Marako 7
7
1Farusii dreki rukebezo adi vuna, dia tatišilepi dii arukaba be, acale Yerusalemilese dii, 2aii dre dia adini tayilepi diiki arukaba nozo kiono aii adreki aiiki nga ña aiiki drika ketekete ko, drika ji akoro. 3Kadre nitini Farusii e, Yudaa dii be o̱ei aii ko ji aiiki drika tawase ko di, aii ña nga ko, dreki ta aku maligakia tale di yira’a: 4aii kanji libongolese di, aii koji aiiki ruba ko di, aii ña nga ko: tai bi azina aii dre rule ole dii, tai kega jizo di, tai ledri jizo di, tai ledri aiyaro dii jizo di. 5Farusii e dia tatišilepi dii be, aii dre ta lizizo adi ti, ki di, Dia ami tayilepi dii teci ta aku maligakia tale di vuse ko adose ya? aii dre aiiki nga ña aiiki drika ketekete ko. 6Adi dre taza aiidri, Yesaya adre nebita ta geagea amise dia togo iri dii, ngoro ta tišile di tini, ki di,
Dia nii adreki ama kañi ba aiiki tise,
Aiiki togo voavoa ma ruse kani’a.
7Aii adreki ama kañi ba tako,
Dreki togi diakia dii tadara’a mandoro.
8Mì ta’i togi Nzambe adea, dre togi diaki di ruzo ṅbi. 9Adi dre taza aiidri, Mì kuku togi Nzambe adea vele, mì ko’oro amiki ta aku di. 10Mose dre tale dise, ki di, Mi koba ami atani kañi, ami andre be; ki di, Dia ta konji talepi ataru andreru di kodra pati: 11mì adre ta ta, ki di, Dia ko ta di ataadri andreadri, ki di, Nga anda ma kicoa fe na ami dri, mi dre adrezo tani asa, adre Korobono, ta nidi adre ta, Afe Nzambedri di; 12mì kota ta dria, kota’i ta o o atanadri di, andrenadri di o̱ei; 13dre ta Nzambe adea bara’a tako amikia ta aku mì dre fele dise: mì adre ta bi niitini di o ami. 14Adi dre dialezolepi dii zizo todia i vuna, dre taza aiidri, Ami o̱ei mì koyi ta ma dre tale di, mì koyi geagea: 15nga alo amve di šilepi dia lena kicoalepi dia o konji di yokodo: ta afolepi dia lese dii, ta nii adreki dia o konji ni. 16Ngale dia alo adrelepi bibale be ta yi di, koyi wa. 17Adi ko nga šile jona dialezolepi dii kofulese di, dia ai tayilepi dii adreki ta lizi adi ti ta ni andu alale dise. 18Adi dre taza aiidri, Ami koangia mì adre ta ni akoro nitini ya? Mì atogia ko ya, ado nga ya o šile dia lena amvelese kicoa akodia o konji ko; 19nga dre šile akodia togona ko dise, adre šile akodi a kani’a, dre fozo amve zero, nga ñale dii o̱ei ledezoa ketekete. 20Adi dre taza, Ta afolepi dia lese dii, ta nii adreki dia o konji. 21Tai dre afole diaki togoase dise, ta konji tušule dii, ta dia mo ako di kamvole dii, 22ta nga kugule dii, ta konjilepi we dii, ta kinzo ole di, ta ta konji lavo bale di, ta mi bazo konji diaru di, ta ta konji tale diaru di, ta buṅa ole di, ta ta tobizo di: 23ta o̱ei konji nii afoki dia lese, dreki dia ozo konji.
24Adi dre ngazo dalese, dre njizo kofule Tura adea Sidona be di‐a. I dre šizo jona, dre lezoa dia alo di ko ni nidi ko: i kicoa i zu ko. 25Drañano toko alo, akodia mvatoko camva adre teri konji be, akodi dre adini rubi yizo, dre alizo dele adi pa. 26Toko nidi Giriki e akodia šuru Suria‐foinike. I dre ngozo adiru, adi kodroro daimona ai mvatoko‐ase. 27Adi dre taza akodidri, Anjia kopi dridri: ta anjiekia liña dozo bele kokiae dri̱ su ko kani’a. 28Akodi dre ta akozo, dre taza adidri, Aizako, Miri: kokiae mesa zona dreki anjiekia koroño ñazo kani’a. 29Adi dre taza akodidri, Ta nidise mi do ami lati lizo; daimona nga ami mvatoko‐ase dre. 30Akodi dre lizo jona, dre mva kušuzo ayida langadri, daimona nga asa dre.
31Adi dre fozo todia kofule Tura‐ase dre lavuzo Sidona‐ase, dre acazo yitapara Galilaya adea laga, kofula Dekapoli adea‐ase. 32Aii dreki dia adrizo adi vuna, bibalena azudre, kuli lugbalugba; aii dreki ngozo adiru, adi koba drika akodiru. 33Adi dre akodia drizo dialezolepi dii ketolese kaloma, dre drikamva sozo akodi bibalena, dre tušu fuzo, dre akodia ladra tabezo: 34dre mi dora’a buna, dre la’azo katu, dre taza akodidri, Epata, ta nidi ta, Ami bibale konjiru. 35Akodi bibale njiruda, bago akodia ladra adea trida, akodi dre ta tazo geagea. 36Adi dre logazoa aiidri re aii kotaro diadri tejia ko: ngoro adini ta logale di aiidri re di tini, ngoro aiiki ta bazo la’ule la’ula’u we di tini. 37Aiiki lindri ga amba ni, aii ki di, Akodi o tai o̱ei tani: i adre dia bibale azulepi di lede ta yi, dre dia kuli ako di ledezo tai ta.
Valgt i Øjeblikket:
Marako 7: LOG
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
first printed by the British and Foreign Bible Society in 1924 and 1927.
