Marako 5
5
1Aii dreki cazo ta’ana, la’u Gerasakia lena. 2Dra adi dre afozo kaluṅba‐ase di, drañano ago teri konji be di afo mogo ketoase i dre rukušuzo adi be. 3Akodia adrera mogo ketona; dia kicoa akodia lambe todia ko, ñarise tejia ko. 4Aii dreki akodia lambele we komvese, ñarise dise, akodi dre ñariki kezo, dre komveki toṅozo konokono: dia iriñi be di tejia yo akodi o adrele malimali. 5Nga̱cise, kituse, akodi adre trele kolia, mogo ketona, kira palena, ai rumva loara’a kirase. 6I ko no Yesu rararo di ra nguse, dre tandizo adi kandra. 7Dre trezo dradra, ki di, Ama tai mi be ado ya, Yesu mi Mva Nzambe adrelepi kuruna ambani di adea? Ma zi mi Nzambeni ruse, mi kofo ama mi ko. 8Adi dre tale akodidri dise, ki di, Teri konji, mi kafo ago niase. 9Dre ta lizizo akodi ti, ki di: Ami ru ado ya? Akodi dre taza adidri, Ama ru Legioni, mà dre adrele bi dise. 10Akodi dre zizo adi ti komuro aii lile la’u niase ko. 11Kadre nitini kezia bi adreki nga ña kira nadi aolese. 12Aii dreki ngozo adiru, ki di, Mi komu ama kezia’a, mà koširo aii lena. 13Adi dre ka’izoa aiidri. Teri konji dre afozo šile keziae lena. Kezia dreki tozo golokoase yitaparana: aii ngale kutu iri ya di, aii dreki drazo yina. 14Dia kezia likilepi dii dreki lapazo, dreki ta nidini andu tazo ba murunguna, la’uase. Aii dreki alizo ta acalepi di no. 15Aii dreki alizo Yesu vuna, aii dreki dia daimona dreki rule dridri di nozo, dre lirira’a, bongo be i ru, tiritiza akedre ru asa, akodi adrelepi legioni be di: aii dreki rozo roro. 16Dia ta nidi nolepi dii adreki dia daimona dreki rule dre di’a tandu tada aiidri, tandu keziakia di be. 17Aii dreki tandu bazo ngole adiru konga aiiki kofulease. 18Adi dre šira’a kaluṅbana, dia daimona dreki rule dre di adre ngole adiru i koliriro adi be. 19Adi ka’i akodidri ko, dre taza akodidri, Mi nji mi bana, ami arupii vuna, dre ta murungu Miri dre ole mise dii tepezo aiidri, adini ta ki̱niki̱ni midri di. 20Akodi do ai lati njizo, dre ta rubi nidi andu bazo la’ule Dekapolina, ta murungu Yesu odre akodidri: dia o̱ei aiiki lindri dre gazo gaga.
21Yesu ko zia todi kaluṅba‐ase ta’ana di, dialezolepi bi dii keberu akodi vuna: akodi dre adrezo yitapara laga. 22Ago alo sinagogoliiki kofulease dre alizo, runa Yairo, dre adini nora’a, de adi pa. 23Dre ngozo adiru we, ki di, Ama mvatoko camva di o ta drazo: ma ngo miru mi kaliro drika ba akodiru a koledero akodi adrele. 24Adi dre lizo adi be, dialezolepi bi dii liki adi vuse, dreki adini kipizo.
25Toko, akodia kari dre afozo kona mudri‐dri‐iri, 26dre lizazo alokolii bi diikia tase we, dre ai nga gizo o̱ei dre, rubana dre lovozo tejia ko, amba akodia dra konji dridri di ruse, 27dre Yesuni rubi yizo, adi ali dialezolepi diiki kofulease Yesu amvolese, dre akodia bongo tabezo. 28Adi dre tale dise, ki di: Ma kotabe akodia bongo kodi’a di, a kolede ma kani’a. 29Drañano kari afolepi di sedre, adi dre nizoa i ru dra konji ake i ruse dre. 30Drañano Yesu dre atoi giazoa i lena iriñi i lese di afodre, ala e dialezolepi dii ketona, dre taza, Adi tabe ama bongo ni ya? 31Dia adini tayilepi di dreki taza adidri. Mi no dialezolepi dii adreki ami kipi, mi dre taza, adi tabe ma ni ya? 32Adi dre mi lebezo i lagase dia ta nidi olepi di no. 33Toko dre liara’a tirise, dre ta nidi a o idri di nizo, ali dre dezo adi kandra, dre ta pati di tepezo o̱ei adidri. 34Adi dre taza akodidri, Mvatoko, ta mina ka’ile di lede mi dre; mi li, ami togo kadre kedrikedri, a kolede mi ami dra konji‐ase.
35Adi dre ta tara’a, aii aliki sinagogoliini joalese, dre taza, Ami mvatoko dradre, mi go Togilii nidini arukia adose ya? 36Yesu yi ta aii dre tale di, dre taza sinagogoliidri. Mi kororo ko, mi koka’i kodi’a. 37Adi le dia alo di lile i vuse ko, alo Petero e, Yakobo e, Yoane be Yakoboni adrupi. 38Aii dreki acazo sinagogoliini jona; adi dre lulu gale di nozo, dre dia bi adrelepi ngole mindra be dii, adrelepi ao ngo we dii nozo. 39Adi ko’o šile di, i dre taza aiidri, Mì adre lulu ga, adrezo ngole adose ya? Mva dradre ko, adre ayiko. 40Aii dreki adini tabizo gule gugu. Adi ko’o aii fole joase o̱ei di, i dri mvani ata e, andre be, dia adrelepi i be dii be, aii dreki šizo vo mva dre ayizo di lena. 41Dre mva ruzo drikase, adi dre taza akodidri, Talita kumi, ta alale tale di, Ajukumva ma ta midri, mi konga kuru. 42Drañano ajukumva dre ngazo tecile; akodia kona mudri‐dri‐iri. Drañano aiiki lindri dre gazo gaga we. 43Adi dre taza aiidri, tejia dia koniro ta nidi ko. Adi dre taza aii kofe nga akodidri ñale.
Valgt i Øjeblikket:
Marako 5: LOG
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
first printed by the British and Foreign Bible Society in 1924 and 1927.
