Pam y Pasg?Sampl

Pam fod arnom angen Iesu?

Iesu yw’r unig ddyn i ddewis cael ei eni erioed, ac yn un o’r ychydig rai ddewisodd i farw. Dwedodd mai'r holl reswm dros ddod, oedd, i farw drosom. Fe ddaeth e ‘er mwyn talu'r pris i ryddhau llawer o bobl’ (Marc 10:45).

Dwedodd Iesu ei fod wedi marw ‘drosom’ ni. Mae’r gair ‘drosom’; yn golygu ‘yn ein lle ni.’ Fe wnaeth e hyn am ei fod yn ein caru ni a ddim am i ni orfod talu’r gosb am yr holl bethau dŷn ni wedi’u gwneud o’i le. Ar y groes roedd yn dweud, mewn gwirionedd, ‘Wna i gymryd yr holl bethau yna arnaf i fy hun.’ Fe wnaeth e hyn drosot ti, a drosta i. Pe bai ti neu fi oedd yr unig berson yn y byd, byddai e wedi ei wneud droson ni. Sgwennodd Paul y geiriau hyn, ‘Mab Duw wedi bod yn ffyddlon, wedi fy ngharu i a rhoi ei hun yn aberth yn fy lle i’ (Galatiaid 2:20). Talodd y pris, drwy ei waed ar y groes, oherwydd ei gariad tuag atom.

Mae ‘talu’r pris’ yn dod o’r farchnad caethwasiaeth. Byddai person caredig yn prynu caethwas a’i ollwng yn rhydd - ond yn gyntaf roedd rhaid i’r pris cael ei dalu. Talodd Iesu drwy ei waed ar y groes, y pris i’n gollwng ni i gyd yn rhydd.