Marako 6
6
1Adi dre fozo dalese, dre cazo ai tandini la’una; dia ai tayilepi dii dreki lizo adi vuse. 2Kitu sabiti adea kaca di, adi ba ta tadale sinagogona: dia bi adini tayilepi diiki lindri gaga, aii dreki taza, Ago nidi ni ta nii angualese ya? Adi fe tanini nidi ago nididri ni ya ta kokoroko nitini akodi dre ozoa i dreka niiki andu angini ya? 3Akodi fe‐galepi di ko ya? akodi mva Maria adea, adrupi Yakobo adea e, Yose adea e, Yuda adea e, Simona adea be ko ya? akodia amvupii adreki konua ama be ko ya? Aiiki togo dre asuazo adiru. 4Yesu dre taza aiidri, Nabi kañi bale la’u azidi lena di be, a ba akodia kañi akodia tandini la’una di ko, akodia tandini adrupie kofulaa di ko, akodia tandi bana ko. 5Adi kicoa azi kokoroko o dale ko: i ba drika dia ca drafulepi diiru kodi’a, dre aiiki ledezo. 6Adini lindri gada aiiki ta ka’ile ko dise.
Adi dre tecizo ba‐ase kurukuru, dre ta tadazo.
7Adi dre mudri‐dri‐iri niiki zizo i vuna, dre aiiki bazo mule iri iri, adi dre aiiki mi bazo lanjile lanjilanji teri konji dii dri; 8adi dre ta tazo aiidri koliro latiase angia, kodi alo kutufa kodi’a; kodo ambata ko, komvo ko, kodo parata aiiki gofolona ko. 9Aii košo kamaka aii pa, dre koti ašozo iri ko. 10Adi dre taza aiidri, Ba angodi ya mì dre šizo jona, mì ayi dale mì dre adrera’a ba nidi lena di. 11Vo angodi ya aii kodri ami ko, aii koyi amiki ta ko, mì dre afora’a dalese, mì kotowa kini ami pagale‐ase tandu tadazo aiidri. 12Aii dreki fozo, dreki mando ngizo dia kalaro aiikia togo. 13Aii dreki daimona bi dii ladrozo dia‐ase, dre dia bi dra‐fulepi dii tinizo dose, dre aiiki ledezo.
14Maleke Erodi dre rubina yizo, runa dre la’ule dise: adi dre taza Yoane dia Batisilepi di ngadre dradra‐ase, ta nidise di tai kokoroko nii dre adi o ni lana. 15Dia arukaba ki di, Akodi Eliya e, arukaba ki di, Akodi nabi e, Akodi nabi alo di tini. 16Erodi ko ni rubina di, i ki di, Yoane, ma dre dri gale kiono di, akodi nga dradra‐ase dre. 17Kiono Erodini tandi dre dia mule Yoaneni ru dise, dre akodia lambezo bagojona Erodiasini tase, ai adrupi Pilipoa toko e: i dre adini mole dise. 18Yoane dre tale Erodidri dise, ki di, Nidi togi e ko mi dre ami adrupia toko mozo di. 19Erodiasi dre adini ta letezo i lena, dre adini lezo fule drale, i kicoa ko kani’a. 20Erodi dre Yoane role roro dise, dre nizoa akodi dia ta olepi piri di e, akodi dia lolo e, i dre suzo akodi ru tani. Adi ko yi akodia tai di, i o ta bi dii, dre akodia tai lezo yile we. 21Kitu alo kaca di, kitu adini tizo dise, Erodi dre ai miriiki zizo ai dia adrelepi tadriro diiki zizo, dia maligaro Galilayaa diiki zizo aii kaliro nga ña; 22Erodiasini tandia mvatoko kaši aii kandra di, dre nga tozo, Erode e, dia lirilepi nga ña akodi be dii be aii lenzeki adise; maleke dre taza ajukumvadri, Mi kozi ado nga ya mi dre lele di ma ti, ma kofero midri. 23I dre ai pa wazo adidri, ki di, Ado nga ya mi kozi ma ti di, ma kofero midri, kadre nitini di ma kuku mataya mana di kofule midri. 24Akodi dre fozo, dre taza andreadri Ma kozi ado nga ya? Adi dre taza, Yoane dia Batisilepi dia dri. 25Drañano adi dre šizo mbele maleke vuna, dre zizo akodi ti, ki di, Ma le mi kofe madri ñanomvano Yoane dia Batisilepi dia dri ndakpana. 26Tiza adre malekeni o we; dre ai pa wale dise, dia lirilepi adi be diise, adi le ajukumva ndele ko. 27Drañano maleke dre tukutuku i laga di muzo, dre ta tazo kali adini dri be: adi dre lizo akodia dri li bagojona. 28Dre akodia dri adozo ndakpana, dre feza ajukumvadri, ajukumva dre feza andreadri. 29Dia adini tayilepi dii ko yi ta nidi di, aii dreki alizo adini avo, do bale buna.
