'iic, ti much'u oy yu'unique ta xich' ac'bel más; yan ti much'u ch'abal yu'une ta xpojbat, ti c'u yunen'epal oy yu'une. 27Yan li much'utic chiscrontainique, ti mu sc'anic ti vo'on reyone, iq'uic tal li'toe, li' ta jsat xamilique.”» Xi li reye ―x'utatic yu'un ti Jesuse.
Ja' li' yaloj i'och ta Jerusalén ti Jesuse
(Mt 21.1-11; Mc 11.1-11; Jn 12.12-19)
28Ti c'alal laj yal chac taje, ibat c'alal Jerusalén. 29Ti c'alal istabeic stuq'uil Betfajé xchi'uc Betania ta yoc jp'ej vits Olivotic sbie, istac ech'el cha'vo' yajchanc'optac, 30Ja yech iyalbe chac li'i:
—Batanic le' ta parajele, ti mi lac'otique tey chucul chataic jcot burro, mu to much'u scajlebinoj. Jitunic, nitic tal. 31Mi oy much'u cha sjac'beic c'u yu'un ti chajitunic li burroe, xavalbeic ti ja' chtun yu'un ti Cajvaltique. ―X'utatic ech'el yu'un ti Jesuse.
32Li yajchanc'optaque ibatic, ti c'u x'elan i'albatic ech'ele, ja' yech c'ot staic. 33Ti c'alal xyaquet tsjitunic li burroe, ijac'batic yu'un li yajvaltaque:
—¿C'u yu'un ti chajitunic li jburroe? ―X'utatic.
34Itac'avic li cha'vo'e:
—Yu'un ja' chtun yu'un ti Cajvaltique―xutic.
35Isnitic tal yo' bu ti Jesuse, iyac'beic stasin spimilc'u'ic li chex burroe, iscajlebin ti Jesuse. 36Ti c'alal yolel chanav ech'el ta be ti Jesuse, ti crixchanoetique isq'ui spimilc'u'ic ta be. 37Ti c'alal po'ot xa'ox staic li yaleltic ta vits Olivotique, ti much'utic scotol c'ac'al ixchi'inic ti Jesuse, xmuyubajic xa ta jmec lic avanicuc scotolic, iyalbeic slequilal ti Rioxe, yu'un yilojbeic slequilal syu'elal ti Jesuse.
38Ja' yech iyalic chac li'i:
—¡Lec tajmec li Rey ti tacbil tal ta sbi ti Cajvaltique! ¡Ch'abaluc xa c'op tey ta vinajele, ich'biluc ta muc' Riox tey ta más toyole! Xiic.
39Oy jayvo' jfariseoetic ti tey capalic ech'el ta epal crixchanoetique, xi iyalbeic ti Jesuse:
―Jchanubtasvanej, pajeso li much'utic snap'letaojote. ―Xutic.
40―Pero ti Jesuse, ja' yech itac'av chac li'i:
—Chacalbe ava'iic, mi ta xch'aniique, ja' chlic avanicuc li tonetique. ―X'utatic.
41Ti c'alal nopol xa'ox sc'an xc'otic ta Jerusalene, c'alal isq'uel li jteclume, ti Jesuse iyoq'uita, 42Ja' yech iyal chac li'i: «¡Ti ava'ibeuc smelol ti ja xa sc'ac'alil chata jun avo'one! Pero lavie mu xava'ibe smelol, yech'o ti mu xa vile. 43Yu'un ta sta yora ti chtal tsots avocole, yu'un chtal sjoyintaot lacrontataque, chtal amaquel ta jujot, 44chtal slomesel scotol li anae. Ta xich'ic milel li jnaclejetic avu'une, mi jp'ej ton muc' bu cajal chcom ta sba li yan tonetique, ja' ti muc' xa vojtiquin ti c'alal ay ta atojol ti Rioxe.» ―Xi ti Jesuse.
Ja' li' yaloj ti isnuts loq'uel jchonolajeletic ta ti' muc'ta templo ti Jesuse
(Mt 21.12-17; Mc 11.15-19; Jn 2.13-22)
45Ti Jesuse i'och ech'el ta muc'ta templo, isnuts loq'uel scotol li jchonolajeletic teyo'e, 46ja' yech iyal chac li'i:
—Li ta sc'op Rioxe ja' yech chal chac li'i: “Li jnae ja' snail jc'oponobil”, —Xi. Pero li vo'oxuque ac'atajesic xa ta snail ch'en j'eleq'uetic. ―Xi.
47Ti Jesuse scotol c'ac'al tey ichanubtasvan ta muc'ta templo, ti totil paleetique xchi'uc ti much'utic ta xchanubtasvanic ta smantaltac Rioxe, xchi'uc ti totiletic tey ta jteclume, tey tsnopilanic c'u x'elan tstaic ta milel ti Jesuse. 48Pero mu c'usi stac' iyilic, yu'un scotol li crixchanoetique, jun yo'onic cha'iic c'usi chal ti Jesuse.
Valgt i Øjeblikket:
Svun Lucas 19: LeqAC
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Sociedad Biblica de Mexico AC