30Dia mule dii dreki rukebezo Yesu vuna dreki ta tepezo o̱ei adidri, ado ta ya aii dre ole di, ado ta ya aii dre tadale di. 31Adi dre taza aiidri, Amiki tandi mì kali ami taiya vo aṅboro di drina lovole ca. Dia bi diise, arukaba bi dii dreki alizo, arukaba bi dii dreki njizo, lokia aiidri lovozo nga ña tejia yokodo. 32Aii dreki njizo kaluṅba‐ase lile vo aṅboro di drina aii taiya. 33Dia dreki aiiki lira nozo, dia bi dii dreki aiiki nizo, aii dreki razo zia cale ni. 34Adi dre afozo, dre dialezolepi bi dii nozo, ai togo dre ti̱zo aiise, aii dreki adrele kabilikia tini dise, kabilikia‐likilepi di dayokodo: adi dre ta bi dii andu bazo tale aiidri. 35Kitu ko o ta ndizo di, dia adini tayilepi dii aliki adi vuna, dreki taza, Vo nidi aṅboro, kitu o ta ndizo ñanomvano; 36mi komu dia aii koliro la’u‐ase, ba‐ase kurukuru nga gi aiidri ñale. 37Adi ako ta tale, dre taza aiidri, Mi kofe nga aiidri ñale. Aii dreki taza adidri, Mà koli nga gi mokuta kama iri diise, nga fezo aiidri ñale ya? 38Adi dre taza aiidri, Ambata be ami drika angopi ya? Mì li noa. Aii ko ni di aii dreki taza, Ambata nji, kosia iri. 39Adi dre ta tazo aiidri, dia o̱ei dii koliri mbi solisoli di dri ti̱ri̱ro. 40Aii dreki lirizo ti̱ri̱, arukaba ñadinji ñadinji, arukaba ñadiri‐dri‐mudri, ñadiri‐dri‐mudri. 41Adi dre ambata nji dii dozo kosia iri dii be, dre mi dora‐a kuruna i ba beneditu ngaru, dre ambata tupizo, dre fezoa dia ai tayilepi dii dri̱ bale aii kandra; adi dre kosia iri dii lanjizo aiidri o̱ei. 42Aii ñadre o̱ei, aii dre pizo. 43Aii dre ambata koroño kuduzo kanji mudri‐dri‐iri dii‐a tukuda, kosia iri diikia be. 44Ago ambata ñalepi dii kutu nji.
45Drañano adi o dia ai tayilepi dii šile kaluṅbana, aii dreki ziazo dridri ta’ana Betesedana, adi tandi dre dialezolepi dii muzo lile. 46Tako adi ta ta aiidri njira’a, i dre ngazo mbale kiradrina ngole Nzambedri. 47Nga kani dre di kaluṅba adre yi ketogona, adi adre ta’ana kaloma. 48Adi dre aiiki nozo, aii dre adrera kaluṅba lagu sole di‐a, lia dre vile aii mi dise, ngale ta lamazo vese su nga̱cise ya di, adi ali tecibe aii vuna yi drise; adi o ta lavuzo aii lagase. 49Aii ko no akodi tecira’a yi drise di, aii ta ase akodi teri e, dreki trezo. 50Aii o̱ei aii dreki akodia nole dise, aiiki togo dre ta ozo kuku. Drañano akodi adre ta ta aii be, dre taza aiidri, Amiki togo kadre kedrikedri: nidi ma e: mì kororo ko. 51Adi dre šizo aii vuna kaluṅbana; lia dre akezo: aiiki lindri dre gazo aii lena gaga we; 52aii dreki ambatani ta nile ko dise, aiiki togo mbamba.
53Aii kozia yiase di aii dreki cazo ta’ana Genesaretana, dre kaluṅba ’izo siñadri. 54Aii kafo kaluṅba‐ase di, drañano dia dre adini nizo, 55aii dreki razo la’u‐ase kurukuru o̱ei, aii dreki dia dra‐fulepi dii anduna bazo dole aiikia langadri, vo anda lena aii dreki yizoa akodi be. 56Vo angodi ya adi dre šizo di, bana, ba murungu di‐a, la’u‐a aii lala dia dra‐fulepi dii libongo vura’a, dre ngozo akodiru aii kotabero teji akodi bongoti: dia akodia tabelepi dii lederuda.
Valgt i Øjeblikket:
Marako 6: LOG
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
first printed by the British and Foreign Bible Society in 1924 and 1927.
